ចាប់ផ្តើមធ្វើតេស្ដទឹកនោមរកសារធាតុញៀ.ន លើមន្ដ្រីពន្ធនាគារ និងជនជាប់ឃុំ
- ភ្នំពេញ
រាជធានីភ្នំពេញ ៖ អគ្គនាយកដ្ឋានពន្ធនាគារ ក្រសួងមហាផ្ទៃ បានសម្រេចធ្វើប្រតិបត្តិការធ្វើតេស្ត
រាជធានីភ្នំពេញ ៖ អគ្គនាយកដ្ឋានពន្ធនាគារ ក្រសួងមហាផ្ទៃ បានសម្រេចធ្វើប្រតិបត្តិការធ្វើតេស្តទឹកនោមរកសារធាតុញៀ.ន លើមន្ត្រីពន្ធនាគារទូទាំងប្រទេស និងជនជាប់ឃុំដែលមានការសង្ស័យប្រើប្រាស់សារធាតុញៀ.ន។
ការសម្រេចធ្វើតេស្ដនេះ បន្ទាប់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងបហាផ្ទៃ កាលពីថ្ងៃទី៤ ខែកញ្ញា ឆ្នាំ២០២៣ បានណែនាំឲ្យគ្រប់អង្គភាព ត្រូវរឹតបន្តឹងចំពោះបញ្ហាគ្រឿងញៀ.ន។
យោងតាមសេចក្ដីណែនាំរបស់អគ្គនាយកដ្ឋានពន្ធនាគារ នាថ្ងៃទី២៧ ខែកញ្ញា ឆ្នាំ២០២៣ លោកឈន សាណាត អគ្គនាយកពន្ធនាគារបានថ្លែងថា «ក្នុងន័យនេះ ដើម្បីធានាប្រសិទ្ធិភាពការអនុវត្តការងាររបស់មន្ត្រីពន្ធនាគារ នៅតាមមណ្ឌលអប់រំកែប្រែ និងពន្ធនាគាររាជធានី ខេត្ត ឲ្យកាន់តែមានប្រសិទ្ធភាព និងទទួលបានការជឿទុកចិត្ត ពីមជ្ឈដ្ឋានទូទៅ អគ្គនាយកដ្ឋានពន្ធនាគារ បានសម្រេចដាក់ចេញនូវវិធានការធ្វើតេស្តរកសារធាតុញៀ.ន លើមន្ត្រីពន្ធនាគារពន្ធនាគារជាទូទៅ និងជនជាប់ឃុំដែលមានការសង្ស័យប្រើប្រាស់គ្រឿងញៀ.នក្នុងក្របខណ្ឌ ទូទាំងប្រទេស បន្ទាប់ពីសេចក្ដីណែនាំនេះត្រូវបានដាក់ចេញ»។
លោកអគ្គនាយកបន្ដថា សម្រាប់ការចុះប្រតិបត្តិការធ្វើតេស្តរកសារធាតុញៀ.នជាក់ស្ដែង នឹងដឹកនាំចុះអនុវត្តផ្ទាល់ដោយ អគ្គនាយកដ្ឋានពន្ធនាគារ សហការជាមួយមន្ត្រីពេទ្យពន្ធនាគារគោលដៅនីមួយៗ ដោយមិនមានការជូនដំណឹងជាមុន។ ក្នុងករណីរកឃើញថា មន្ត្រីពន្ធនាគារមានចេតនាគេចវេសក្នុងការមិនចូលរួមសហការធ្វើតេស្ដ ឬរកឃើញមានសារធាតុញៀ.ន អគ្គនាយកដ្ឋានពន្ធនាគារ នឹងគោរពស្នើសុំគោលការណ៍សម្រេចពីក្រសួង ដើម្បីអនុវត្តនូវវិធានការរដ្ឋបាលនានា និងវិធានការផ្លូវច្បាប់ជាធរមាន។
សូមជម្រាបថា ករណីគឿងញៀ.នត្រូវបានរាជរដ្ឋាភិបាលអាណត្តិទី៧បានប្រកាសលុបបំបាត់ឲ្យបានក្នុងនោះបានដាក់នៅក្នុងគោលការអាទិភាពរបស់រាជរដ្ឋាភិបាលផងដែរ។
បញ្ហាគ្រឿងញៀ.ននេះដែរ ប្រជាពលរដ្ឋមានការព្រួយបារម្មណ៍យ៉ាងខ្លាំងព្រោះថានៅតាមតំបន់ពីប្រជុំជនមានការប្រើប្រាស់និងចែកគ្រឿងញៀ.ននេះស្ទើគ្រប់កន្លែង។ ការប្រើប្រាស់គ្រឿងញៀ.ននេះដែរ បានបង្កើតឲ្យមានករណីចោរលួចប្ល.ន់ គ្រោះថ្នាក់ចរាចរណ៍ និងឃា.តកម្មជាដើម៕
ចែករំលែកព័តមាននេះ