សន្និបាតសុខភាពពិភពលោកលើកទី៦៤ ត្រូវបានបើកធ្វើកាលពីថ្ងៃទី១៦ ឧសភា នៅទីក្រុងហ្សឺណែវ ដើម្បីពិនិត្យពីនយោបាយនានារបស់អង្គការសុខភាពពិភពលោក និងពីបញ្ហាទាំងឡាយនៃសុខភាពសាធារណៈ ។ ពីថ្ងៃទី១៦ ដល់ថ្ងៃទី២៤ ឧសភា សន្និបាតប្រចាំឆ្នាំស្តីពីសុខភាពនេះនឹងពិភាក្សាគ្នាពីបញ្ហា ទាំងឡាយដូចតទៅការរៀបចំចំពោះការទប់ទល់នឹងការឆ្លងរាលដាលនៃជំងឺគ្រុនផ្តាសាយ ការផ្លាស់ប្តូរនៃវីរុសគ្រុនផ្តាសាយ និងការទទួលបានវ៉ាក់សាំងការពារជំងឺកញ្ជ្រិល និងការបំផ្លាញ វីរុសនៃជំងឺកញ្ជ្រិល ការផ្គត់ផ្គង់ហរិញ្ញវត្ថុរបស់អង្គការសុខភាពពិភពលោក យន្តការត្រួតពិនិត្យ និងបង្ការជំងឺអាសន្នរោគ ព្រមទាំងគម្រោងយុទ្ធ សាស្ត្រអេដស៍ ២០១១-២០១៥ របស់អង្គការសុខភាពពិភពលោក ។
ក្នុងចំណោមបញ្ហាទាំងឡាយដែលបញ្ចូលក្នុងរបៀបវារៈរួមមានការចិញ្ចឹមទារកនិងកុមារ និងការបង្ការជំងឺដំបៅលើកុមារ គ្រោះថ្នាក់នានារបស់យុវវ័យ និងសុខភាព ការគ្រប់គ្រងសន្តិសុខទឹកស្អាត និងការគ្រប់គ្រងកាកសំណល់ ការលុបបំបាត់ចោលជំងឺស្វិតដៃជើង ការផ្លាស់ប្តូរបរិយាកាស និងការបង្ការសុខភាព និងការត្រួតពិនិត្យជំងឺដែលមិនឆ្លងព្រមទាំងជំងឺគ្រុនចាញ់ ។
សន្និបាតសុខភាពពិភពលោក គឺជាកិច្ចប្រជុំ ប្រចាំឆ្នាំមួយរបស់រដ្ឋ១៩៣ ជាសមាជិករបស់អង្គការសុខភាពពិភពលោក ហើយវាជាអង្គការកំពូលដែលមានសិទ្ធិធ្វើការសម្រេចចិត្តរបស់អង្គការសុខភាពពិភពលោកដែលកំណត់ពីនយោបាយរបស់អង្គការនេះហើយអនុម័តថវិកា ៕
ចែករំលែកព័តមាននេះ