ខេត្តព្រៃវែង ៖ កុមារ៣នាក់បងប្អូនបានត្រូវរានព្រះភូមិបាក់ធា្លក់សង្កត់បណ្តាលឱ្យរបួសធ្ងន់២នាក់ និងស្រាលម្នាក់ កាលពីវេលាម៉ោង៥ និង៣០នាទី ល្ងាចថ្ងៃទី១៣ឧសភា ក្នុងដីភូមិដែលគេទិញទុកចោលខាងលិចផ្ទះកុមាររងគ្រោះប្រមាណ១០ម៉ែត្រ ស្ថិតក្នុងភូមិទួលរកា ឃុំកំពង់ត្របែក ស្រុកកំពង់ត្របែក ។ កុមាររងគ្រោះទាំង៣នាក់
ខេត្តព្រៃវែង ៖ កុមារ៣នាក់បងប្អូនបានត្រូវរានព្រះភូមិបាក់ធា្លក់សង្កត់បណ្តាលឱ្យរបួសធ្ងន់២នាក់ និងស្រាលម្នាក់ កាលពីវេលាម៉ោង៥ និង៣០នាទី ល្ងាចថ្ងៃទី១៣ឧសភា ក្នុងដីភូមិដែលគេទិញទុកចោលខាងលិចផ្ទះកុមាររងគ្រោះប្រមាណ១០ម៉ែត្រ ស្ថិតក្នុងភូមិទួលរកា ឃុំកំពង់ត្របែក ស្រុកកំពង់ត្របែក ។ កុមាររងគ្រោះទាំង៣នាក់ មាន១-ឈ្មោះហាក់ សុធា អាយុ៩ឆាំ្ន បែកប្រអប់ជើងខាងសាំ្ដ របួសធ្ងន់ ២-ឈ្មោះនាង សិលា អាយុ១១ឆាំ្ន បែកក្បាល និងបាក់ដៃខាងឆ្វេង របួសធ្ងន់ និង៣-ឈ្មោះនាងចាន់បូរី អាយុ៦ឆាំ្ន របួសស្រាល ។
តាមការរៀបរាប់របស់កុមារានាងសិលាបានឱ្យដឹងថា រូបគេនិងប្អូនប្រុសនាងចាន់ បូរី ព្រមទាំងប្អូនជីដូនមួយហាក់ សុធាតែងតែនាំគា្នទៅលេងនៅក្រោមរានព្រះភូមិនោះជារៀងរាល់ថ្ងៃ ប៉ុន្ដែមិនដែលលោតតោងរានព្រះភូមិទេ ។ នៅថ្ងៃកើតហេតុ ខណៈកំពុងអង្គុយលេងនៅក្រោមរានព្រះភូមិ ស្រាប់តែប្អូនរបស់ខ្លួនឈ្មោះហាក់ សុធា បបួលគ្នាលោតតោងរានព្រះភូមិ ហើយក៏លោតទៅតោងមុន ឃើញបែបនេះ រូបគេក៏លោតទៅតោងដែរ បន្ទាប់មកប្អូនប្រុសនាងចាន់បូរី ក៏ចូលទៅបម្រុងលោតតោងដូចគ្នា ។ ពេលនោះស្រាប់តែរានព្រះភូមិធ្វើអំពីស៊ីម៉ង់ត៍ទទឹង១ម៉ែត្រ បណ្ដោយ១,២ម៉ែត្រ កំពស់១,៦០ម៉ែត្រ បាក់ដាច់ពីជើងតាងធា្លក់មកសង្កត់លើរូបគេ (នាង សិលា) និងហាក់ សុធាជាប់ រីឯប្អូនប្រុសនាង ចាន់បូរី ក៏ត្រូវដែរ ប៉ុន្ដែមិនបានសង្កត់ចំទេ គ្រាន់តែរបួសស្រាល ។
តាមលោកហាក់ ប្រុស អាយុ៣៤ឆាំ្ន ជាឪពុកកុមារាហាក់ សុធា បានប្រាប់់ថា នៅពេលកើតហេតុនោះ រូបគាត់កំពុងអង្គុយជជែកគា្នលេងជាមួយអ្នកជិតខាងនៅខាងមុខផ្ទះ ស្រាប់ តែឮសំឡេងកូនស្រែកយំទាំងពីរ ទាំងបីនាក់ឱ្យទ្រហឹងឡើង ។ ភា្លមនោះរូបគាត់និងអ្នកជិតខាងនាំគ្នារត់ទៅមើល ស្រាប់តែឃើញរានព្រះភូមិសង្កត់លើកូនជាប់ ក៏នាំគា្នជួយគាស់បង្ហើបយកកូនចេញហើយដឹកយកទៅកាន់គ្លីនិកឯកជនមួយ តែគេមិនទទួលព្យាបាលក៏ដឹកបន្ដទៅកាន់មន្ទីរពេទ្យបង្អែក.កអណ្ដើកទៀត ប៉ុន្ដែក្រុមគ្រូពេទ្យគ្រាន់តែជួយរុំរបួសឱ្យដឹក ហើយក៏ប្រាប់ឱ្យមកកាន់មន្ទីរពេទ្យខេត្ដសា្វយរៀង ។
ពេលមកដល់មន្ទីរពេទ្យភា្លម ក្រុមគ្រូពេទ្យក៏យកកុមារារងគ្រោះធ្ងន់ទាំងពីរនាក់ (ហាក់ សុធា និងនាងសិលា) ទៅថតមើលមុខរបួសនិងព្យាបាលភា្លមៗ ។ បច្ចុប្បន្ននេះកុមារាទាំងពីរនាក់កំពុងសម្រាកព្យាបាលក្នុងមន្ទីរពេទ្យខេត្ដស្វាយរៀង រីឯកុមារានាង ចាន់បូរី របួសស្រាលព្យាបាលនៅផ្ទះ ៕
ចែករំលែកព័តមាននេះ