ខេត្តបាត់ដំបង ៖ សា.ក.ស.ពបុរសម្នាក់ត្រូវបានគេប្រទះឃើញដេកស្លា.ប់អា.ក្រា.តកាយ នៅលើដីមួយកន្លែង ដែលមានស្លាកស្នាមចងដៃផង កាលពីវេលាម៉ោង១០ព្រឹកថ្ងៃទី ២៥ កញ្ញា នៅភូមិកំប្រង់ ឃុំតាក្រី…
ខេត្តបាត់ដំបង ៖ សា.ក.ស.ពបុរសម្នាក់ត្រូវបានគេប្រទះឃើញដេកស្លា.ប់អា.ក្រា.តកាយ នៅលើដីមួយកន្លែង ដែលមានស្លាកស្នាមចងដៃផង កាលពីវេលាម៉ោង១០ព្រឹកថ្ងៃទី ២៥ កញ្ញា នៅភូមិកំប្រង់ ឃុំតាក្រី ស្រុកកំរៀង ដែលគេសង្ស័យអាចជាអំពើឃាតកម្ម ។
កម្លាំងសមត្ថកិច្ចនិងគ្រូពេទ្យបានចុះទៅកាន់កន្លែងកើតហេតុ ដើម្បីពិនិត្យសាកសព ក្រោយទទូលបានដំណឹង តែគេមិនទាន់ស្គាល់អត្តសញ្ញាណជនរងគ្រោះនៅឡើយទេ គ្រាន់តែប៉ាន់ស្មានថា សាកសពនោះមានវ័យជាង៤០ឆ្នាំ ។ សាកសពគ្មានសម្លៀកបំពាក់ទេដេកស្លាប់នៅដីក្បែរថ្លុកទឹកមួយកន្លែង តែសាកសពមានស្នាមចងកដៃទាំងសងខាង ។
សមត្ថកិច្ចដែលចុះពិនិត្យសាកសព ពុំទាន់ហ៊ានធ្វើការសននិដ្ឋានបែបណាទៅលើសាកសពទេ បើទោះគេពិនិត្យឃើញនៅត្រង់កដៃទាំងសងខាងរបស់សាកសពនោះមានស្នាមចងរឹតក្ដី ។ ប៉ុន្តែបើតាមប្រភពខ្លះៗ ក្រៅផ្លូវការបានបង្ហើបឲ្យដឹងថា សាកសពបុរសគ្មានអត្តសញ្ញាណនោះ ទំនងអាចត្រូវមនុស្សមួយក្រុមសម្លាប់នៅកន្លែងផ្សេង រួចដឹកយកទៅបោះចោលនៅទីនោះ ។
ប្រភពបាននិយាយទៀតថា គេសង្ស័យបុរសនោះ ទំនងជាមនុស្សមានសតិមិនប្រក្រតីទៀតផង ប៉ុន្តែយ៉ាងណា ពុំទាន់មានប្រភពច្បាស់លាស់អំពីប្រវត្តិជនរងគ្រោះនៅឡើយទេ សូម្បីតែអត្តសញ្ញាណក៏គេមិនទាន់ស្គាល់ដែរ ។
ចែករំលែកព័តមាននេះ