ខេត្តកំពត ៖ កាលពីព្រឹកថ្ងៃទី២៤ កញ្ញា ឆ្នាំ២០២៣ លោកឧកញ៉ាសុខ គង់ ប្រធានក្រុមហ៊ុនសុខាអូតែលបូកគោ បានអញ្ជើញចុះទៅមើលការដ្ឋានសាងសង់រូបសំណាកព្រះបរិមាកដ៏ធំមួយព្រះអង្គ ដែលមានកម្ពស់ខ្ពស់ជាងគេនៅក្នុងប្រទេសកម្ពុជា…
ខេត្តកំពត ៖ កាលពីព្រឹកថ្ងៃទី២៤ កញ្ញា ឆ្នាំ២០២៣ លោកឧកញ៉ាសុខ គង់ ប្រធានក្រុមហ៊ុនសុខាអូតែលបូកគោ បានអញ្ជើញចុះទៅមើលការដ្ឋានសាងសង់រូបសំណាកព្រះបរិមាកដ៏ធំមួយព្រះអង្គ ដែលមានកម្ពស់ខ្ពស់ជាងគេនៅក្នុងប្រទេសកម្ពុជា ដែលកំពុងសាងសង់នៅលើភ្នំបូកគោតែម្តង ។
លោកឧកញ៉ាសុខ គង់ បានមានប្រសាសន៍ថា ការសាងសង់រូបសំណាកព្រះពុទ្ធបរិមាកមួយព្រះអង្គនៅលើភ្នំបូកគោនេះ គឺមានកំពស់108ម៉ែត្រ ដោយចំណាយថវិកាក្នុងការកសាង បើតាមការវាយតំលៃអស់ទឹកប្រាក់ចំនួន60លានទៅ70លានដុល្លារ ប្រើរយៈពេលសាងសង់4ទៅ5ឆ្នាំ ទើបហើយរួចរាល់ ។
លោកឧកញ៉ាសុខ គង់ បានរួមដំណើរជាមួយក្រុមការងារ និងព្រះសង្ឃជាច្រើនអង្គ ស្របពេលនៅព្រឹកថ្ងៃទី២៤ កញ្ញា នេះ នៅលើភ្នំបូកគោមានអ្នកផ្ដើមធ្វើពិធីបុណ្យមហាសាមគ្គីផ្កាប្រាក់ព្រះវិមលសំណេញាណចាន់វិសាល និងលោកឧកញ៉ាសុខ គង់ ក្នុងនោះ មានពុទ្ធបរិស័ទរាប់ម៉ឺននាក់ មកពី25រាជធានីខេត្តក្រុង ។
លោកឧកញ៉ាសុខ គង់ បានមានប្រសាសន៍ថា ការកសាងព្រះពុទ្ធបដិមាកមួយព្រះអង្គតម្កល់ទុកនៅលើភ្នំនេះ ទុកឱ្យកូនខ្មែរគ្រប់ជំនាន់តកូនតចៅ គ្រាន់បានគោរពបូជា និងមិនផ្លាស់ប្ដូរទីកន្លែងជាដាច់ខាត និងសូមអោយបងប្អូនប្រជាពលរដ្ឋបន្តចូលរួមចាប់មគផលគម្រោងការសាងសង់រូបសំណាកព្រះពុទ្ធបដិមាដែលមានកម្ពស់ខ្ពស់ជាងគេនៅប្រទេសកម្ពុជានៅលើភ្នំបូកគោ ។
ចែករំលែកព័តមាននេះ