រាជធានីភ្នំពេញ ៖ តាមរយៈទស្សនកិច្ចរបស់ប្រមុខរាជរដ្ឋាភិបាលកម្ពុជា នៅកាន់ទឹកដីអាមេរិក ក៏បង្ហាញទំនាក់ទំនងកម្ពុជា-អាមេរិក នឹងកាន់តែរឹងមាំខ្លាំងថែមទៀត ពិសេសនោះ ភាគីទាំង២ មានផលប្រយោជន៍រួមគ្នា កាន់តែធំ…
រាជធានីភ្នំពេញ ៖ តាមរយៈទស្សនកិច្ចរបស់ប្រមុខរាជរដ្ឋាភិបាលកម្ពុជា នៅកាន់ទឹកដីអាមេរិក ក៏បង្ហាញទំនាក់ទំនងកម្ពុជា-អាមេរិក នឹងកាន់តែរឹងមាំខ្លាំងថែមទៀត ពិសេសនោះ ភាគីទាំង២ មានផលប្រយោជន៍រួមគ្នា កាន់តែធំ ។
ថ្លែងប្រាប់ក្រុមអ្នកសារព័ត៌មាន ក្នុងសន្នីសីទសារព័ត៌មាន នាព្រឹកថ្ងៃទី២៥ ខែកញ្ញា ឆ្នាំ២០២៣ នៅព្រលានយន្តហោះអន្តរជាតិភ្នំពេញ ឯកឧត្តម ហ្សង់ ហ្វ្រង់ស័រ តាន់ (Jean-Francois Tain) រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងការបរទេស បានលើកយ៉ាងដូច្នេះថា ៖ «ទំនាក់ទំនងកម្ពុជា-អាមេរិក នឹងរឹតតែរឹងមាំខ្លាំងឡើង បើសិនកម្ពុជា និងអាមេរិក ផ្តល់ប្រយោជន៍រួមគ្នាកាន់តែធំ និងមានផលប្រយោជន៍កាន់តែច្រើន ទោះជាផលប្រយោជន៍សេដ្ឋកិច្ច នយោបាយ ឬភូមិសាស្ត្រានយោបាយក្តី» ។
ការបញ្ជាក់របស់ឯកឧត្តម រដ្ឋលេខាធិការនេះ បន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្ត្រី បានលើកឡើងក្នុងជំនួបជាមួយអ្នកធុរៈកិច្ចអាមេរិក បានបញ្ចុះបញ្ចូលអ្នកវិយោគអាមេរិក មកបណ្តាក់ទន់នៅកម្ពុជា កាន់តែច្រើន ។
ជាមួយគ្នានោះដែរ ឯកឧត្តម ហ្សង់ ហ្វ្រង់ស័រ តាន់ ក៏បានឲ្យដឹងថា ក្នុងជំនួបជាមួយបងប្អូនប្រជាពលរដ្ឋ នៅសហរដ្ឋអាមេរិក ក៏បង្ហាញពីការសាមគ្គីភាពរវាងខ្មែរនិងខ្មែរផង។ ការពង្រឹងរវាងខ្មែរនៅក្រៅស្រុក និងខ្មែរនៅក្នុងស្រុក ក៏បង្ហាញពីការរួមគ្នា ដើម្បីអនាគតរួមមួយ ប្រជាជាតិតែមួយ ។
ឯកឧត្តមរដ្ឋលេខាធិការ ក៏បានលើកឡើងក្នុងជំនួបរវាងសម្តេចធិបតី ហ៊ុន ម៉ាណែត ជាមួយលោកជំទាវ វ៉ិចតូរីយ៉ា នូលែន (Victoria Nuland) អនុរដ្ឋមន្ត្រីការបរទេសស្ដីទី សហរដ្ឋអាមេរិក សុទ្ធតែបង្ហាញពីចំណងមិត្តភាពកាន់តែប្រើសើរ ។
ឯកឧត្តម គូសបញ្ជាក់ថា ៖ «យើងមិនទាន់និយាយពីវិធី និងមធ្យោបាយ ដើម្បីឲ្យប្រទេសទាំងពីរ ចាប់ដៃគ្នាឲ្យជាប់ដើរតាមទិសដៅតែមួយនោះទេ ប៉ុន្តែខ្ញុំយល់ឃើញថា យើងគូរតែមានសុទ្ធិដ្ឋិនិយមរវាងកម្ពុជា និងអាមេរិក ក្នុងការចាប់ដៃរលាក់ជាមួយគ្នាផលប្រយោជន៍រួមគ្នា លើសេដ្ឋកិច្ច ឬភូមិសាស្ត្រនយោបាយ» ។
ឯកឧត្តម បានលើកឡើងថា មកដល់ពេលនេះ កម្ពុជា អាមេរិក បានមើលឃើញថា មានប្រយោជន៍មួយចំនួនផងដែរ ដូចជាទំនាក់ទំនងពាណិជ្ជកម្ម វិនិយោគ។ ជាក់ស្តែង នៅឆ្នាំ២០២២ កន្លងមកនេះ ទំហំពាណិជ្ជកម្មកម្ពុជា អាមេរិក មានប្រមាណ ១៣,៥ប៊ីលានដុល្លារអាមេរិក ហើយអាចនឹងរីកធំជាងនេះ។ ចំណុចទំហំពាណិជ្ជកម្មនេះ ជាកក្តាសន្យានុម័តមួយ ដែលបង្ហាញថា កម្ពុជា អាមេរិកអាចនឹងបោះពួយទៅមុខបន្តទៀត ។
ក្នុងកាសនោះដែរ ឯកឧត្តមរដ្ឋលេខាធិការ បានអះអាងថា ចាប់ពីពេលនេះតទៅកម្ពុជា ត្រូវធ្វើការធ្វើទំនាក់ទំនងជាមួយប្រទេសមហាអំណាចមួយនេះ គឺធ្វើយ៉ាងចាប់យកការធ្វើវិនិយោគ ឲ្យមកបណ្តាក់ទន់រកស៊ី នៅកម្ពុជា កាន់តែច្រើន៕
ចែករំលែកព័តមាននេះ