រាជធានីភ្នំពេញ ៖ ថ្ងៃនេះ (ថ្ងៃទី១៧ ឧសភា ២០១១) គឺជាថ្ងៃ បុណ្យវិសាខបូជាត្រូវនឹងថ្ងៃទី១៥កើត ខែវិសាខ ជាថ្ងៃរំឭកដល់ព្រះសមណគោត្តម ដែលទ្រង់ប្រសូត-ត្រាស់ដឹង និងព្រះបរិនិព្វាន ។ សម្រាប់ពិធីបុណ្យវិសាខបូជា ដែលជាពិធីដ៏ធំនៃព្រះពុទ្ធសាសនានៅក្នុងឆ្នាំ២០១១នេះ រាជរដ្ឋាភិបាលកម្ពុជាបានប្រារព្ធធ្វើធំខុសពីឆ្នាំមុនៗ
រាជធានីភ្នំពេញ ៖ ថ្ងៃនេះ (ថ្ងៃទី១៧ ឧសភា ២០១១) គឺជាថ្ងៃ បុណ្យវិសាខបូជាត្រូវនឹងថ្ងៃទី១៥កើត ខែវិសាខ ជាថ្ងៃរំឭកដល់ព្រះសមណគោត្តម ដែលទ្រង់ប្រសូត-ត្រាស់ដឹង និងព្រះបរិនិព្វាន ។ សម្រាប់ពិធីបុណ្យវិសាខបូជា ដែលជាពិធីដ៏ធំនៃព្រះពុទ្ធសាសនានៅក្នុងឆ្នាំ២០១១នេះ រាជរដ្ឋាភិបាលកម្ពុជាបានប្រារព្ធធ្វើធំខុសពីឆ្នាំមុនៗ ដោយរៀបចំប្រារព្ធពិធីនៅភ្នំឧដុង្គ ឬហៅភ្នំព្រះរាជទ្រព្យ ស្ថិតនៅស្រុកពញាឮ ខេត្តកណ្តាល ជាប់ស្រុកឧដុង្គ ខេត្តកំពង់ស្ពឺ និងប្រារព្ធខួប២៦០០ឆ្នាំនៃការត្រាស់ដឹងរបស់ព្រះសម្មាសម្ពុទ្ធនៅមណ្ឌលតាំងពិព័រណ៍ទីក្រុងកោះពេជ្រ ក្នុងរាជធានីភ្នំពេញ។
ជាមួយគ្នានេះដែរ នៅឯភ្នំឧដុង្គ ហៅភ្នំព្រះរាជទ្រព្យ ដែលជាកន្លែងរៀបចំពិធីបុណ្យវិសាខបូជាដ៏ធំជារៀងរាល់ឆ្នាំនោះ នៅខណៈពេលនេះបើតាមអ្នកឆ្លើយឆ្លងព័ត៌មានកោះសន្តិភាពដែលកំពុងមានវត្តមាននៅក្នុងពិធីនោះ បានបញ្ជាក់ឱ្យដឹងថា ពិធីបុណ្យបានចាប់ផ្តើមប្រារព្ធធ្វើតាំងពីវេលាព្រឹកព្រលឹមដែលមានការអញ្ជើញចូលរួមជាអធិបតីពីសំណាក់សម្តេចអគ្គមហាពញាចក្រីហេង សំរិន ប្រធានរដ្ឋសភា សមាជិករដ្ឋសភា ព្រឹទ្ធសភា រាជរដ្ឋាភិបាល និងពុទ្ធសាសនិក ប្រមាណ៣.០០០នាក់៕
ចែករំលែកព័តមាននេះ