ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​ខ្មែរ​លក់ដូរ​នៅ​ផ្សារ​រ៉ុ​ង​ក្លឿ សុំ​ប្រើប្រាស់​សំបុត្រ​ឆ្លង​ដែន​ងា​.​យ​ស្រួល​ជាង​ប័ណ្ណ​ព្រំដែន​កម្ពុជា​-​ថៃ​(​វី​ដេ​អូ​)

9 ខែ មុន
  • បន្ទាយមានជ័យ

ពលរដ្ឋ​ខ្មែរ​ដែល​លក់ដូរ​នៅ​ផ្សារ​រ៉ុ​ង​ក្លឿ ប្រទេស​ថៃ ស្នើ​សុំ​ប្រើប្រាស់​សំបុត្រ​ឆ្លង​ដែន ព្រោះថា ងាយស្រួល​ជាង​ប័ណ្ណ​ព្រំ​ដែន​កម្ពុជា​-​ថៃ ដែល​មានការ​យឺតយ៉ាវ ក្នុង​ការ​ចេញ​-​ចូល​តាម​ច្រក​ទ្វារ​អន្តរ​ជាតិ​ប៉ោយ​ប៉ែ​ត​

ខេត្តបន្ទាយមានជ័យ ៖ ពលរដ្ឋ​ខ្មែរ​ដែល​លក់ដូរ​នៅ​ផ្សារ​រ៉ុ​ង​ក្លឿ ប្រទេស​ថៃ ស្នើ​សុំ​ប្រើប្រាស់​សំបុត្រ​ឆ្លង​ដែន ព្រោះថា ងាយស្រួល​ជាង​ប័ណ្ណ​ព្រំដែន​កម្ពុជា​-​ថៃ ដែល​មានការ​យឺតយ៉ាវ ក្នុង​ការ​ចេញ​-​ចូល​តាម​ច្រក​ទ្វារ​អន្តរជាតិ​ប៉ោយ​ប៉ែ​ត​។

បើ​តាម​ពលរដ្ឋ​ខ្មែរ​ដែល​លក់ដូរ​នៅ​ផ្សារ​រ៉ុ​ង​ក្លឿ ប្រទេស​ថៃ បាន​រៀបរាប់​ប្រាប់​ឱ្យ​ដឹង​ថា នៅ​ពេល​ដែល​ប្រជាពលរដ្ឋ​លក់ដូរ ពលករ​ខ្មែរ និង​កម្មករ​អូស​រទេះ ដែល​ចេញ​-​ចូល​រកស៊ី​នៅ​ផ្សារ​រ៉ុ​ង​ក្លឿ ប្រទេស​ថៃ តាម​ច្រក​ទ្វារ​អន្តរជាតិ​ប៉ោយ​ប៉ែ​ត ដែល​ប្រើប្រាស់​ប័ណ្ណ​ព្រំដែន​កម្ពុជា​-​ថៃ ហើយ​កាលពី​បោះត្រា យក​លុយ​ម្តងម្នាក់​៧​ពាន់​រៀល ស្មើនឹង​៥០​បាត គឺ​ចេញ​-​ចូល​ទៅ​មក​បាន​ស្រួល និង​ឆាប់រហ័ស​។

ពលរដ្ឋ​រូប​នោះ បាន​បញ្ជាក់​ថា ក្រោយ​ពី​អាជីវករ​លក់ដូរ​នៅ​ក្នុង​ផ្សារ​រ៉ុ​ង​ក្លឿ មិនសូវ​ដាច់ សេដ្ឋកិច្ច​ត្រូវ​ជួប​ការ​លំបាក​នោះ ក៏​បាន​នាំ​គ្នា​ស្នើ​សុំ​ឱ្យ​បញ្ឈប់​ការ​បោះត្រា​ប័ណ្ណ​ព្រំដែន​កម្ពុជា​-​ថៃ ឈប់​យក​លុយ ត្រូវ​ភាគី​ថៃ​រឹត​បណ្តឹង​ការ​ចេញ​-​ចូល ឯកសារ បណ្តាល​ឱ្យ​កកស្ទះ​រាល់​ចេញ​-​ចូល​យឺតយ៉ាវ ខក​ខាត​ពេលវេលា ទើប​ពលរដ្ឋ​ខ្មែរ​លក់ដូរ​នៅ​ផ្សារ​រ៉ុ​ង​ក្លឿ ប្រទេស​ថៃ ស្នើ​សុំ​ឱ្យ​ប្រើប្រាស់​លក់​សំបុត្រ​ចេញ​-​ចូល ដូច​កាល​ពីមុខ​ងាយស្រួល​ទៅ​មក ចេញ​-​ចូល​ម្តង​ទិញ​១​សំបុត្រ​ពិតជា​ងាយស្រួល ហើយ​ឆាប់រហ័ស​ទៀត​ផង​។

បើ​តាម​លោក គាត ហ៊ុ​ល អភិបាលក្រុង​ប៉ោយ​ប៉ែ​ត បាន​បញ្ជាក់​ថា ប្រជាពលរដ្ឋ​លក់ដូរ​នៅ​ផ្សារ​រ៉ុ​ង​ក្លឿ ប្រទេស​ថៃ ដែល​ចេញ​-​ចូល​ស្នើ​សុំ​ឱ្យ​មានការ​លក់​សំបុត្រ​ចេញ​-​ចូល​តាម​ច្រក​ទ្វារ​អន្តរជាតិ​ប៉ោយ​ប៉ែ​ត ឈម​ច្រក​ក្លង​ឡឹ​ក ប្រទេស​ថៃ​នេះ គឺ​រយៈពេល​កន្លង​មកនេះ បាន​ប្រជុំ​ជជែក​គ្នា​រួច​ម្តង​មក​ហើយ កាលពីមុន​ពលរដ្ឋ​ខ្មែរ​ត្រូវ​បាន​ទិញ​សំបុត្រ​ចេញ​-​ចូល​។ ក្រោយមក ត្រូវ​បាន​ប្រើប្រាស់​ប័ណ្ណ​ព្រំដែន​កម្ពុជា​-​ថៃ ស្នាក់​នៅ​បាន​រយៈពេល​១​ស​ប្តា​ហ៍ ហើយ​ត្រូវ​បាន​បញ្ចប់​ការ​បោះត្រា យក​លុយ គឺ​មានការ​យឺតយ៉ាវ​ការ​ពិតមែន តែ​មន្ត្រី​ជំនាញ​ច្រក​ទ្វារ​អន្តរជាតិ​ប៉ោយ​ប៉ែ​ត បាន​សម្រួល​ជួយ​គ្រប់ពេល​៕

អត្ថបទសរសេរ ដោយ

កែសម្រួលដោយ