រាជធានីភ្នំពេញ ៖ យោងតាមមន្ត្រីគណបក្សហ៊្វុនស៊ីនប៉ិចបានឱ្យដឹងកាលពីថ្ងៃទី១៦ ឧសភា ២០១១ ថា សមាជិកគណៈកម្មាធិការនាយករបស់គណបក្សហ៊្វុនស៊ីនប៉ិចចំនួន៤៨រូប ក្នុងចំណោម១២០រូប បានធ្វើញត្តិទៅលោកកែវពុទ្ធរស្មី ប្រធានមគ្គុទ្ទេសក៍នៃគណបក្សហ៊្វុនស៊ីនប៉ិច ដើម្បីសុំឱ្យលោកពិនិត្យឡើងវិញនូវបេក្ខជន២រូបដែល
រាជធានីភ្នំពេញ ៖ យោងតាមមន្ត្រីគណបក្សហ៊្វុនស៊ីនប៉ិចបានឱ្យដឹងកាលពីថ្ងៃទី១៦ ឧសភា ២០១១ ថា សមាជិកគណៈកម្មាធិការនាយករបស់គណបក្សហ៊្វុនស៊ីនប៉ិចចំនួន៤៨រូប ក្នុងចំណោម១២០រូប បានធ្វើញត្តិទៅលោកកែវពុទ្ធរស្មី ប្រធានមគ្គុទ្ទេសក៍នៃគណបក្សហ៊្វុនស៊ីនប៉ិច ដើម្បីសុំឱ្យលោកពិនិត្យឡើងវិញនូវបេក្ខជន២រូបដែលត្រូវបានតែងតាំងជាសមាជិកគណៈកម្មាធិការអចិន្ត្រៃយ៍នៃគណបក្សហ៊្វុនស៊ីនប៉ិចលោកជី សូណា និងលោកស្រីកង បូរ៉ាន់ ដែលអ្នកទាំងពីរនេះត្រូវបានគេអះអាងថា មិនសូវសកម្មនៅក្នុងគណបក្សហ៊្វុនស៊ីនប៉ិចមិនគួរត្រូវតែងតាំងតួនាទីបែបនេះទេ ។
មន្ត្រីគណបក្សហ៊្វុនស៊ីនប៉ិចបន្តថា បច្ចុប្បន្នគណបក្សហ៊្វុនស៊ីនប៉ិចមានគណៈកម្មាធិការនាយកចំនួន១២០រូប និងមានសមាជិកអចិន្ត្រៃយ៍សរុប១៩រូប បម្រុង៥រូប ។ សូមរំឭកថា កាលពីថ្ងៃទី២ មេសា ២០១១ គណបក្សហ៊្វុនស៊ីនប៉ិច មានបើកសមាជជាតិរបស់ខ្លួនបានធ្វើការកែទម្រង់ស៊ីជម្រៅដោយផ្លាស់ប្តូរថ្នាក់ដឹកនាំគណបក្សហ៊្វុនស៊ីនប៉ិច ដែលកាលណោះលោកកែវ ពុទ្ធរស្មី ត្រូវបានតែងតាំងជាប្រធានមគ្គុទ្ទេសក៍ លោកលឺ ឡាយស្រេង ជាប្រធានកិត្តិយស និងលោកញឹក ប៊ុនឆៃ ជាប្រធានប្រតិបត្តិនៃគណបក្សហ៊្វុនស៊ីនប៉ិច ។
កាលពីថ្ងៃទី១៤ ឧសភា ២០១១ មន្ត្រីគណបក្សហ៊្វុនស៊ីនប៉ិចបានសសេរលិខិតមួយទៅលោកកែវ ពុទ្ធរស្មី ដោយមានការចុះហត្ថលេខាពីមន្ត្រីគណៈកម្មាធិការនាយកនៃគណបក្សហ៊្វុនស៊ីនប៉ិចចំនួន៤៨រូប ក្នុងចំណោមគណៈកម្មាធិការនាយក១២០រូប ដើម្បីពិនិត្យមើលបេក្ខភាព២រូបខាងលើ (លោកជី សូណា និងលោកស្រីកង បូរ៉ាន់) អ្នកទាំង២ត្រូវបានតែងតាំងដោយលោកកែវ ពុទ្ធរស្មី និងលោកលឺ ឡាយស្រេង ដោយមិនបានឆ្លងកាត់ការយល់ព្រមពីសមាជិកគណៈកម្មាធិការនាយកនៃគណបក្សហ៊្វុនស៊ីនប៉ិចទេ ។ ទោះបីជាយ៉ាងណា កោះសន្តិភាពនៅមិនទាន់បានទទួលព័ត៌មានផ្លូវការណាមួយពីថ្នាក់ដឹកនាំរបស់គណបក្សហ៊្វុនស៊ីនប៉ិចនៅឡើយទេ ពាក់ព័ន្ធនឹងការដកតួនាទិវិញនេះ៕
ចែករំលែកព័តមាននេះ