ខណ:ដែលការប្រយុទ្ធគ្នានៅតាមព្រំដែនកម្ពុជា និងថៃ បានធ្វើការអោយមានការព្រួយបារម្ភជាលក្ខណ:អន្តរជាតិនោះ ក្រុមប្រឹក្សាសន្តិសុខអង្គការសហប្រជាជាតិ (UN) គ្រោងនឹងបើកកិច្ចប្រជុំបន្ទាន់មួយ ដើម្បីរកវិធីដោះស្រាយនៅម៉ោង២ព្រឹក ថ្ងៃសៅរ៍ ទី២៦ ខែកក្កដា…
ខណ:ដែលការប្រយុទ្ធគ្នានៅតាមព្រំដែនកម្ពុជា និងថៃ បានធ្វើការអោយមានការព្រួយបារម្ភជាលក្ខណ:អន្តរជាតិនោះ ក្រុមប្រឹក្សាសន្តិសុខអង្គការសហប្រជាជាតិ (UN) គ្រោងនឹងបើកកិច្ចប្រជុំបន្ទាន់មួយ ដើម្បីរកវិធីដោះស្រាយនៅម៉ោង២ព្រឹក ថ្ងៃសៅរ៍ ទី២៦ ខែកក្កដា ឆ្នាំ២០២៥ ម៉ោងនៅប្រទេសកម្ពុជា ។ នេះបើយោងតាមការចេញផ្សាយយរបស់ទីភ្នាក់ងារព័ត៌មាន AFP នៅព្រឹកថ្ងៃទី២៥ ខែកក្កដានេះ។
បើតាម AFP កិច្ចប្រជុំបន្ទាន់នេះ ធ្វើឡើងតាមការស្នើសុំរបស់នាយករដ្ឋមន្ត្រីកម្ពុជា ហើយកិច្ចប្រជុំធ្វើឡើងដោយបិទទ្វារ ។
សូមជម្រាបថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៤ ខែកក្កដា ឆ្នាំ២០២៥ បានលិខិតផ្ញើជូនលោក Asim Iftikhar Ahmad ប្រធានប្តូរវេនក្រុមប្រឹក្សាសន្តិសុខអង្គការសហប្រជាជាតិសម្រាប់ខែកក្កដា ឆ្នាំ២០២៥ ស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃ មកលើដែនអធិបតីភាពរបស់កម្ពុជា ។
លិខិតរបស់សម្តេចបវរធិបតី បានលើកឡើងថា ខ្ញុំសូមជម្រាបជូនឯកឧត្តម ក៏ដូចជាសមាជិកដទៃទៀតនៃក្រុមប្រឹក្សាសន្តិសុខអង្គការសហប្រជាជាតិជ្រាបជាបន្ទាន់ អំពីការឈ្លានពានដោយអាវុធមកលើប្រទេសកម្ពុជានាពេលថ្មីៗនេះ ដោយកងកម្លាំងយោធាថៃនៅតាមព្រំដែនកម្ពុជា-ថៃ ដូចតទៅ ៖
ចាប់តាំងពីព្រឹកព្រលឹមថ្ងៃទី២៤ ខែកក្កដា ឆ្នាំ២០២៥ កងកម្លាំងប្រដាប់អាវុធថៃបានបើកការ វាយប្រហារដោយមានការគិតទុកជាមុន និងចេតនាបង្កហេតុមកលើទីតាំងរបស់កម្ពុជាតាមបណ្តោយតំបន់ព្រំដែន រួមមានតំបន់ប្រាសាទតាមាន់ធំ ប្រាសាទតាក្របី តំបន់មុំបី ដែលស្ថិតក្នុងខេត្តព្រះវិហារ និងខេត្តឧត្តរមានជ័យ ៕
ចែករំលែកព័តមាននេះ