ខេត្តបន្ទាយមានជ័យ ៖ ក្រោយពីរងការរិៈគន់ពីសំណាក់ប្រជាពលរដ្ឋរួចមក មន្ត្រីសុខភាពសត្វនិងផលិតកម្មសត្វបានចុះពិនិត្យ និងបោះត្រាលើសាច់ជ្រូកដែលចេញលក់នៅទីសត្តឃាតស្រុកថ្មពួក កាលពីវេលាម៉ោង៤យប់ទៀបភ្លឺចូលថ្ងៃទី២២ ខែកញ្ញា ឆ្នាំ២០២៣ នេះ នៅស្រុកថ្មពួក…
ខេត្តបន្ទាយមានជ័យ ៖ ក្រោយពីរងការរិៈគន់ពីសំណាក់ប្រជាពលរដ្ឋរួចមក មន្ត្រីសុខភាពសត្វនិងផលិតកម្មសត្វបានចុះពិនិត្យ និងបោះត្រាលើសាច់ជ្រូកដែលចេញលក់នៅទីសត្តឃាតស្រុកថ្មពួក កាលពីវេលាម៉ោង៤យប់ទៀបភ្លឺចូលថ្ងៃទី២២ ខែកញ្ញា ឆ្នាំ២០២៣ នេះ នៅស្រុកថ្មពួក ។
លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានប្រាប់ថា ក្រោយរងការរិៈគន់ពីប្រជាពលរដ្ឋបានចោទនៅទីសត្តឃាតស្រុកថ្មពួកថា មានករណីដើរយកលុយពីឈ្មួញកាប់ជ្រូកតាមផ្ទះដើម្បីមិនឆ្លងការត្រួតពិនិត្យសុខភាពសត្វអោយបានត្រឹមត្រូវនោះទេ ដែលសាច់ជ្រូកទាំងនោះអាចមានជំងឺឆ្លងដល់អ្នកទិញបរិភោគសាច់ជ្រូកបាន ។
លោកបានបញ្ជាក់ទៀតថា ជាការណែនាំពីអគ្គនាយកដ្ឋានសុខភាពសត្វ និងផលិតកម្មសត្វ និងមន្ទីកសិកម្មរុក្ខា ប្រមាញ់ និងនេសាទខេត្តបន្ទាយមានជ័យ រួមនិងមន្ត្រីសុខភាពសត្វ និងផលិតកម្មសត្វ ក៏បានចុះទៅពិនិត្យនៅទីសត្តឃាតជ្រូក គោ ក្របី ស្រុកថ្មពួក ឃើញថា គឺមានលិខិតអនុញ្ញាតបង្កើតទីសត្តឃាតដ្ឋានស្រុកថ្មពួក និងបានចុះបញ្ជីពន្ធដាត្រឹមត្រូវ ដែលមានទីតាំងភូមិឯកភាព ឃុំគំរូ ស្រុកថ្មពួក ។
លោក ហ៊ុយ ទូច បានបញ្ជាក់ថា ក្រោយចុះពិនិត្យសុខភាពសត្វនៅទីសត្តឃាតដ្ឋាន ស្រុកថ្មពួកនៅយប់ទៀបភ្លឺ មន្ត្រីជំនាញបានបោះត្រាលើសាច់ជ្រូកដែលពិនិត្យហើយអោយចេញលក់ទីផ្សារ ដែលជាត្រាពិនិត្យសុខភាពនៅពេលពិឃាតសាច់លក់ ហើយទីសត្តឃាតដ្ឋានស្រុកថ្មពួកត្រូវម្ចាស់ថា ជ្រូកពិឃាត១ថ្ងៃជិត១០ក្បាល ជាជ្រូកក្រុមហ៊ុនស៊ីភី និងគោ ឬក្របីមួយសប្តាហ៍បានកាប់១ក្បាល សម្រាប់ផ្គត់ផ្គង់លក់ក្នុងទីផ្សារស្រុកថ្មពួក ។
ចែករំលែកព័តមាននេះ