រាជធានីភ្នំពេញ ៖ ម៉ូតូម៉ាកឃ្លិច ពណ៌ខ្មៅលាយស និងឈាមជ្រូក ពាក់ស្លាកលេខភ្នំពេញ១AI៧៥៥៧ ត្រូវក្រុមចោរប្លុងចោលនៅតាមផ្លូវលេខ១៥០ សង្កាត់ផ្សារដេប៉ូទី១ ខណ្ឌទួលគោក កាលពីវេលាម៉ោង២រំលងអធ្រាត្រ ថ្ងៃទី១៥ ខែឧសភា បន្ទាប់ពីលួចគាស់ផ្ទះយកបានហើយតែបញ្ឆេះមិនចេះ ហើយប្រទះ កំលាំងប៉ូលិសល្បាត
រាជធានីភ្នំពេញ ៖ ម៉ូតូម៉ាកឃ្លិច ពណ៌ខ្មៅលាយស និងឈាមជ្រូក ពាក់ស្លាកលេខភ្នំពេញ១AI៧៥៥៧ ត្រូវក្រុមចោរប្លុងចោលនៅតាមផ្លូវលេខ១៥០ សង្កាត់ផ្សារដេប៉ូទី១ ខណ្ឌទួលគោក កាលពីវេលាម៉ោង២រំលងអធ្រាត្រ ថ្ងៃទី១៥ ខែឧសភា បន្ទាប់ពីលួចគាស់ផ្ទះយកបានហើយតែបញ្ឆេះមិនចេះ ហើយប្រទះ កំលាំងប៉ូលិសល្បាត។ បន្ទាប់ពីប្រទះឃើញម៉ូតូនោះសមត្ថកិច្ចបញ្ជូនទៅរក្សាទុកនៅអធិការដ្ឋានខណ្ឌទួលគោក ហើយស្រាវជ្រាវរកម្ចាស់ឃើញកាលពីព្រឹកថ្ងៃទី១៦ ខែឧសភា ខណៈពេលម្ចាស់មកដាក់ពាក្យបណ្តឹងនៅអធិការដ្ឋាន។
តាមសមត្ថកិច្ចខណ្ឌទួលគោកឱ្យដឹងថា នៅពេលសមត្ថកិច្ចប៉ុស្តិ៍ផ្សារដេប៉ូទី១ជិះម៉ូតូល្បាតក្នុងមូលដ្ឋានប្រទះឃើញម៉ូតូម៉ាកឃ្លិកដែលគេប្លុងចោលនៅតាមផ្លូវលេខ១៥០ ។ ម៉ូតូនោះត្រូវគេដោះផ្នែកខាងមុខដើម្បីបញ្ឆេះឱ្យឆេះ តែមិនឆេះ។ សមត្ថកិច្ចយកម៉ូតូនោះបញ្ជូនទៅកាន់អធិការដ្ឋានដើម្បីស្រាវជ្រាវរកម្ចាស់។ តាមឈ្មោះចន សារ៉េត ភេទប្រុស អាយុ១៩ឆ្នាំ ស្នាក់នៅផ្ទះជួលលេខ៦៨ ផ្លូវលេខ១៥០ សង្កាត់ផ្សារដេប៉ូទី១ ជាម្ចាស់ម៉ូតូឱ្យដឹងថា ម៉ូតូម៉ាកឃ្លិកនេះ គេទើបតែទិញកាលពីថ្ងៃទី១៣ ខែឧសភា ក្នុងតម្លៃ១.៥២០ដុល្លារ។ រូបគេទុកម៉ូតូនេះក្នុងផ្ទះជួល លុះព្រឹកឡើងស្រាប់តែបាត់ដោយត្រូវចោរគាស់ទ្វារផ្ទះលួចយកទៅបាត់ ៕
ចែករំលែកព័តមាននេះ