ខេត្តបាត់ដំបង ៖ សាច់មងប្រវែងយ៉ាងតិចជិត១០០០ម៉ែត្រ និងឧបករណ៍នេសាទល្មើសច្បាប់មួយចំនួនទៀត ត្រូវបានកម្លាំងចម្រុះនៃរដ្ឋបាលស្រុកមោងប្ញស្សីកាប់កំទេចចោល នៅក្នុងកិច្ចប្រតិបត្តការបង្ក្រាបបទល្មើសនេសាទចំនួន០២ករណី កាលពីព្រឹកថ្ងៃទី២០ កញ្ញា នៅក្នុងភូមិសាស្ត្រ ឃុំជ្រៃ…
ខេត្តបាត់ដំបង ៖ សាច់មងប្រវែងយ៉ាងតិចជិត១០០០ម៉ែត្រ និងឧបករណ៍នេសាទល្មើសច្បាប់មួយចំនួនទៀត ត្រូវបានកម្លាំងចម្រុះនៃរដ្ឋបាលស្រុកមោងប្ញស្សីកាប់កំទេចចោល នៅក្នុងកិច្ចប្រតិបត្តការបង្ក្រាបបទល្មើសនេសាទចំនួន០២ករណី កាលពីព្រឹកថ្ងៃទី២០ កញ្ញា នៅក្នុងភូមិសាស្ត្រ ឃុំជ្រៃ ស្រុកមោងប្ញស្សី ។
របាយការណ៍សមត្ថកិច្ចបានឲ្យដឹងថា កិច្ចប្រតិបត្តិការនេះ មានកម្លាំងសមត្ថកិច្ចចម្រុះប្រមាណ១៦នាក់ដឹកនាំដោយលោក បឿន សុវណ្ណ អភិបាលរងស្រុកមោងប្ញស្សី ។ យោងតាមរបាយការណ៍ដដែលនេះ កម្លាំងចម្រុះនេះបានចុះពិនិត្យ និងបានប្រទះឃើញបទល្មើសនេសាទចំនួន០២កន្លែងនៅក្នុងតំបន់ទន្លេសាប ស្ថិតក្នុងភូមិសាស្ត្រ ឃុំជ្រៃ ស្រុកមោងប្ញស្សី ហើយត្រូវបានកាប់បំផ្លាញចោលតែម្ដង ។
វត្ថុតាងល្ម់ើសច្បាប់ទាំងនោះ រួមមាន សាច់មងក្រឡាញឹកប្រវែង៩០០ម៉ែត្រ ឡុកចាប់ត្រីចំនួន០២ បង្គោលឈើចំនួន១០០ដើម និងព្រលែងកូនត្រីចូលទឹកទន្លេវិញជាង៣០គីឡូក្រាម ។ អភិបាលរងស្រុកមោងប្ញស្សី ដែលដឹកនាំកម្លាំងចម្រុះចុះអនុវត្តការងារនេះ លោក បឿន សុវណ្ណ បានប្រាប់ថា បទល្មើសនេសាទនៅតំបន់ទន្លេសាប ក្នុងទឹកសដីស្រុកមោងប្ញស្សី ហាក់មានការថមថយបន្តិចហើយ ដោយសារពេលនេះទឹកតិច ។
លោកថា ជនល្មើសបានលួចពង្រាយឧបករណ៍នេសាទ (បណររ៉ាវ ឬ សាច់មង) ខុសច្បាប់បែបនេះ តិចទូចដែលកម្លាំងសមត្ថកិច្ចជួបការលំបាកខ្លះៗដែរ ក្នុងការជិះកាណូតស្វែងរក ។ លោក បឿន សុវណ្ណ បានបញ្ជាក់ថា ឧបករណ៍នេសាទល្មើសច្បាប់នានា ដែលកម្លាំងយើងរកឃើញ គឺ ត្រូវតែកាប់កំទេចចោលនៅនឹងកន្លែងតែម្ដង ។ ពេលនេះ កម្លាំងចម្រុះស្រុកមោងប្ញស្សី កំពុងឈរជើងប្រចាំការនៅតំបន់ទន្លេសាបនៅឡើយ មិនដកថយទេ ។ ព្រោះជាផែនការថ្នាក់លើ ត្រូវល្បាតរុករកបទល្មើសបន្តទៀត ដើម្បីកំទេចចោល ។
ប៉ុន្តែយ៉ាងណា ជនល្មើសនៅតែអាចប្រព្រឹត្តលួចលាក់បានខ្លះៗ នៅត្រង់ចំណុចណា ដែលសមត្ថកិច្ចពិបាករុករក តែកម្លាំងចម្រុះក៏នៅតែបន្តចុះល្បាតរកបទល្មើសទាំងនោះដដែល មិនទាន់ដកថយទេ ។
ចែករំលែកព័តមាននេះ