ជំនន់ទឹកភ្លៀងហក់ឡើងខ្លាំងកំពុងតែគំរា.មកំហែ.ង ធ្វើឱ្យបងប្អូនប្រជាកសិករនាំគ្នាសម្រុកប្រមូលផលស្រូវ យកមកលក់ឱ្យឈ្មួញ ដោយក្រុមឈ្មួញះទិញស្រូវក្នុង១តោន តម្លៃ
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជំនន់ទឹកភ្លៀងហក់ឡើងខ្លាំងកំពុងតែគំរា.មកំហែ.ង ធ្វើឱ្យបងប្អូនប្រជាកសិករនាំគ្នាសម្រុកប្រមូលផលស្រូវ យកមកលក់ឱ្យឈ្មួញ ដោយក្រុមឈ្មួញះទិញស្រូវក្នុង១តោន តម្លៃ១,១៨០,០០០រៀល កាលពីថ្ងៃទី១៩ ខែកញ្ញា ឆ្នាំ២០២៣ ស្ថិតព្រែកឃុំចំណោម ស្រុកមង្គលបូរី។
បើតាមប្រជាកកសិករ បានប្រាប់ឱ្យដឹងថា នៅពេលនេះ ជំនន់ទឹកភ្លៀងកំពុងតែគំរា.មកំហែ.ងធ្វើឱ្យពួកគាត់ដែលជាប្រជាកសិករនាំគ្នាសម្រុកប្រមូលផលស្រូវ ហើយភាគច្រើនគឺជាស្រូវមិនប្រកាន់រដូវ រួមមាន ស្រូវ៥៤ និងស្រូវសែនក្រអូប ដែលកំពុងប្រមូលផលក្នុង១ហិកតា ស្មើនឹង៤ទៅ៥តោន ហើយឈ្មួញទិញក្នុង១តោនតម្លៃ១,១៨០,០០០រៀល។
ប្រជាកសិករ បានបញ្ជាក់ថា ទោះបីជាប្រជាកសិករសម្រុកប្រមូលផលស្រូវ នៅពេលជំនន់ទឹកភ្លៀងបើកទម្លាក់មកផ្នែកខាងក្រោម ដែលកំពុងប្រឈម ហើយផ្លូវមួយចំនួនកំពុងតែលិចលង់ជាបណ្តើរៗយ៉ាងណាក៏ដោយ ក៏ក្រុមឈ្មួញ ឬក្រុមហ៊ុនទិញស្រូវ បានឱ្យតម្លៃប្រសើរជាងឆ្នាំមុន ហើយពួកគាត់សង្ឃឹមថា តម្លៃទីផ្សារស្រូវឆ្នាំនេះ ប្រសើរជាងឆ្នាំមុនៗ។
ចំណែកលោក ចៅ ម៉ី មេឃុំចំណោម បានបញ្ជាក់ដែរថា រយៈពេលនេះ ជំនន់ទឹកភ្លៀងកំពុងតែហក់ឡើងខ្លាំង ហើយប្រជាកសិករនាំគ្នាសម្រុកប្រមូលផលស្រូវ និងការពារជំនន់ទឹកភ្លៀងនៅពេលដែលទឹកហក់ឡើងខ្លាំង ដូចជានៅដងស្ទឹងចំណោម ប៉ុន្តែទោះបីជាយ៉ាងណា ស្ថានភាពទឹកនៅមិនទាន់ប្រឈមនៅឡើយទេ។
រីឯលោក ប៉ុក ឡាយជី ប្រធានមន្ទីរពាណិជ្ជកម្មខេត្តបន្ទាយមានជ័យ ក៏បានប្រាប់ផងដែរថា នៅពេលជំនន់ទឹកភ្លៀងកំពុងតែគំរា.មកំហែ.ង ធ្វើឱ្យប្រជាកសិករបាននាំគ្នាសម្រុកប្រមូលផលស្រូវ។ ហើយជាណែនាំពីអភិបាលខេត្តបន្ទាយមានជ័យ ឯកឧត្តម អ៊ុ រាត្រី ក៏បានណែនាំដល់ក្រុមឈ្មួញទិញស្រូវដាក់ក្នុងរោងម៉ាស៊ីន និងក្រុមហ៊ុនជួយសម្រួលទិញស្រូវរបស់បងប្អូនប្រជាកសិករ ដោយប្រភេទស្រូវ៥៤ ក្នុង១តោន ទិញតម្លៃ១,១៨០,០០០រៀល ហើយនឹងនៅបន្តឱ្យជួយទិញស្រូវប្រជាកសិករឱ្យអស់ផងដែរ៕
ចែករំលែកព័តមាននេះ