ខេត្តស្វាយរៀង ៖ នាងក្រមុំសរសៃប្រសាទម្នាក់ត្រូវក្រុមក្មេងទំនើង២នាក់ ស្ទាក់កា.ប់មួយកាំបិតប៉័ងតោចំកណ្តាលក្បាលមុតផុងលលាដ៍កាលពីថ្ងៃទី១២ ឧសភា ២០១១ វេលាម៉ោង៨យប់ នៅតាមផ្លូវលំស្ថិតនៅភូមិអន្លង់រាជ្យ ឃុំកំពង់ត្របែក ស្រុកកំពង់ត្របែក ខេត្តព្រៃវែង
ខេត្តស្វាយរៀង ៖ នាងក្រមុំសរសៃប្រសាទម្នាក់ត្រូវក្រុមក្មេងទំនើង២នាក់ ស្ទាក់កាប់មួយកាំបិតប៉័ងតោចំកណ្តាលក្បាលមុតផុងលលាដ៍កាលពីថ្ងៃទី១២ ឧសភា ២០១១ វេលាម៉ោង៨យប់ នៅតាមផ្លូវលំស្ថិតនៅភូមិអន្លង់រាជ្យ ឃុំកំពង់ត្របែក ស្រុកកំពង់ត្របែក ខេត្តព្រៃវែង ។
បើតាមស្ត្រីម្នាក់រស់នៅភូមិជាមួយនាងក្រមុំរងគ្រោះប្រាប់ឱ្យដឹងថា នាងឈ្មោះស្រី ជា អាយុ២៣ឆ្នាំ ជាកូនកំព្រា មានបងប្អូន២នាក់ ក្នុងនោះប្រុសម្នាក់ តែត្រូវអ្នកមានចិត្តធម៌យកទៅចិញ្ចឹមតាំងពីតូច ។ ឪពុកម្តាយនាងបានស្លាប់ចោលតាំងពីនាងនៅតូចដោយសារជំងឺ ។ នាងស្រីជា បានដើររស់នៅជាមួយអ្នកភូមិម្តងផ្ទះអ្នកនេះ ម្តងផ្ទះអ្នកនោះ បម្រើគេសុំតែបាយមួយពេលៗប៉ុណ្ណោះ មិនបានរៀនសូត្រអ្វីទេ ។ លុះនាងធំពេញក្រមុំ ក៏ត្រូវគេបបួលទៅធ្វើការនៅខេត្តកោះកុង ហើយឮថា ចេញទៅស៊ីឈ្នួលគេនៅស្រុកសៀមទៀត ។ នាងត្រូវថៅកែសៀមប្រើឱ្យធ្វើការទាំងយប់ទាំងថ្ងៃ ដោយឱ្យនាងប្រើប្រាស់ថ្នាំម៉ាទឹកកក ដើម្បីកុំឱ្យងងុយដេកអស់រយៈពេល៣ឆ្នាំ ហើយមកដល់ខែកុម្ភៈ ២០១១ នាងក៏មានជំងឺសរសៃប្រសាទ និយាយលែងដឹងខុសត្រូវ ទើបត្រូវគេបញ្ជូនមកស្រុកវិញ ។ រហូតមកដល់ពេលនេះ នាងមានជំងឺ សរសៃប្រសាទជាង៣ខែហើយ ។
តាមប្រភពដដែលបន្តថា នៅយប់កើតហេតុ នាងដើរនៅតាមផ្លូវលំមាត់ទន្លេកំពង់ត្របែក ក៏ជួបពួកក្មេងទំនើងកាប់មួយកាំបិតប័ុងតោចំពីលើកណ្តាលក្បាលបណ្តាលឱ្យមុតផុងលលាដ៍ដួលសន្លប់នៅក្នុងថ្លុកឈាម ។ ឃើញដូច្នេះ អ្នកភូមិរៃប្រាក់គ្នាហៅរថយន្តសង្គ្រោះដឹកនាងទៅកាន់មន្ទីរពេទ្យខេត្តស្វាយរៀង ដើម្បីសង្គ្រោះ រីឯក្រុមក្មេងទំនើង២នាក់រត់គេចខ្លួនបាត់ ។
បើតាមពាក្យចចាមអារ៉ាមថា ពួកក្មេងទំនើងពីរនាក់នោះឃើញនាងនៅពេលយប់ ក៏លូកលាន់មាក់ងាយ ធ្វើឱ្យនាងខឹងក៏ជេរ ទើបធ្វើឱ្យពួកគេខឹងក៏យកកាំបិតប៉័ងតោកាប់ក្បាលតែម្តង ។ អ្នកខ្លះនិយាយទៀតថា ពួកក្មេងពាលពេលស្រវឹងស្រាលួងលោម នាងចង់យកទៅចាប់រំលោភ តែត្រូវនាងជេរបញ្ចោរធ្វើឱ្យអាម៉ាស់ ទើបពួកគេកាប់នាង ។ នារីរងគ្រោះត្រូវគ្រូពេទ្យខេត្តស្វាយរៀងព្យាបាល និងផ្តល់អាហារ ៕
ចែករំលែកព័តមាននេះ