ADផ្ទាំងផ្សព្វផ្សាយពាណិជ្ជកម្ម

Picture

នគរបាល​​ចុះ​បង្ក្រាប​​ជនសង្ស័យ​ជួញដូរគ្រឿងញៀ.ន​នៅសង្កាត់ស្រះចក​

14 ឆ្នាំ មុន

រាជធានីភ្នំពេញ ៖ កម្លាំង​​នគរបាល​ការិ​យា​ល័យ​​ប្រឆាំងគ្រឿងញៀ.ននៃស្នងការ​ដ្ឋាន​​នគរ​បាល​​រាជធានីភ្នំពេញ សហការ​ជាមួយនគរ​បាល​​ខណ្ឌ និង​អាជ្ញាធរ​ខណ្ឌ​​ដូនពេញ​បានចុះ​​បង្ក្រាប ទីតាំង​ជួញដូរគ្រឿងញៀ.ន ស្ថិ​តក្នុង​​​​ហាង​កាហ្វេ​​យីហោ​កាសា​ ផ្ទះលេខ​​​០២AEo ផ្លូវ​លេខ​​​​៤៧ ភូមិទី​១១ ​សង្កាត់ស្រះចក ​​ខណ្ឌដូន​ពេញ​

រាជធានីភ្នំពេញ ៖ កម្លាំង​​នគរបាល​ការិ​យា​ល័យ​​ប្រឆាំងគ្រឿងញៀននៃស្នងការ​ដ្ឋាន​​នគរ​បាល​​រាជធានីភ្នំពេញ សហការ​ជាមួយនគរ​បាល​​ខណ្ឌ និង​អាជ្ញាធរ​ខណ្ឌ​​ដូនពេញ​បានចុះ​​បង្ក្រាប ទីតាំង​ជួញដូរគ្រឿងញៀន ស្ថិ​តក្នុង​​​​ហាង​កាហ្វេ​​យីហោ​កាសា​ ផ្ទះលេខ​​​០២AEo ផ្លូវ​លេខ​​​​៤៧ ភូមិទី​១១ ​សង្កាត់ស្រះចក ​​ខណ្ឌដូន​ពេញ​ កាលពីវេលាម៉ោង​​​១​និង​​​៥០នាទីរំលង​​អធ្រាត្រ​ឈាន​ចូលថ្ងៃទី​​១៦ ឧសភា ​ឆ្នាំ ២០១១ ជនសង្ស័យ​ចំនួន​​១៥​នាក់ ​ត្រូវ​បាន​ឃាត់​ខ្លួន​ក្នុង​ប្រតិបត្តិការ​​នេះ​ ។ ​​

​តាមព័ត៌មាន​ពី​មន្ត្រី​នគរបាល​​ការិយាល័យ​​​​​ប្រឆាំង​​បទល្មើស​​គ្រឿងញៀន​​បាន​ឱ្យ​ដឹង​ថា ​យោង​តាម​​បទ​បញ្ជា​​​របស់​អគ្គ​ស្នងការ​នគរ​បាល​​ជាតិ តាម​ការចង្អុល​បង្ហាញពី​លោកអភិ​បាល​​រាជធានី​ភ្នំពេញ ក៏ដូច​​ជាស្នងការ​នគរ​បាល​រាជធានី​​​ កម្លាំង​​​នគរបាល​​ការិយាល័យ​​ប្រឆាំង​គ្រឿង​ញៀន​ បានឆ្មក់​ចូល​ហាង​កាហ្វេយីហោ​កាសា ផ្ទះលេខ​​​០២AEo ផ្លូវ​លេខ​​​​៤៧ ភូមិទី​១១ ​សង្កាត់​ស្រះចក ​​ខណ្ឌដូន​ពេញ កាលពី​វេលា​ម៉ោង​​១​និង​​៥០នាទី​​​រំលងអធ្រាត្រ​​ឈាន​ចូលថ្ងៃទី​​១៦ ឧសភា ​ឆ្នាំ​២០១១ ​ជាលទ្ធ​ផល​​ជនសង្ស័យ​​ចំន​ួន​​១៥​នាក់ ​​ត្រូវបាន​ឃាត់ខ្លួន ក្នុងនោះ​​មាន​ស្រី​​៨​នាក់​​បញ្ជូន​ទៅ​​​ការិយាល័យ​​ដើម្បីសាកសួរ។ ​

ប្រភព​បន្ត​​ថា នៅវេលា​ម៉ោង​​១២​និង​​៣០​នាទី​​​​រំលងអធ្រាត្រ​​ឈានចូល​ថ្ងៃទី​​​​១៦ ឧសភា ​កម្លាំងនគរបាល​ការិយា​ល័យ​​​ប្រឆាំង​គ្រឿង​ញៀន​បានឃាត់ខ្លួន​​ជនសង្ស័យ​​ជួញដូរ​គ្រឿង​ញៀន​​ម្នាក់ឈ្មោះ​​​ថឺយ ភេទប្រុស​អាយុ​​៣៣​ឆ្នាំ ​ជនជាតិវៀតណាម​​ នៅ​ចំណុច​​ច្រកឌឿង​ហែម​មួយស្ថិត​ក្នុង​​សង្កាត់​អូរឫស្សី​ទី​៤ ខណ្ឌ​៧​មករា ​​ខណៈ​ពេល​ជននោះ​កំពុងជិះម៉ូតូ​ និង​ដកហូត​បានថ្នាំញៀន​មួយចំនួន ។

​​ក្រោយ​ពី​​ចាប់ជនសង្ស័យ​​ខាងលើ សមត្ថកិច្ច​​​បានឈាន​ទៅ​​ចាប់ជនសង្ស័យ​ជួញដូរ​គ្រឿង​ញៀន​​​​​​២នាក់​ឪពុក​​ និងកូន នៅ​ក្នុង​ហាង​កាហ្វេ​​ខាងលើ ​ហើយ​បាន​ដក​ហូត​​ថ្នាំញៀន​​ប្រភេទ​ម៉ា​ទឹក​កក​​មួយចំនួនផង​ដែរ។ ជនសង្ស័យ​​​ជួញ​ដូរ​ថ្នាំញៀន​ពីរនាក់​​ឪពុក និង​​កូននោះ​​​ កូនឈ្មោះ​ជា ខូយ ភេទប្រុស អាយុ​​​៤១​​ឆ្នាំ ​និង​ឪពុកឈ្មោះ​​ឌិន យ៉ាំង​​អា ​​អាយុ​៦០ឆ្នាំ​ ជា​​​ម្ចាស់ហាង​​កាហ្វេ​​កាសា​ និង​ដក​ហូត​​បានរថយន្តមួយគ្រឿង​ម៉ាកកូរ៉ូឡា​ ស៊េរី​​​២០០៥ ពណ៌​​ស្ករ ។ ​ជនសង្ស័យ​​បានសារ​ភាព​​ថា កន្ល​ងមក ​រូបគេ​បាន​​ជួញដូរគ្រឿង​ញៀន​តាម​​ក្លឹប​​កម្សាន្ត​​ធំៗ​ក្នុងរាជធានី​ភ្នំពេញ​តាម​រយៈ​ម៉ូយ​​​ទូរស័ព្ទ​ហៅ​​ ហើយ​ក៏​យក​​​​ថ្នាំញៀន​​​តាម​រថ​យន្ត​​​ផ្ទាល់​ខ្លួន ។​

នៅព្រឹកថ្ងៃទី​​​១៦ ឧសភា គេឃើញ​សមត្ថ​កិច្ច​​ចម្រុះ​​​ដឹកនាំ​ដោយ​​​ព្រះរាជអាជ្ញា​​បានធ្វើ​​ការ​ឆែក​ឆេរ​​លំនៅ​ឋាន​​ជនសង្ស័យ​​​​ឪពុក និងកូន ​​​​​២​កន្លែង​ទៀត​​​​ ប៉ុន្តែ​សមត្ថកិច្ច​​​រកមិនឃើញថ្នាំ​ញៀន​​​ដែលលាក់ទុកនៅ​​​ក្នុង​ផ្ទះនោះ​ទេ ។ នគរ​បាល​​ការិយាល័យ​​ប្រឆាំងគ្រឿងញៀន​បាន​បញ្ជាក់​​​​ថា កម្លាំង​​​​សមត្ថកិច្ច​​ជំនាញ​បាន​ប្រើ​ពេល​​វេលា​​ជាង​មួយខែទើប​​​តាមប្រមាញ់​​មុខសញ្ញា​​​ខាង​លើ​នោះ​បាន​​ដោយជោគជ័យ ៕​