ខេត្តព្រះសីហនុ-ស្រុកកំពង់សីលា ៖ សង្កេតឃើញថា អ្នកបើកបរប្រភេទរថយន្តធុនធំភាគច្រើននៅតាមផ្លូវជាតិលេខ៤ ពេលមកឆ្លងកាត់សាលារៀនក្នុងស្រុកកំពង់សីលា ខេត្តព្រះសីហនុ គឺមានសណ្តានចិត្តល្អ ដោយគាត់តែងតែឈប់រថយន្តឱ្យសិស្សសាលាដែលមានផ្ទះនៅឆ្ងាយបានជិះទៅផ្ទះ ឬដឹកពេលមកសាលារៀនជារៀងរាល់ថ្ងៃ ជាក់ស្តែងនៅថ្ងៃទី១៨…
ខេត្តព្រះសីហនុ-ស្រុកកំពង់សីលា ៖ សង្កេតឃើញថា អ្នកបើកបរប្រភេទរថយន្តធុនធំភាគច្រើននៅតាមផ្លូវជាតិលេខ៤ ពេលមកឆ្លងកាត់សាលារៀនក្នុងស្រុកកំពង់សីលា ខេត្តព្រះសីហនុ គឺមានសណ្តានចិត្តល្អ ដោយគាត់តែងតែឈប់រថយន្តឱ្យសិស្សសាលាដែលមានផ្ទះនៅឆ្ងាយបានជិះទៅផ្ទះ ឬដឹកពេលមកសាលារៀនជារៀងរាល់ថ្ងៃ ជាក់ស្តែងនៅថ្ងៃទី១៨ កញ្ញា នេះ ។
ចិត្តមនុស្សធម៌បែបនេះ ទទួលបានការថ្លែងអំណរគុណពីសិស្សានុសិស្សផង ពីលោកគ្រូ-អ្នកគ្រូ និងអាណាព្យាបាលសិស្សផង ហើយក៏ទទួលបានការលើកសរសើរពីអាជ្ញាធរ ក៏ដូចជាសមត្ថកិច្ចនៅមូលដ្ឋានដែលបានចូលរួមសកម្មភាពជាមួយគ្នា ។
តាមមន្ត្រីមូលដ្ឋានបានអោយដឹងថា ជារៀងរាល់ម៉ោង១១ព្រឹក ពីថ្ងៃច័ន្ទ ដល់សៅរ៍ គឺមានរថយន្តធុនធំសណ្តោងរ៉ឺម៉ក រថយន្តកុងទីន័រ ទាំងទិសដៅពី ខេត្តព្រះសីហនុ ទៅភ្នំពេញ ឬពីភ្នំពេញទៅ ខេត្តព្រះសីហនុ មកដល់វិទ្យាល័យ ហ៊ុន សែនកំពង់សិលា ក្នុងស្រុកកំពង់សិលាតែងតែបង្អង់ ឬក៏ឈប់ អោយសិស្ស ស្រីប្រុសជិះទៅផ្ទះ ជារៀងរាល់ថ្ងៃ ក្រោមការសម្រួលពីអាជ្ញាធរសមត្ថកិច្ច និងលោកគ្រូ-អ្នកគ្រូផងដែរ ។
ប្រភពដដែលបន្តថា សិស្សដែលពឹងផ្អែកមធ្យាបាយតាមរយៈរថយន្តធុនធំចរាចរណ៍លើផ្លូវជាតិលេខ៤ ឆ្លងកាត់វិទ្យាល័យមួយចំនួនតូច ជាសិស្សមករៀនថ្នាក់អនុវិទ្យាល័យ និងមួយចំនួនធំ ថ្នាក់វីទ្យាល័យ បើជាទូទ វិទ្យាល័យ គឺត្រូវមករៀននៅវិទ្យាល័យ កំពង់សិលានេះ គ្រប់ឃុំក្នុងស្រុកតែមក ព្រោះសិស្សខ្លះរស់នៅឆ្ងាយពីសាលា តែនៅជិតផ្ទះរបស់ខ្លួន មានសាលាបឋម និងអនុវិទ្យាល័យគ្មានទេ គឺស្រុកកំពង់សិលា មានតែវិទ្យល័យកំពង់សិលាមួយប៉ុណ្ណោះ ។
សម្រាប់បច្ចុប្បន្ន សិស្សដែលទៅរៀននៅវិទ្យាល័យកំពង់សិលា ពីមានទាំងសងខាងវិទ្យាល័យកំពង់សិលា នៅចំកណ្តាល ដោយមួយចំនួន សិស្សទៅពីឃុំចំការហ្លួង ឃុំអូបាក់រទេះ ដែលមានចំងាយ ប្រមាណជាជាង១០គីឡូម៉ែត្រ(មួយចំហាង) ហើយចំនួនទៀត មកពីឃុំស្ទឹងច្រាល (ម្ខាងឃុំជិតពេជ្យនិល) ចំងាយពីសាលាជា១០គីឡូដូចគ្នា ។
ចែករំលែកព័តមាននេះ