ធ្ងន់ក! TikTok រងពិន័យជាង៣០០លានអឺរ៉ូ ជុំវិញការបំពា.នឯកជនភាពទិន្នន័យកុមារ
អៀរឡង់ ៖ និយតករប្រទេសអៀរឡង់បានពិន័យកម្មវិធីកម្សាន្ត «ទីកតុក (TikTok)» រហូតដល់ ៣៤៥
អៀរឡង់ ៖ និយតករប្រទេសអៀរឡង់បានពិន័យកម្មវិធីកម្សាន្ត «ទីកតុក (TikTok)» រហូតដល់ ៣៤៥
អៀរឡង់ ៖ និយតករប្រទេសអៀរឡង់បានពិន័យកម្មវិធីកម្សាន្ត «ទីកតុក (TikTok)» រហូតដល់ ៣៤៥លានអឺរ៉ូ សម្រាប់ការរំលោភបំពានលើឯកជនភាពរបស់កុមារ។ នេះបើយោងតាមប្រភពពី BBC ចេញផ្សាយកាលពីថ្ងៃទី១៦ ខែកញ្ញា ឆ្នាំ២០២៣។
ពាក្យបណ្តឹងនេះ ទាក់ទងនឹងរបៀបដែលកម្មវិធីកម្សាន្តសង្គមយក្សរបស់ប្រទេសចិនមួយនេះ គ្រប់គ្រងទិន្នន័យរបស់កុមារ នៅក្នុងឆ្នាំ ២០២០ ជាពិសេសជុំវិញការផ្ទៀងផ្ទាត់អាយុ និងការកំណត់ឯកជនភាព ដែលនេះគឺជាការផាកពិន័យដ៏ធំបំផុតរហូតមកដល់បច្ចុប្បន្នសម្រាប់កម្មវិធី TikTok ។
អ្នកនាំពាក្យរបស់ក្រុមហ៊ុនបានថ្លែងថា ខ្លួនមិនយល់ស្របចំពោះការសម្រេចចិត្តនេះ ជាពិសេសកម្រិតនៃការផាកពិន័យតែម្តង។ ការរិះគន់ គឺផ្តោតលើលក្ខណៈពិសេស និងការកំណត់ដែលបានកើតឡើងកាលពី៣ឆ្នាំមុន ហើយពួកយើងក៏បានធ្វើការផ្លាស់ប្តូរយ៉ាងល្អ មុនពេលការស៊ើបអង្កេតបានចាប់ផ្តើម ដូចជា ការកំណត់ម្ចាស់គណនីទាំងអស់ដែលមានអាយុក្រោម១៦ឆ្នាំ ទៅជាឯកជនភាព តាមលំនាំដើម។
ការផាកពិន័យនេះ ត្រូវបានចេញផ្សាយដោយគណៈកម្មការការពារទិន្នន័យរបស់ប្រទេសអៀរឡង់ ដែលហៅកាត់ថា DPC ក្រោមច្បាប់ស្តីពីឯកជនភាពទូទៅ នៃបទប្បញ្ញត្តិការពារទិន្នន័យទូទៅ GDPR របស់សហភាពអឺរ៉ុប ដោយបានកំណត់ច្បាប់ ដែលក្រុមហ៊ុនត្រូវអនុវត្តតាមនៅពេលគ្រប់គ្រងទិន្នន័យអ្នកប្រើប្រាស់ ខណៈដែល TikTok ត្រូវបានផ្តល់ពេល៣ខែ ដើម្បីធ្វើឱ្យដំណើរការទិន្នន័យខ្លួន អនុលោមតាម GDPR ទាំងស្រុង។
DPC បានរកឃើញថា TikTok មិនមានតម្លាភាពគ្រប់គ្រាន់ជាមួយកុមារ អំពីការកំណត់ឯកជនភាព ហើយបានចោទជាសំណួរអំពីរបៀបដែលទិន្នន័យរបស់ពួកគេ ត្រូវបានដំណើរការ។ លោកស្រី Helen Dixon ស្នងការការពារទិន្នន័យរបស់ DPC បានប្រាប់ BBC ថា ការស៊ើបអង្កេតក៏បានរកឃើញថា គណនីបង្កើតឡើងដោយអ្នកមានអាយុចន្លោះពី ១៣ ទៅ ១៧ឆ្នាំ ត្រូវបានផ្សព្វផ្សាយជាសាធារណៈតាមលំនាំដើមនៅលើការចុះឈ្មោះ ដែលមានន័យថា ខ្លឹមសារដែលពួកគេបង្ហោះ គឺអាចមើលឃើញដោយអ្នកផ្សេង។
សូមជម្រាបថា រហូតមកទល់ពេលនេះ នៅតែមានការស៊ើបអង្កេត ដែលកំពុងដំណើរការថា តើកម្មវិធី TikTok បានផ្ទេរទិន្នន័យអ្នកប្រើប្រាស់ ដោយខុសច្បាប់ពីសហភាពអឺរ៉ុបទៅប្រទេសចិនដែរឬទេ? ខណៈដែលកម្មវិធីកម្សាន្តដ៏ល្បីល្បាញលើពិភពលោកមួយនេះ ត្រូវបានគ្រប់គ្រងដោយក្រុមហ៊ុន ByteDance ដែលមូលដ្ឋាននៅក្នុងទីក្រុងប៉េកាំង៕
ចែករំលែកព័តមាននេះ