អាជ្ញាធរជាតិប្រយុទ្ធប្រឆាំងគ្រឿងញៀ.ន ធ្វើសន្និសីទកាសែតដាក់ចេញគោលដៅ៥ចំណុច ដើម្បីអនុវត្តបន្ដការងារប្រយុទ្ធប្រឆាំងគ្រឿងញៀ.ន
- ភ្នំពេញ
រាជធានីភ្នំពេញ ៖ កាលពីព្រឹកថ្ងៃទី១៦ ខែកញ្ញា ឆ្នាំ២០២៣ នៅមន្ទីរប្រឆាំងបទល្មើសគ្រឿងញៀ.ន
រាជធានីភ្នំពេញ ៖ កាលពីព្រឹកថ្ងៃទី១៦ ខែកញ្ញា ឆ្នាំ២០២៣ នៅមន្ទីរប្រឆាំងបទល្មើសគ្រឿងញៀ.ន មានរៀបចំធ្វើសន្និសីទសារព័ត៌មានរួមមួយ ដោយដាក់ចេញគោលដៅ៥ចំណុចសម្រាប់អនុវត្តបន្តការងារប្រយុទ្ធប្រឆាំងគ្រឿងញៀ.ន ដែលរាជរដ្ឋាភិបាលអាណត្តិថ្មីចាប់ផ្តើមកំណែទម្រង់ ។
សន្និសីទសារព័ត៌មានក្រោមអធិបតីភាពឯកឧត្តមនាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀ.ន ឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរង នគរបាលជាតិ ទទួលបន្ទុកការងារប្រយុទ្ធប្រឆាំងគ្រឿងញៀ.ន លោកឧត្តមសេនីយ៍ឯក អន សុខុន មេបញ្ជាការរងកងរាជអាវុធ ហត្ថលើផ្ទៃប្រទេស លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀ.ន និងមន្ត្រីជំនាញពាក់ពន្ធ ។
ថ្លែងក្នុងសន្និសិទសារព័ត៌មាននោះ ឯកឧត្តមនាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀ.ន បានគូសបញ្ជាក់ថា អាជ្ញាធរជាតិប្រយុទ្ធប្រឆាំងគ្រឿង ញៀន ដែលមាន ឯកឧត្តម ឧបនាយករដ្ឋមន្ដ្រី នេត សាវឿន ជាប្រធានបានដាក់ចេញទិសដៅការងារអាទិភាពចំនួន៥ ចំណុច សម្រាប់អនុវត្តបន្ដ ក្នុងការប្រយុទ្ធប្រឆាំងបទល្មើសគ្រឿងញៀ.ន ឲ្យបានជាដាច់ខាត តាមការប្ដេជ្ញាចិត្តដ៏មោះមុត របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា ដើម្បីឈានទៅលុបបំបាត់បទល្មើសនេះនៅពេលខាងមុខ បន្ទាប់ពីកិច្ចប្រជុំដំបូងរបស់អាជ្ញាធរជាតិប្រយុទ្ធប្រឆាំងគ្រឿងញៀ.ន ដែលទើបកែសម្រួលសមាសភាពថ្មី នីតិកាលទី៧ នៅទីស្តីការគណៈរដ្ឋមន្ត្រី ។
ឯកឧត្តមនាយឧត្តមសេនីយ៍ មាស វិរិទ្ធ បានលើកឡើងថា អាជ្ញាធរជាតិប្រយុទ្ធប្រឆាំងគ្រឿងញៀ.ន បានបែងចែកចង្កោមការងាររបស់ខ្លួនជាពីរផ្នែក ដោយមួយដើរតួនាទីជាអង្គនយោបាយ និងមួយទៀត តួអង្គអនុវត្តច្បាប់ ។ ប៉ុន្ដែតួអង្គទាំងពីរនេះ ត្រូវសហការអនុវត្តទាំងនៅកម្រិតថ្នាក់ជាតិ និងថ្នាក់ ក្រោមជាតិ ដើម្បីធ្វើយ៉ាងណាកាត់បន្ថយ និងឈានទៅលុបបំបាត់បញ្ហាគ្រឿងញៀ.ន នៅពេលអនាគត ។
ដោយឡែក សម្រាប់ទិសដៅការងារអាទិភាពចំនួន៥ ចំណុច ដែលត្រូវបានដាក់ចេញដោយឧបនាយករដ្ឋមន្ដ្រី នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀ.ន និងត្រូវប្រកាសឲ្យដឹងពីសំណាក់ ឯកឧត្តមនាយឧត្តមសេនីយ៍ មាស វិរិទ្ធ នោះរួមមាន ៖ ទី១-កិច្ចការងារអប់រំផ្សព្វផ្សាយ ដោយត្រូវធ្វើយ៉ាងណាឲ្យកាន់តែទូលំទូលាយ ក្នុងនោះត្រូវប្រើប្រាស់កម្លាំងសរុប មធ្យោបាយសរុប ពិសេសប្រើប្រាស់ប្រព័ន្ធផ្សព្វផ្សាយព័ត៌មាន និងរៀបចំការអប់រំណែនាំបន្ថែមផ្សេងៗ ឲ្យកាន់តែផុលផុស ដោយបូករួមទាំងការនិពន្ធចម្រៀង តែងកំណាព្យ វិញ្ញាសារសម្រាប់សិស្សប្រឡង ហើយបា.ញ់ឆ្ពោះត្រង់ទៅកាន់យុវជន និងប្រជាពលរដ្ឋនៅតាមតំបន់ដាច់ស្រយាល ។
ទី២-ការត្រួតពិនិត្យសារធាតុគីមីផ្សំ ដោយត្រូវរៀបចំជាបន្ទាន់នូវយន្ដការគ្រប់គ្រងសារធាតុគីមីផ្សំឲ្យបានច្បាស់លាស់ ។ យន្ដការទាំងនោះត្រូវធ្វើឡើងឲ្យសកម្ម ហើយមាននិរន្ដរភាព ក្នុងនោះអគ្គ លេខាធិការអាជ្ញាធរជាតិប្រយុទ្ធប្រឆាំងគ្រឿងញៀ.ន ត្រូវសម្រប សម្រួលជាមួយក្រសួង អង្គភាព ស្ថាប័នដែលមានការពាក់ព័ន្ធ ទៅនឹងការប្រើប្រាស់សារធាតុគីមីផ្សំ ដូចជា ក្រសួងសុខាភិបាល ក្រសួងកសិកម្ម ក្រសួងឧស្សាហកម្មជាដើម ។
ទី៣-បន្ដខិតខំយកចិត្តទុកដាក់ទប់ស្កាត់ការហូរចូលគ្រឿងញៀ.នមកប្រទេសកម្ពុជា ក្នុងនោះទាំងផ្លូវគោក ផ្លូវទឹក និងផ្លូវអាកាស ។
ទី៤-បន្ដខិតខំទប់ស្កាត់ការកែច្នៃផលិតគ្រឿងញៀនក្នុងប្រទេស ដោយត្រូវប្រើប្រាស់យន្ដការដែលបង្កើតឡើងពាក់ព័ន្ធការគ្រប់ គ្រងសារធាតុគីមីផ្សំ និងត្រូវត្រួតពិនិត្យតំបន់ដែលមានហានិភ័យ ដោយពួកឧក្រិដ្ឋជនលួចប្រើប្រាស់កន្លែងនោះលួចលាក់កែច្នៃផលិតគ្រឿងញៀ.ន។ ឧទាហរណ៍៖ តំបន់ព្រៃ តំបន់ឃ្លាំងស្ដុកទំនិញ និងតំបន់ដែលជ្រកក្រោមស្លាកអភិវឌ្ឍន៍ជាដើម ។
ទី៥-ខិតខំប្រឹងប្រែងលុបបំបាត់ ចែកចាយប្រើប្រាស់គ្រឿងញៀ.នតាមទីតាំងសប្បាយដ្ឋាន ដូចជា ខារ៉ាអូខេ ក្លឹបកម្សាន្ដបៀរហ្គាឌិន ជាដើម ។ បច្ចុប្បន្នកន្លែងសប្បាយដ្ឋាននៅទូទាំងប្រទេស មានប្រមាណជាង១,៣០០ទីតាំង ដែលអាចសង្ស័យពាក់ព័ន្ធករណីគ្រឿងញៀ.ន ហើយការត្រួតពិនិត្យទីតាំងសប្បាយដ្ឋាននេះ ត្រូវបានផ្ដល់តួនាទី ភារកិច្ចជូនអង្គភាពអនុវត្តច្បាប់ ។ តាមរបាយ ការណ៍របស់ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខា ធិការ នៃអគ្គលេខាធិការដ្ឋាន អ.ជ.ប.គ.ញ.បានបញ្ជាក់ថា គ្រាន់ តែក្នុងរយៈពេល០៨ខែ ដើមឆ្នាំ២០២៣ សមត្ថកិច្ចអនុវត្តច្បាប់កម្ពុជា ធ្វើការបង្ក្រាបបទល្មើសគ្រឿងញៀ.ន បានចំនួន៥.១៣៣ ករណី ឃាត់ខ្លួនជនល្មើស ចំនួន១២.៤៩១នាក់ ចាប់យកសារ ធាតុញៀ.ន ចំនួន២.៦៥៨.៥៦ គីឡូក្រាម សារធាតុគីមីផ្សំចំនួន ៩១០.៨៧ គីឡូក្រាម រួមនិងវត្ថុតាងពាក់ព័ន្ធមួយចំនួនទៀត ។
ឯកឧត្តម នាយឧត្តមសេនីយ៍ មាស វិរិទ្ធ បានអះអាងថា ការងារប្រយុទ្ធប្រឆាំងគ្រឿងញៀន ដែលអនុវត្តបានជោគជ័យនាពេល កន្លងមក គឺដោយសារតែមានការដាក់ចេញនូវទិសដៅ និងចក្ខុ វិស័យច្បាស់លាស់របស់ថ្នាក់ដឹកនាំដែលពាក់ព័ន្ធ ពិសេសសម្ដេចក្រឡាហោម ស ខេង អតីតឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងឯកឧត្តមនាយឧត្តមសេនីយ៍ កែ គឹមយ៉ាន អតីតឧបនាយករដ្ឋមន្ដ្រី និងជាអតីតប្រធានអាជ្ញាធរជាតិប្រយុទ្ធប្រឆាំងគ្រឿងញៀនផងដែរ ។
ជាចុងក្រោយ ឯកឧត្តម នាយឧត្តមសេនី យ៍ ម៉ក់ ជីតូ អគ្គស្នងការរង នគរបាលជាតិ និង ឯកឧត្តម ឧត្តមសេនីឯក អន សុខុន មេបញ្ជាការរងកងរាជអាវុធហត្ថលើផ្ទៃប្រទេ ស បានប្តេជ្ញាចិត្តអនុវត្តតាមគោលការរបស់រាជរដ្ឋភិបាលថ្មី ក្រោមការដឹកនាំដោយសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ដ្រីនៃកម្ពុជា ៕
ចែករំលែកព័តមាននេះ