រាជធានីភ្នំពេញ ៖ កំហុស គឺមនុស្សជាអ្នកបង្កើត ហើយការបង្កើតកំហុស គឺជាផ្នែកមួយនៃការធ្វើជាឪពុកម្តាយគេ ។ កូនរបស់អ្នកមានអាកប្បកិរិយាខុសឆ្គង ហើយខ្លួនអ្នកបាត់បង់ភាពត្រជាក់ក្នុងចិត្ត ដោយស្រែកដាក់កូន…
រាជធានីភ្នំពេញ ៖ កំហុស គឺមនុស្សជាអ្នកបង្កើត ហើយការបង្កើតកំហុស គឺជាផ្នែកមួយនៃការធ្វើជាឪពុកម្តាយគេ ។ កូនរបស់អ្នកមានអាកប្បកិរិយាខុសឆ្គង ហើយខ្លួនអ្នកបាត់បង់ភាពត្រជាក់ក្នុងចិត្ត ដោយស្រែកដាក់កូន ឬប្រតិកម្មតាមរបៀបដែលអ្នកគិត ។ តែទោះជាយ៉ាងណាក៏មានវិធីដើម្បីជួសជុលកំហុសទូទៅទាំងនេះផងដែរ ។ អ្នកមិនត្រូវមានប្រតិកម្មចំពោះកូនរបស់អ្នកនៅពេលដែលពួកគេធ្វើអ្វីមួយ ដើម្បីធ្វើឱ្យអ្នកខឹងទេ ។ ត្រូវចងចាំថា អ្នកត្រូវសម្រាក និងបន្ធូរអារម្មណ៍ឱ្យខ្លួនឯង ។ កំហុសរបស់កូនអ្នកទាំងនេះ គឺជារឿងធម្មតា ។ រំលឹកខ្លួនអ្នកអំពីដំបូន្មានដែលអ្នកអាចផ្តល់ឱ្យកូនរបស់អ្នកនៅពេលដែលពួកគេបង្កើតកំហុស ។
កំហុស គឺជាអ្វីដែលអ្នករៀនពីវា ដើម្បីឱ្យអ្នកអាចរីកចម្រើន ៖
១. អ្វីគួរធ្វើ ៖ ពិភាក្សាបញ្ហាដោយគោរពគ្នាទៅវិញទៅមក ប៉ុន្តែយ៉ាងម៉ឺងម៉ាត់ ។ ធ្វើចិត្តខ្លួនឯងឱ្យបានស្ងប់ មុននឹងពន្យល់ណែនាំ ឬដាក់វិន័យ ។ ផ្តល់លទ្ធផល ផលវិបាក និងការពិន័យច្បាស់លាស់ និងជាប់លាប់ ។ ផ្តល់ការណែនាំខ្លី និងច្បាស់លាស់អំពីអាកប្បកិរិយាខុស ។ ពិភាក្សាពីអ្វីដែលអ្នកទាំងអស់គ្នាអាចធ្វើបានកាន់តែប្រសើរ ។ ចូរគិតថា ការប្រៀនប្រដៅជាការបង្រៀននូវអាកប្បកិរិយាល្អ ។ ធ្វើជាគំរូល្អ ។ ស្វែងរកវិធីសាស្ត្រដែលមានប្រសិទ្ធភាពបំផុតជាមួយកុមារម្នាក់ៗ និងផ្តល់ច្បាប់ និងលទ្ធផលច្បាស់លាស់ ។
២. អ្វីមិនគួរធ្វើ ៖ កុំជេរ ឬមើលងាយកូនរបស់អ្នក, កុំដាក់វិន័យពេលអ្នកខឹង, កុំអនុវត្តតែម្តងហើយឈប់, កុំផ្តល់ការពន្យល់វែងពេក និងលម្អិតពេក, កុំផ្តោតលើតែអ្វីដែលខុស, កុំគិតថា ការប្រៀនប្រដៅជាការដាក់ទោសអាកប្បកិរិយាមិនល្អ, កុំបំពានច្បាប់ ដែលអ្នកប្រាប់កូនរបស់អ្នក និងកុំប្រើវិធីសាស្ត្រវិន័យដូចៗគ្នាជាមួយកុមារគ្រប់រូបឱ្យសោះ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សម្រាប់បវេសនកាលឆ្នាំសិក្សាថ្មី កម្មវិធីចំណេះទូទៅខ្មែរ ពីថ្នាក់ ទី ១ ដល់ទី ១២ បន្តទទួលចុះឈ្មោះចូលរៀនរៀងរាល់ថ្ងៃ ។ សាលារៀនផ្តល់ជូនការបញ្ចុះ តម្លៃ ១៥% លើតម្លៃសិក្សាសម្រាប់ការចុះឈ្មោះចូលរៀន ជាលក្ខណៈគ្រួសារ ឬពីរកម្មវិធី និងផ្តល់ជូនការធានារ៉ាប់រងគ្រោះថ្នាក់ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់ គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផង ដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ