ចិនបញ្ជូនយន្តហោះ៧០គ្រឿង និងនាវា១០គ្រឿងមកក្បែរកោះតៃវ៉ាន់
ប្រទេសចិន ៖ ទីភ្នាក់ងារព័ត៌មាន AFP រាយការណ៍នាថ្ងៃទី១៤ កញ្ញាថា ភាពតានតឹងខ្លាំងមួយ
ប្រទេសចិន ៖ ទីភ្នាក់ងារព័ត៌មាន AFP រាយការណ៍នាថ្ងៃទី១៤ កញ្ញាថា ភាពតានតឹងខ្លាំងមួយ
កំពុងកើតមានជាថ្មី ដែលនាំឲ្យពិភពលោកមានការព្រួយបារម្ភ ។ កោះតៃវ៉ាន់អះអាងនាថ្ងៃទី១៤
កញ្ញាថា ចិនបានបញ្ជូនយន្តហោះយោធា៦៨គ្រឿង និងដាក់ពង្រាយនាវាចម្បាំង១០គ្រឿង មក
ជិតឆ្នេរសមុទ្ររបស់ខ្លួនអស់ពេលប៉ុន្មានម៉ោង ។
ក្រសួងការពារជាតិកោះតៃវ៉ាន់ ក្នុងសេចក្ដីប្រកាសមួយថ្លែងថា យន្តហោះ៦៨គ្រឿងរបស់កងទ័ពប្រជាជនចិន និងនាវា១០គ្រឿងរបស់កងម៉ារីនចិន ត្រូវបានពិនិត្យឃើញ រវាងថ្ងៃទី១៣និង១៤ កញ្ញាព្រឹក នៅជុំវិញកោះតៃវ៉ាន់ ។ មុននេះក្រុងតៃប៉ិបានគូសបញ្ចាក់ពីការពិនិត្យឃើញយន្តហោះយោធាចិនដីគោក៣៥គ្រឿងនៅជុំវិញកោះតៃវ៉ាន់ អស់ពេលប៉ុន្មានម៉ោង ដោយនាវាមួយចំនួនបើកឆ្ពោះទៅភាគខាងលិចនៃមហាសមុទ្រប៉ាស៊ីហ្វិក ដើម្បីទៅជួបជាមួយនាវាផ្ទុកយន្តហោះ SHANDONG ក្នុងក្របខណ្ឌនៃការហ្វឹកហ្វឺនតាមសមុទ្រ និងអាកាសរួម ។
ក្រសួងការពារតៃវ៉ាន់កត់សម្គាល់ឃើញ ការកើនឡើងនៃការលុកលុយតាមសមុទ្រ និងតាម
អាកាសរបស់ចិនរយៈពេលប៉ុន្មានថ្ងៃចុងក្រោយនេះ ៕
ចែករំលែកព័តមាននេះ