លោកពូទីន និងលោកគីម ជុងអ៊ុន ពិភាក្សាគ្នាពីកិច្ចសហប្រតិបត្តិការយោធា
ប្រទេសកូរ៉េខាងជើង-រុស្ស៊ី ៖ ក្នុងឱកាសបំពេញទស្សនកិច្ចនៅរុស្ស៊ី មេដឹកនាំកូរ៉េខាងជើងលោកគីម
ប្រទេសកូរ៉េខាងជើង-រុស្ស៊ី ៖ ក្នុងឱកាសបំពេញទស្សនកិច្ចនៅរុស្ស៊ី មេដឹកនាំកូរ៉េខាងជើងលោកគីម
ប្រទេសកូរ៉េខាងជើង-រុស្ស៊ី ៖ ក្នុងឱកាសបំពេញទស្សនកិច្ចនៅរុស្ស៊ី មេដឹកនាំកូរ៉េខាងជើងលោកគីមជុងអ៊ុន កាលពីថ្ងៃទី១៣ កញ្ញា បានជួបពិភាក្សាគ្នា២ម៉ោង នៅទីតាំងបាញ់បង្ហោះកាំជ្រួចអវកាស VOSTOTCHNY ភាគខាងកើតរុស្ស៊ី ។
មេដឹកនាំទាំង២បានជួបពិភាក្សាគ្នានោះបន្ទាប់ពីពិធីចាប់ដៃរាក់ទាក់គ្នា ហើយបានដើរទស្សនាទីតាំងបាញ់បង្ហោះកាំជ្រួចអវកាសនោះ ។
ប្រមុខរដ្ឋរុស្ស៊ីថ្លែងថា លោករីករាយណាស់ ដែលបានជួបជាមួយលោកគីម ជុងអ៊ុន ។ ចំណែកលោក
គីម ជុងអ៊ុន វិញអះអាងពីការគាំទ្ររបស់លោកចំពោះរុស្ស៊ីដោយវាយតម្លៃថា ការជួបគ្នានេះគឺជា
ជំហានឆ្ពោះទៅរកទំនាក់ទំនងកាន់តែខ្លាំង។
បន្ទាប់ពីសរសើរដល់កងទ័ពរុស្ស៊ី ដែលកំពុងប្រយុទ្ធប្រកបដោយវីរភាពនៅអ៊ុយក្រែនមេដឹក
នាំកូរ៉េខាងជើងគូសបញ្ចាក់ថា រុស្ស៊ីពិតជាឈ្នះក្នុងសង្គ្រាមនោះ ។ លោកគីម ជុងអ៊ុន ក៏លើកឡើងដែរពីការពង្រឹងកិច្ចសហប្រតិបត្តិការយោធារវាងប្រទេសទាំង២ហើយលោកថា រុស្ស៊ីពិតជាទទួល
បានមហាជ័យជម្នះក្នុងសង្គ្រាមនោះ ។
បន្ទាប់ពីការជួបគ្នានោះមក លោកគីម ជុងអ៊ុន បានអញ្ជើញលោកពូទីនទៅបំពេញទស្សនកិច្ចមួយនៅប្រទេសលោក ។ មេដឹកនាំរុស្ស៊ីបានយល់ព្រមដោយក្ដីរីករាយ ចំពោះការអញ្ញើញនោះ ដោយលោកអះអាងជាថ្មីពីឆន្ទៈបន្តជម្រុញទៅមុខនូវប្រវត្តិសាស្ត្រ និងប្រពៃណីមិត្តភាពរវាងប្រទេសទាំង២ ។
ទោះបីយ៉ាងណា មកដល់ពេលនេះនៅមិនទាន់មានសេចក្ដីប្រកាសជាផ្លូវការណាមួយទាក់ទិននឹងកិច្ចព្រមព្រៀងជាយថាហេតុ ស្ដីពីការផ្ដល់អាវុធដល់រុស្ស៊ីសម្រាប់ការធ្វើសង្គ្រាមនៅអ៊ុយក្រែន ដូចការលើកឡើងរបស់អាមេរិកនៅឡើយ ។
តាមលោកពូទីនថា លោកគីម ជុងអ៊ុន នឹងទៅទស្សនាក្នុងទីក្រុងវ្ល៉ាឌីវ៉ូស្តុក ការបង្ហាញកម្លាំងរបស់កងនាវាចរណ៍រុស្ស៊ីនៅប៉ាស៊ីហ្វិក ហើយនឹងទៅទស្សនាក្នុងតំបន់ចុងបូព៌ាបណ្ដារោងចក្រ ផលិតឧបករណ៍អវកាសស៊ីវិលនិងយោធា។ លោកពូទីននិយាយថា ពិនិត្យឃើញទស្សនវិស័យនានានៃកិច្ចសហប្រតិបត្តិការយោធាជាមួយកូរ៉េខាងជើង ក៏ទោះបីប្រទេសនោះជាប់ទណ្ឌកម្មអន្តរជាតិ ដោយសារកម្មវិធីនុយក្លេអ៊ែរនិងមីស៊ីលបាលីស្ទិករបស់ខ្លួនក៏ដោយ ៕
ចែករំលែកព័តមាននេះ