ខេត្តកំពង់ឆ្នាំង ៖ កាណូតបាឡាស្មាច់មួយគ្រឿងបានក្រឡា.ប់លិចនៅក្នុងទន្លេ កាលពីវេលាម៉ោង៩និង១០នាទីព្រឹក ថ្ងៃទី១៤ ខែកញ្ញា ឆ្នាំ២០២៣ នៅចំណុចស្ពានឈើ ស្ថិតនៅក្នុងភូមិផ្សារឆ្នាំង ផ្សារឆ្នាំង ក្រុងកំពង់ឆ្នាំង ខណៈដែលស្ត្រីជាម្ដាយបើកកាណូតនេះបំណងទៅផ្ទះរបស់ខ្លួន ។
យោងរបាយការណ៍របស់សមត្ថកិច្ចនគរបាលក្រុងកំពង់ឆ្នាំងបានឲ្យដឹងថា នៅមុនពេលកើតហេតុ មានស្ត្រីម្នាក់ឈ្មោះ ផន ស្រីមុំ អាយុ៣៧ឆ្នាំ មានទីលំនៅភូមិកំពង់អុសក្រោម ឃុំកំពង់អុស ស្រុកជលគីរីបានបើកការណូតបាឡាស្មាច់ ចេញពីទំនប់បារាំងសំដៅទៅផ្ទះរបស់ខ្លួន ដោយដឹកឥវ៉ាន់សំពីងសំពង ព្រមទាំងមានកូនស្រីតូចឈ្មោះ ទុយ សូលា អាយ៤ឆ្នាំ រួមដំណើរជាមួយផង ។
ប្រភពដដែលបានបន្តថា ៖ លុះពេលមកដល់ចំណុចកើតជិតស្ពានឈើ កាណូតបានជាប់ហ្គែ ហើយក៏បានបង្កឲ្យក្រឡា.ប់តែម្ដង ។ នៅក្នុងហេតុការណ៍នោះបានធ្លាក់លិចកូនស្រី អាយុ៤ឆ្នាំ រយៈពេលជាងមួយម៉ោង ទើបរកឃើញ ប៉ុន្តែជាអកុសលបានស្លា.ប់ទៅហើយ ។
យ៉ាងនេះក្តីដោយមិនអស់ចិត្ត ក្រុមគ្រួសារក្មេងស្រីរងគ្រោះបានយកនាងទៅមន្ទីរពេទ្យ តែត្រូវបានគ្រូពេទ្យប្រាប់ថា ៖ នាងបានបាត់បង់ជីវិតទៅហើយ ។ ករណីគ្រោះថ្នាក់ចរាចរណ៍ផ្លូវទឹកនេះ សមត្ថកិច្ចសន្និដ្ឋានថា គឺបណ្ដាលមកពីក្រឡា.ប់ដោយខ្លួនឯង ៕
ចែករំលែកព័តមាននេះ