អ៊ុយក្រែនផ្ដោតការវា.យប្រហារលើមូលដ្ឋាននាវាចរណ៍រុស្ស៊ីនៅគ្រីមេ
សង្គ្រាមអ៊ុយក្រែន ៖ កាលពីយប់ថ្ងៃទី១២មក១៣កញ្ញា មីស៊ីល១០គ្រាប់បានវាយប្រហារលើការដ្ឋាន
សង្គ្រាមអ៊ុយក្រែន ៖ កាលពីយប់ថ្ងៃទី១២មក១៣កញ្ញា មីស៊ីល១០គ្រាប់បានវាយប្រហារលើការដ្ឋាននាវានៅកំពង់ផែក្រុងសេបាស្តូប៉ូលនៅគ្រីមេ កន្លែងដែលនាវាមុជទឺក១គ្រឿងនិងនាវាដឹកទ័ព១គ្រឿងកំពុងជួសជុលរងការខូចខាត។ នោះជាការវាយប្រហារមួយចំបេះដូងមូលដ្ឋាននាវាចរណ៍រុស្ស៊ីក្នុងទីក្រុងសេបាស្តូប៉ូលនៅគ្រីមេ។ នេះបើតាមការរៀបរាប់របស់AFPកាលពីថ្ងៃទី១៤កញ្ញា។
ការវាយប្រហារនោះដែលត្រូវបានអះអាងដោយកងទ័ពអាកាសអ៊ុយក្រែន តាមពិតធ្វើឡើងតាមរយៈមីសីុលSCALP និង STORM SHADOW ដែលបារាំងនិងអង់គ្លេសទើបផ្ដល់ដល់អ៊ុយក្រែន។
មូលដ្ឋាននាវាចរណ៍សេបាស្តូប៉ូលស្ថិតនៅគ្រីមេ ដែលរុស្ស៊ីកាន់កាប់ចាប់តាំងពីឆ្នាំ២០១៤មក ទទួលរងរួចហើយការវាយប្រហារច្រើនលើក ដោយដ្រូនអាកាសនិងនាវាដ្រូនអ៊ុយក្រែន។
តាមតេឡេក្រាមក្រសួងការពារប្រទេសរុស្ស៊ីអះអាងនាថ្ងៃទី១៣ កញ្ញាថា ស្នូរផ្ទុះបានលាន់ឮជាមួយពពកផ្សែងខ្មៅហុយចេញទៅលើអាកាសនាពេលយប់។ នាយប់នោះកងទ័ពអាកាសអ៊ុយក្រែនបានវាយប្រហារដោយមីស៊ីលបណ្ដែត១០គ្រាប់ លើការដ្ឋាននាវាមួយនៅក្រុងសេបាស្តូប៉ូល។ នាវា២គ្រឿងកំពុងជួសជុលនៅទីនោះរងការខូចខាត ចំណែកកងការពារអាកាសរុស្ស៊ី បានបាញ់ទម្លាក់មីស៊ីលបណ្ដែត៧គ្រាប់។
មុននេះនាថ្ងៃទី១៣កញ្ញាអភិបាលក្រុងសេបាស្តូប៉ូល លោកមីខាអ៊ីលរ៉ាស្វូហ្សាអ៊ីយេវគូសបញ្ជាក់រួចហើយតាមតេឡេក្រាមថា អគ្គិភ័យមួយកើតមានក្នុងការដ្ឋាននាវានោះដែលរងការវាយប្រហារ។ ក្នុងការវាយប្រហារនេះតាមអាជ្ញាធរមូលដ្ឋានថា បណ្ដាលឲ្យមនុស្ស២៤នាក់រងរបួស៕
ចែករំលែកព័តមាននេះ