អាមេរិកប្រារព្ធខួបលើកទី២២នៃការវា.យប្រហារភេរវកម្មថ្ងៃ១១ កញ្ញា
សហរដ្ឋអាមេរិក ៖ ក្នុងឱកាសខួបលើកទី២២នៃការវាយប្រហារភេរវកម្មថ្ងៃទី១១កញ្ញានៅអាមេរិក
សហរដ្ឋអាមេរិក ៖ ក្នុងឱកាសខួបលើកទី២២នៃការវាយប្រហារភេរវកម្មថ្ងៃទី១១កញ្ញានៅអាមេរិក
សហរដ្ឋអាមេរិក ៖ ក្នុងឱកាសខួបលើកទី២២នៃការវាយប្រហារភេរវកម្មថ្ងៃទី១១កញ្ញានៅអាមេរិក ប្រធានាធិបតីលោកចូបៃដិន បានអំពាវនាវនាថ្ងៃទី១១កញ្ញានោះ ឲ្យមានឯកភាពជាតិក្នុងប្រទេស ពេលកំពុងមានការបែកបាក់គ្នាខាងនយោបាយនាបច្ចុប្បន្ន។
លោកបៃដិនបានទៅគោរពវិញ្ញាណក្ខ័ន្ធ មនុស្សជិត៣០០០នាក់ ដែលបាត់បង់ជីវិតដោយសារការវាយប្រហារនេះ របស់កងកុំម៉ង់ដូអាល់កៃដា ដែលនាថ្ងៃទី១១កញ្ញាឆ្នាំ២០០១ បានចាប់ពង្វាងយន្តហោះ៤គ្រឿងវាយប្រហារនៅក្រុងញូវយ៉ក លើមន្ទីរប៉ង់ហ្គោននិងនៅផេនសីុលវេនៀ។ នៅមុខទង់ជាតិអាមេរិកដ៏ធំមួយដែលលើកក្នុងឱកាសលោកឈប់សំចតឯមូលដ្ឋានយោធានៅអាឡាស្កា តាមផ្លូវវិលត្រឡប់មគពីឥណ្ឌានិងវៀតណាម លោកបៃដិនលើកឡើងថា យើងដាច់ខាតមិនត្រូវបោះបង់ចោលឯកភាពជាតិរបស់យើងឡើយ។
លោកលើកឡើងថា ភេរវកម្មក្នុងនោះរួមមានអំពើហិ.ង្សានយោបាយនិងមនោគមវិជ្ជាយើងគ្រប់គ្នាត្រូវប្រឆាំង ក្នុងនាមយើងជាប្រជាជាតិមួយ។ លោកបៃដិនអាយុ៨០ឆ្នាំមិនបានលើកចំឈ្មោះអតីតប្រធានាធិបតីលោកដូណាល់ត្រាំ ដែលអាចជាគូប្រជែងគ្នាទៀតក្នុងការបោះឆ្នោតប្រធានាធិបតីឆ្នាំ២០២៤ឡើយ។ លោកត្រាំជាប់ចោទពីបទរួមគំនិតប្រឆាំងរដ្ឋអាមេរិក ជាប់ទាក់ទិននឹងការប៉ុនប៉ងបំផ្លាញលទ្ធផលនៃការបោះឆ្នោតប្រធានាធិបតីឆ្នាំ២០២០ ព្រមទាំងទាក់ទិននឹងការលុកលុយចូលវិមានកាពីតូលពីសំណាក់ពួកអ្នកគាំទ្រលោកនាថ្ងៃទី៦មករាឆ្នាំ២០២១។
នៅក្រុងញូវយ៉កពិធីរំឭកខួបលើកទី២២នៃការវាយប្រហារភេរវកម្ម១១កញ្ញា តំណាងដោយអនុប្រធានាធិបតីលោកស្រីកាម៉ាឡាហារីស ដែលរួមជាមួយមហាជនច្រើនកុះករ បានទៅស្មឹងស្មាធិប៉ុន្មាននាទីគោរពវិញ្ញាណក្ខន្ធអ្នកស្លាប់ ដោយសារការវាយប្រហារប្រើយន្តហោះពាណិជ្ចកម្មបើកបុកអគារភ្លោះមជ្ឈមណ្ឌលពាណិជ្ចកម្មពិភពលោកដែលបាក់រាបដល់ក្រោម៕
ចែករំលែកព័តមាននេះ