រាជធានីភ្នំពេញ ៖ វាជាការងាយស្រួលក្នុងការសន្មត់ថា កូនរបស់យើងកើតមកមានកម្រិតបញ្ញាខ្ពស់ ឬទាប ។ ក្នុងនាមជាឪពុកម្តាយ វាមិនមានអ្វីច្រើនទេដែលយើងអាចធ្វើ ដើម្បីជះឥទ្ធិពលលើភាពឆ្លាតវៃដែលពួកគេ ។…
រាជធានីភ្នំពេញ ៖ វាជាការងាយស្រួលក្នុងការសន្មត់ថា កូនរបស់យើងកើតមកមានកម្រិតបញ្ញាខ្ពស់ ឬទាប ។ ក្នុងនាមជាឪពុកម្តាយ វាមិនមានអ្វីច្រើនទេដែលយើងអាចធ្វើ ដើម្បីជះឥទ្ធិពលលើភាពឆ្លាតវៃដែលពួកគេ ។ ទោះជាយ៉ាងណាក៏ដោយ ការស្រាវជ្រាវបានបង្ហាញថា ភាពវៃឆ្លាត គឺប្រហែល ៥០/៥០ រវាងធម្មជាតិធៀបនឹងការចិញ្ចឹមបីបាច់ ។ មានន័យថា ឪពុកម្តាយអាចមានឥទ្ធិពលយ៉ាងខ្លាំងមិនលើភាពឆ្លាតវៃរបស់កូនៗ ។
មានវិធីពិសេសដើម្បីចាប់ ផ្តើមដាំគ្រាប់ពូជឆ្លាតដល់កូនអ្នក ៖
១. និយាយជាមួយពួកគេចាប់ពីថ្ងៃដំបូង ៖ ការនិយាយទៅកាន់កូនរបស់អ្នក ទោះបីជាពួកគេនៅតូចក៏ដោយ ។ ទោះបីជាកុមារនៅក្មេងពេកក្នុងការយល់ពីអ្វីដែលអ្នកកំពុងនិយាយ ឬដឹងពីអ្វីដែលស្មុគ្រស្មាញដែលអ្នកកំពុងប្រើក៏ដោយពួកគេនឹងប្រើបរិបទដើម្បីដោះស្រាយ ។ ម្យ៉ាងទៀតការសួរកូនរបស់អ្នកនូវសំណួរបើកចំហរនឹងជួយឱ្យពួកគេអភិវឌ្ឍគំនិត និងការយល់ដឹងពីខ្លួនឯង ហើយវាក៏នឹងអនុញ្ញាតឱ្យពួកគេដឹងពីគំនិតទាំងនោះ និងបញ្ហាបុគ្គលរបស់ពួកគេផងដែរ ។
២. អានសៀវភៅឱ្យបានឆាប់ ៖ ចាប់ផ្តើមអានជាមួយកូនរបស់អ្នកឱ្យបានយូរមុនពេលពួកគេដឹងថា ពាក្យមានន័យដូចម្តេច ។ ការអានជួយជំរុញខួរក្បាល បង្កើតមូលដ្ឋានចំណេះដឹងអំពីពិភពលោក និងដើរតួជាមូលដ្ឋានគ្រឹះនៃការសិក្សានាពេលអនាគតទាំងអស់ រួមទាំងគណិតវិទ្យា និងវិទ្យាសាស្ត្រផងដែរ ។ ត្រូវប្រាកដថា សៀវភៅអាចប្រើប្រាស់បានយ៉ាងងាយស្រួលនៅក្នុងផ្ទះរបស់អ្នកយកគំរូតាមទម្លាប់អានដ៏ល្អ ដោយត្រូវប្រាកដថា កូនរបស់អ្នកឃើញអ្នកអានញឹកញាប់ ហើយនិយាយជាមួយកូនរបស់អ្នកអំពីអ្វីដែលអ្នកកំពុងអាន ដើម្បីបង្កើតជំនាញសន្ទនា និងការយល់ដឹងក្នុងការអាន ។
៣. បង្រៀនកូនឱ្យចេះគិតពីបញ្ហា និងបង្កើតដំណោះស្រាយ ៖ កុំដោះស្រាយបញ្ហាឱ្យពួកគេ ។ ផ្ទុយទៅវិញលើកទឹកចិត្តពួកគេឱ្យផ្តោតលើគោលដៅ ឬបញ្ហាតែមួយហើយរកវិធីដើម្បីសម្រេចបាន ឬដោះស្រាយវាតាមរយៈការគិតប្រកបដោយភាពច្នៃប្រឌិត ។ ទង្វើនេះទាំងរំញោចខួរក្បាល និងបង្រៀនពួកគេថា ពួកគេមានសមត្ថភាពធ្វើការឆ្លងកាត់ឧបសគ្គដោយខ្លួនឯង ។
៤. សរសើរការខិតខំប្រឹងប្រែង ៖ យើងរស់នៅក្នុងពិភពលោកដែលពោរពេញដោយពានរង្វាន់នៃការចូលរួម ប៉ុន្តែការបង្រៀនក្មេងៗថា ពួកគេតែងតែជាអ្វីដែលល្អបំផុត និងដោយធម្មជាតិធ្វើឱ្យពួកគេពិបាកទទួលយកការបរាជ័យ និងការខកចិត្តដែលមិនអាចចៀសរួចក្នុងជីវិត ។ ផ្ទុយទៅវិញ ចូរសរសើរការខិតខំប្រឹងប្រែងជាជាងសមត្ថភាពធម្មជាតិរបស់ពួកគេ ។
៥. លើកទឹកចិត្តឱ្យមានការចង់ដឹងចង់ឃើញ និងការរុករក ៖ កុមារមត្តេយ្យ គឺចង់ដឹងចង់ឃើញដោយធម្មជាតិ ប៉ុន្តែទំនោរនោះអាចថយចុះនៅពេលដែលក្មេងកាន់តែចាស់លុះត្រាតែវាត្រូវបានអនុវត្ត និងលើកទឹកចិត្ត ។ ចាប់ផ្តើមដោយការចូលរួមនៅក្នុងប្រធានបទដែលចាប់អារម្មណ៍ផ្ទាល់ខ្លួនរបស់ពួកគេ បើទោះបីជាវាពាក់ព័ន្ធនឹងតារា YouTube ដែលពួកគេចូលចិត្ត ឬសំណុំនៃតួលេខសកម្មភាពក៏ដោយ ។ សួរសំណួរដើម្បីជំរុញការសន្ទនា និងចែករំលែកចំណាប់អារម្មណ៍ផ្ទាល់ខ្លួនរបស់អ្នកដោយពន្យល់ពីមូលហេតុដែលពួកគេទាក់ទាញអ្នក អ្នកក៏អាចរៀបចំគម្រោងបទពិសោធន៍ដូចជាការធ្វើដំណើរទៅសារមន្ទីរ ព្រឹត្តិការណ៍កីឡា ឬភាពយន្តដែលនឹងជួយអ្នកស្វែងរកការចូលចិត្តគ្នាទៅវិញទៅមក និងជំរុញការពិភាក្សាថ្មីៗ ។
៦. បង្រៀនកូនឱ្យមានផ្នត់គំនិតរីកចម្រើន ៖ លើកទឹកចិត្តកូនរបស់អ្នកឱ្យមើលឃើញការរៀន សូត្រជាដំណើរការមួយតាមរយៈការខិតខំជំរុញឱ្យមានលទ្ធផល ។ ពួកគេនឹងចាប់ផ្តើមជាមនុស្សថ្មីថ្មោង ប៉ុន្តែបន្តិចម្តងៗកាន់តែប្រសើរឡើងតាមពេលវេលា ។ បន្ទាប់មកនៅពេលដែលពួកគេត្រូវបានបង្ហាញពីកិច្ចការលំបាកពួកគេនឹងមើលឃើញថា វាជាឱកាសសម្រាប់ការរីកចម្រើន ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សម្រាប់បវេសនកាលឆ្នាំសិក្សាថ្មី កម្មវិធីចំណេះទូទៅខ្មែរ ពីថ្នាក់ ទី ១ ដល់ទី ១២ បន្តទទួលចុះឈ្មោះចូលរៀនរៀងរាល់ថ្ងៃ ។ សាលារៀនផ្តល់ជូនការបញ្ចុះតម្លៃ ១៥% លើតម្លៃសិក្សាសម្រាប់ការចុះឈ្មោះចូលរៀនជាលក្ខណៈគ្រួសារ ឬពីរកម្មវិធី និងផ្តល់ជូនការធានារ៉ាប់រងគ្រោះថ្នាក់ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ