ខេត្តបាត់ដំបង ៖ យុវជនម្នាក់ទៅកាប់ប្ញស្សីនៅចង្កេះភ្នំរួចបោះទៅចំគ្រាប់មិនស្គាល់ម៉ាក ក៏បណ្ដាលឲ្យផ្ទុះរងរបួសជាទម្ងន់ កាលពីល្ងាចថ្ងៃទី១០ កញ្ញា នៅក្បែរល្អាងភ្នំបាដាក ស្ថិតក្នុងភូមិបាដាកត្បូង ឃុំរស្មីសង្ហា ស្រុករតនៈមណ្ឌល…
ខេត្តបាត់ដំបង ៖ យុវជនម្នាក់ទៅកាប់ប្ញស្សីនៅចង្កេះភ្នំរួចបោះទៅចំគ្រាប់មិនស្គាល់ម៉ាក ក៏បណ្ដាលឲ្យផ្ទុះរងរបួសជាទម្ងន់ កាលពីល្ងាចថ្ងៃទី១០ កញ្ញា នៅក្បែរល្អាងភ្នំបាដាក ស្ថិតក្នុងភូមិ
បាដាកត្បូង ឃុំរស្មីសង្ហា ស្រុករតនៈមណ្ឌល ។
សមត្ថកិច្ចបានឲ្យដឹងថា ជនរងគ្រោះឈ្មោះ សាក់ បូរ៉ា ភេទប្រុស អាយុ២៧ឆ្នាំ នៅភូមិអូរឃ្មុំ ឃុំរស្មីសង្ហា ស្រុករតនៈមណ្ឌល រងរបួសភ្លៅខាងស្ដាំ ។ ជនរងគ្រោះ ជាមួយអ្នកភូមិប៉ុន្មានទៀត បាននាំគ្នាទៅកាប់ប្ញស្សីក្បែរចង្កេះភ្នំបាដាក ហើយបានបោះប្ញស្សីទៅប៉ះចំគ្រាប់មិនទាន់ផ្ទុះ ក៏បណ្ដាលឲ្យផ្ទុះលាន់កក្រើកតែម្ដង ។
លោក អ៊ី រស្មាក់ នាយប៉ុស្ដិ៍បគរបាលរស្មីសង្ហាបានឲ្យដឹងថា គេទាន់ពុំស្គាល់គ្រាប់ដែលផ្ទុះទេ តែវាបានផ្ទុះនៅពេលជនរងគ្រោះកាប់ប្ញស្សី ហើយបោះទៅចំគ្រាប់នោះ ។ លោកបានស្រង់សំដីសាក្សីថា ពេលនោះជនរងគ្រោះបានកាប់ប្ញស្សីជាច្រើនដើម រួចបោះទៅចំគ្រាប់នោះ តែគេមិនស្កាល់ប្រភេទគ្រាប់នោះ តើជាគ្រាប់មីន ឬជាគ្រាប់ប្រភេទអ្វីទេ ស្រាប់តែផ្ទុះលាន់កក្រើក ។
សាក្សីបានប្រាប់ទៀតថា ពេលនេះ ឬសំឡេងជនរងគ្រោះស្រែកឲ្យជួយ និងឃើញមានឈាម
ហូរជោកត្រង់ភ្លៅខាងស្ដាំ ហើយត្រូវបានគេជួយដឹកទៅកាន់មណ្ឌលសុខភាពភ្លាមៗដែរ ។ លោកនាយប៉ុស្ដិ៍បានបញ្ជាក់ថា ក្រោយកើតហេតុ កម្លាំងរបស់លោកបានចុះទៅពិនិត្យចំណុចកើតហេតុ តែរកមិនឃើញភិនភាពនៃគ្រាប់នោះទេ ។
ប៉ុន្តែលោកបានប្រាប់ថា កម្លាំងជំនាញអង្គភាពស៊ីម៉ាក់នឹងចុះទៅពិនិត្យចំណុចគ្រាប់ផ្ទុះនៅព្រឹកថ្ងៃទី១១ កញ្ញា ដើម្បីរាវរកគ្រាប់ក្រែងនៅសេសសល់ ។
ចែករំលែកព័តមាននេះ