អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មានមួយ ពាក់ព័ន្ធករណីជម្លោះបែកផ្សែងរឿងដាក់កញ្ចក់នៅសាកលវិទ្យាល័យ «ឥន្ទ្រវិជ្ជា»
រាជធានីភ្នំពេញ ៖ នៅព្រឹកថ្ងៃទី១០ ខែកញ្ញា ឆ្នាំ២០២៣នេះ អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មានមួយ ពាក់ព័ន្ធករណីជម្លោះបែកផ្សែងរឿងដាក់កញ្ចក់នៅសាកលវិទ្យាល័យ «ឥន្ទ្រវិជ្ជា»។
សេចក្តីប្រកាសព័ព៌មាន បានបញ្ជាក់ថា «អ្នកនាំពាក្យ នៃអយ្យការអមសាលាដំបូងរាជធានីភ្នំពេញ មានកិត្តិយសសូមជម្រាបជូនសាធារណជន មេត្តាជ្រាបថា ៖ កន្លងមកថ្មីៗនេះ មានការបង្ហោះនៅលើបណ្តាញទំនាក់ទំនងសង្គមជាច្រើន អំពីបញ្ហាពាក់ព័ន្ធនឹងករណីទាមទារការទូទាត់ប្រាក់ថ្លៃកញ្ចក់ដែលក្រុមហ៊ុន «អឺបឺន ពីជ័រ (URBAN WINDOORS)» បានយកទៅបំពាក់នៅសាកលវិទ្យាល័យ «ឥន្ទ្រវិជ្ជា» ។
តំណាងអយ្យការអមសាលាដំបូងរាជធានីភ្នំពេញ បានទទួលពាក្យបណ្តឹងពាក់ព័ន្ធនឹងករណីខាងលើរួចហើយ កាលពីថ្ងៃទី២៤ ខែសីហា ឆ្នាំ២០២៣កន្លងទៅ ហើយតំណាងអយ្យការ បាននិងកំពុងចាត់ការលើសំណុំរឿងនេះដោយយកចិត្តទុកដាក់ និងធ្វើការកោះហៅភាគីដែលពាក់ព័ន្ធទាំងអស់ ដើម្បីស្តាប់ចម្លើយនៅក្នុងខែកញ្ញា ឆ្នាំ២០២៣ ដើម្បីមានមូលដ្ឋានក្នុងការសម្រេចតាមនីតិវិធីច្បាប់ ។ អាស្រ័យហេតុដូចនេះ សូមសាធារណជន មេត្តាជ្រាបជាព័ត៌មានតាមការគួរ។
ចែករំលែកព័តមាននេះ