ទីបំផុត! Neymar វ៉ាដាច់កំណត់ត្រាគ្រាប់បាល់ស្តេចបាល់ទាត់ Pele នៅប្រេស៊ីល
ប្រេស៊ីល ៖ Neymar បានវ៉ាដាច់កំណត់ត្រាស្តេចបាល់ទាត់ Pele ក្លាយជាកីឡាករស៊ុតបញ្ចូលទីច្រើន
ប្រេស៊ីល ៖ Neymar បានវ៉ាដាច់កំណត់ត្រាស្តេចបាល់ទាត់ Pele ក្លាយជាកីឡាករស៊ុតបញ្ចូលទីច្រើន
ប្រេស៊ីល ៖ Neymar បានវ៉ាដាច់កំណត់ត្រាស្តេចបាល់ទាត់ Pele ក្លាយជាកីឡាករស៊ុតបញ្ចូលទីច្រើនជាងគេបំផុតរបស់ក្រុមជម្រើសជាតិប្រេស៊ីល បន្ទាប់ពីកំពូលខ្សែប្រយុទ្ធរូបនេះ រកបាន២គ្រាប់នៅក្នុងជ័យជម្នះរបស់ក្រុមសាំបាប្រេស៊ីលលើក្រុមភ្ញៀវបូលីវី ដោយលទ្ធផល ៥-១ នៅឯកីឡដ្ឋាន Mangueirão ស្ថិតនៅក្នុងទីក្រុងប៊ែលឹម (Belém) រដ្ឋប៉ារ៉ា (Pará) ដែលជាការប្រកួតជម្រុះ World Cup 2026 តំបន់អាមេរិកខាងត្បូង កាលពីថ្ងៃទី០៩ ខែកញ្ញា ឆ្នាំ២០២៣ កន្លងទៅ។
រាប់បញ្ចូល២គ្រាប់រកបានទល់នឹងបូលីវីនោះ Neymar ខ្សែប្រយុទ្ធវ័យ៣១ឆ្នាំ ដែលបច្ចុប្បន្នកំពុងប្រកបអាជីពជាមួយក្លិប Al Hilal នៃលីគកំពូលអារ៉ាប៊ីសាអូឌីត មានគ្រាប់បាល់សរុប ៧៩គ្រាប់ពីការបង្ហាញខ្លួន ១២៥ប្រកួត សម្រាប់ប្រេស៊ីល ចាប់តាំងពីឆ្នាំ ២០១០ រហូតមកដល់បច្ចុប្បន្ន ដោយបានបំបែកកំណត់ត្រាកីឡាករស៊ុតបញ្ចូលទីច្រើនជាងគេរបស់លោក Pele ដែលបានទទួលមរណភាពកាលពីថ្ងៃទី២៩ ខែធ្នូ ឆ្នាំ២០២២ ដោយស្តេចបាល់ទាត់ប្រេស៊ីលរូបនេះ រកបាន៧៧គ្រាប់ពីការបង្ហាញខ្លួន ៩២ប្រកួត អំឡុងឆ្នាំ ១៩៥៧ រហូតដល់ឆ្នាំ ១៩៧១។
គួររំលឹកថា Neymar បានក្លាយជាកីឡាករមានតម្លៃខ្លួនថ្លៃជាងគេបំផុតនៅលើពិភពលោក នៅរូបគេផ្លាស់ពីក្លិប Barcelona មកចូលរួមជាមួយក្លិប Paris St-Germain ក្នុងតម្លៃ ២២២លានអឺរ៉ូ កាលពីឆ្នាំ ២០១៧ ហើយរហូតមកទល់ពេលនេះ កំណត់ដ៏អស្ចារ្យនេះ នៅមិនទាន់មានការកីឡាកររូបណាបំបែកបាននៅឡើយទេ បើទោះបីជារូបគេបានចាកចេញពី PSG មកចូលរួមជាមួយ Al-Hilal កាលពីពាក់កណ្តាលខែសីហា ឆ្នាំ២០២៣ កន្លងទៅ យ៉ាងណាក៏ដោយ៕ (ប្រភពពី BBC)
ចែករំលែកព័តមាននេះ