ថ្ងៃនេះ! ប្រធានាធិបតីអាមេរិក ចូ បៃដិន មកកាន់វៀតណាម
ប្រទេសវៀតណាម-អាមេរិក ៖ ប្រធានាធិបតីអាមេរិកលោកចូ បៃដិន មកកាន់ប្រទេសវៀតណាមនា
ប្រទេសវៀតណាម-អាមេរិក ៖ ប្រធានាធិបតីអាមេរិកលោកចូ បៃដិន មកកាន់ប្រទេសវៀតណាមនាថ្ងៃទី១០កញ្ញា ដើម្បីពង្រឹងទំនាក់ទំនងទ្វេភាគី ពេលកំពុងមានទំនាស់ជាមួយចិន។
លោកបៃដិន ដែលទៅចូលរួមនាចុងសប្ដាហ៍កន្លងទៅ ក្នុងកិច្ចប្រជុំកំពូលG20នៅក្រុងញូវដែល្លីឥណ្ឌា មកកាន់ក្រុងហាណូយនាថ្ងៃទី១០កញ្ញាដើម្បីជួបជាមួយប្រមុខបក្សកុំមុយនីស្តវៀតណាមលោកង្វៀនភូជុង។ លោកត្រូវចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្ត្រកាន់តែទូលំទូលាយ។ រហូតមកទាល់ពេលនេះវៀតណាម ទើបតែចុះហត្ថលេខាលើកិច្ចព្រមព្រៀងបែបនោះ ដែលជាកិច្ចព្រមព្រៀងនៃការខិតចូលជិតគ្នាកម្រិតខ្ពស់តែជាមួយរុស្ស៊ី ឥណ្ឌា កូរ៉េខាងត្បូងនិងចិន។
ដោយខិតខំចៀសវាងកុំឲ្យគេមើលខ្លួនថា ជាអ្នកងាកទៅរកសហរដ្ឋអាមេរិកឬចិន ក្រុងហាណូយបានសម្ដែង ការព្រួយបារម្ភរបស់ខ្លួនដូចអាមេរិកដែរ ចំពោះការទាមទាររបស់ចិនយកសមុទ្រចិនខាងត្បូងទាំងមូល កន្លែងដែលក្រុងហាណូយទាមទារដែនដីដែរ។
មុនទស្សនកិច្ចរបស់លោកបៃដិននៅវៀតណាម កាសែតញូវយ៉កថែមសរសេរថា វៀតណាមបានចរចាជាសម្ងាត់ពីកុងត្រាគ្រឿងសព្វាវុធថ្មី ជាមួយរុស្ស៊ីក៏ទោះបីមានទណ្ឌកម្មរបស់អន្តរជាតិក្ដី។ កាសែតអាមេរិកនោះដែលដកស្រង់ឯកសារមួយរបស់ក្រសួងហិរញ្ញវត្ថុវៀតណាមនិយាយថា កិច្ចព្រមព្រៀងនេះអាចមានការទូទាត់គ្នាតាមរយៈគម្រោងប្រេងកាតរួមរវាងរុស្សុីនិងវៀតណាមនៅតំបន់ស៊ីបេរី។ អាមេរិកនិងវៀតណាមក៏មានទំនាក់ទំនងគ្នាខាងពាណិជ្ចកម្មកាន់តែជិតស្និទ្ធផងដែរ។ ក្រុងវ៉ាស៊ីនតោនចាត់ទុកក្រុងហាណូយថា ជាដៃគូសំខាន់មួយក្នុងពេលដែលអាមេរិកខិតខំចៀសវាងការពឹងផ្អែកលើចិនច្រើនពេក។
ទស្សនកិច្ចនោះរបស់លោកបៃដិននៅវៀតណាម ធ្វើឡើងបន្ទាប់ពីការចេញផ្សាយ របាយការណ៍មួយរបស់គណៈកមា្មធិការរដ្ឋាភិបាលអាមេរិកមួយ ស្ដីពីសេរីភាពសាសនានៅវៀតណាម។ គណៈកម្មាធិការនោះលើកឡើងពី ការរំលោ.ភបំពា.នជាប់ជាប្រចាំនិងហាក់ដូចជាកាន់តែធ្ងន់ធ្ងរ លើសេរីភាពនៃជំនឿសាសនានៅវៀតណាម៕
ចែករំលែកព័តមាននេះ