តុលាការកាត់ទោសកំបាំងមុខបុរសសង្ហាម្នាក់ ក្រោយទើបតែចាប់ខ្លួននៅក្រុងពោធិ៍សាត់
- បាត់ដំបង
ទណ្ឌិតដែលមានរូបរាងសង្ហាម្នាក់ បានព្យាយាមរត់គេចខ្លួនអស់រយៈពេលជាច្រើនឆ្នាំមកហើយ ក្រោយពីប្រព្រឹត្តអំពើ
ខេត្តបាត់ដំបង ៖ ទណ្ឌិតដែលមានរូបរាងសង្ហាម្នាក់ បានព្យាយាមរត់គេចខ្លួនអស់រយៈពេលជាច្រើនឆ្នាំមកហើយ ក្រោយពីប្រព្រឹត្តអំពើ «ប្ល.ន់» ហើយត្រូវចៅក្រមសាលាដំបូងខេត្តបាត់ដំបង កាត់ទោសកំបាំងមុខឲ្យជាប់ពន្ធនាគារចំនួន៥ឆ្នាំ ពីបទ«ប្ល.ន់»នេះ ប៉ុន្តែទើបតែត្រូវបានកម្លាំងការិយាល័យជំនាញ នៃស្នងការខេត្តបាត់ដំបង សុំស្នើសហការជាមួយកម្លាំងជំនាញ ស្នងការខេត្តពោធិ៍សាត់ ចាប់ខ្លួនទណ្ឌិតម្នាក់នេះបានតាមដីកា កាលពីរសៀលថ្ងៃទី៩ ខែកញ្ញា ឆ្នាំ២០២៣ ខណៈពេលជននេះ បង្ហាញមុខនៅក្នុងពិធីបុណ្យមួយ ស្ថិតក្នុងក្រុងពោធិ៍សាត់។
យោងតាមដីកាបង្គាប់ឲ្យចាប់ខ្លួនរបស់លោក ឡេង វណ្ណរិទ្ធី ចៅក្រមជំនុំជម្រះសាលាដំបូងខេត្តបាត់ដំបង ចុះថ្ងៃទី២២ ខែកញ្ញា ឆ្នាំ២០២២ បានឲ្យដឹងថា ពិរុទ្ធជនរូបនេះ ឈ្មោះ កែវ លីដា ភេទប្រុស អាយុ៣១ឆ្នាំ រស់នៅភូមិហៃសាន ឃុំជ្រៃ ស្រុកថ្មគោល។ តាមដីកាបង្គាប់ឲ្យចាប់ខ្លួននេះ ជននេះត្រូវបានចៅក្រមកាត់ទោសកំបាំងមុខ សម្រេចផ្តន្ទាទោសជាប់ពន្ធនាគារកំណត់០៥ឆ្នាំ ពីបទ «លួ.ចមានស្ថានទម្ងន់ទោស ដោយហិ.ង្សា» (ប្ល.ន់) ដែលជននេះបានប្រព្រឹត្ត កាលពីថ្ងៃទី០៤ ខែតុលា ឆ្នាំ២០២១ នៅភូមិរំចេក៤ សង្កាត់រតនៈ ក្រុងបាត់ដំបង។
នៅក្នុងអំពើសំណុំរឿងឧក្រិដ្ឋខាងលើនេះ បើតាមមន្ត្រីជំនាញ បានរំលឹកថា កាលនោះទណ្ឌិតឈ្មោះ កែវ លីដា រូបនេះ បានស្គាល់បុរសអ្នកស្រឡាញ់ភេទដូចគ្នាម្នាក់ ដែលរកស៊ីលក់ដូរគ្រឿងអលង្ការប្រភេទទឹកទាបៗតាមអនឡាញ។ ហើយជននេះបានណាត់ជួបបុរសអ្នកស្រឡាញ់ភេទដូចគ្នានោះនៅសណ្ឋាគារមួយកន្លែង ស្ថិតក្នុងក្រុងបាត់ដំបង ដើម្បីមើល និងទិញគ្រឿងអលង្ការ។ ប៉ុន្តែក្រោយពេលណាត់ជួបគ្នានៅយប់កើតហេតុនោះ ស្រាប់តែឈ្មោះ កែវ លីដា បានប្រើល្បិ.ចដាក់ថ្នាំសណ្ដំនៅក្នុងទឹកដោះគោឆៅ ឲ្យជនរងគ្រោះផឹក។ រហូតជនរងគ្រោះបាត់បង់ស្មារតី បន្ទាប់មកជនដៃដល់ក៏ប្រមូលយកគ្រឿងអលង្ការ និងវា.យជនរងគ្រោះ ថែមដោះយកអស់នូវរបស់របរមានតម្លៃនៅលើខ្លួនរបស់ជនរងគ្រោះ រួមទាំងទូរស័ព្ទដៃផងអស់រលីងពីខ្លួន រួចរត់គេចទាំងយប់។
បើតាមជនរងគ្រោះបានដាក់ពាក្យបណ្ដឹងនៅសមត្ថកិច្ច បានប្រាប់ថា គ្រឿងអលង្ការដែលបាត់បង់ និងទូរស័ព្ទមួយគ្រឿងទៀត គិតជាទឹកប្រាក់ប្រមាណជិត១ម៉ឺនដុល្លារ។
ក្រោយប្រព្រឹត្តបទល្មើស «ប្ល.ន់» នេះបានសម្រេច ជននេះបានរត់គេចខ្លួនបាត់ស្រមាលឈឹង ហើយបើតាមប្រភពពីសមត្ថកិច្ចបានឲ្យដឹងថា ក្រោយប្ល.ន់បុរសអ្នកស្រឡាញ់ភេទដូចគ្នា នៅបាត់ដំបង ជននេះបានប្រព្រឹត្តបទ «ប្ល.ន់» ក្នុងសកម្មភាពដដែលនេះជាបន្តបន្ទាប់ទៀត រហូតត្រូវបានកម្លាំងសមត្ថកិច្ចនៅតាមបណ្ដាខេត្តនានា និងរាជធានីភ្នំពេញ តាមចាប់ខ្លួនផងដែរ។ ប៉ុន្តែនៅរសៀលថ្ងៃទី៩ ខែកញ្ញា ឆ្នាំ២០២៣ ក្រោយពីជនរងគ្រោះម្នាក់ ប្រទះឃើញជននេះដោយចៃដន្យ បានបង្ហាញមុខនៅក្នុងពិធីបុណ្យមួយកន្លែង ស្ថិតក្នុងក្រុងពោធិ៍សាត់ ទើបទំនាក់ទំនងមកកាន់មន្ត្រីការិយាល័យព្រហ្មទណ្ឌកំរិតធ្ងន់ នៃស្នងការខេត្តបាត់ដំបង ដើម្បីចាប់ខ្លួនជននេះតែម្ដង។
បើតាមប្រវត្តិនៃការប្រព្រឹត្តបទល្មើសរបស់ពិរុទ្ធជនរូបសង្ហាម្នាក់នេះ សមត្ថកិច្ចបានប្រាប់ឱ្យដឹងថា ជននេះធ្លាប់ត្រូវកម្លាំងការិយាល័យព្រហ្មទណ្ឌកំរិតស្រាល ចាប់ខ្លួនម្ដងដែរ កាលពីខែកុម្ភៈ ឆ្នាំ២០២១ ពីបទ «លួ.ចទូរស័ព្ទ»។ ប៉ុន្តែក្រោយរួចទោសមិនទាន់បានប៉ុន្មានខែផង ជននេះបានប្រព្រឹត្តអំពើ «ប្ល.ន់» បុរសអ្នកស្រឡាញ់ភេទដូចគ្នាតែម្ដង តែយ៉ាងណា ពេលនេះ ត្រូវជាប់ពន្ធនាគារជាថ្មីហើយចំនួន០៥ឆ្នាំ ពីបទ«ប្ល.ន់»៕
ចែករំលែកព័តមាននេះ