ខេត្តបន្ទាយមានជ័យ ៖ ប៉េអឹមក្រុងប៉ោយប៉ែតបានឃាត់ខ្លួនជនសង្ស័យម្នាក់ជាមនុស្សគ ពីបទលួចកង់ចំនួន៨គ្រឿងទៅលក់។ ជនសង្ស័យត្រូវបានរៀបចំសំណុំរឿងបញ្ជូនទៅសាលាដំបូង និងចេញដីកាឃុំខ្លួនបណ្តោះអាសន្ននៅពន្ធនាគារខេត្ត ។ លោកហម មុត ប៉េអឹមក្រុងប៉ោយប៉ែត និងលោកម៉ែន ភារម្យ មេបញ្ជាការរងប៉េអឹមខេត្តបន្ទាយមានជ័យ
ខេត្តបន្ទាយមានជ័យ ៖ ប៉េអឹមក្រុងប៉ោយប៉ែតបានឃាត់ខ្លួនជនសង្ស័យម្នាក់ជាមនុស្សគ ពីបទលួចកង់ចំនួន៨គ្រឿងទៅលក់។ ជនសង្ស័យត្រូវបានរៀបចំសំណុំរឿងបញ្ជូនទៅសាលាដំបូង និងចេញដីកាឃុំខ្លួនបណ្តោះអាសន្ននៅពន្ធនាគារខេត្ត ។
លោកហម មុត ប៉េអឹមក្រុងប៉ោយប៉ែត និងលោកម៉ែន ភារម្យ មេបញ្ជាការរងប៉េអឹមខេត្តបន្ទាយមានជ័យ និងជាប្រធានមន្ទីរយុត្តិធម៌ឱ្យដឹងនាថ្ងៃទី១៤ ខែឧសភា ឆាំ្ន២០១១ ថា ជនសង្ស័យជាមនុស្សគ ហើយបានសារភាពថា គេពិតជាលួចកង់ចំនួន៨គ្រឿងយកទៅលក់មែនតាមរយៈការធ្វើកាយវិការបញ្ជាក់។ លោកមេបញ្ជាការរងប៉េអឹមខេត្តឱ្យដឹងថា ថ្ងៃទី១៤ ខែឧសភា ប៉េអឹមបានបញ្ជូនជនសង្ស័យទៅតុលាការ ហើយត្រូវបានចេញដីកាឃុំខ្លួនបណ្តោះអាសន្ននៅពន្ធនាគារ។ ជននេះមិនមែនជាមនុស្សវិកលចរិតទេ គ្រាន់តែនិយាយមិនចេញ តែមានគំនិតប្រាជ្ញាធម្មតា ហើយប្រព្រឹត្តបទល្មើស។
ប៉េអឹមក្រុងប៉ោយប៉ែតបញ្ជាក់ថា ជនសង្ស័យមិនត្រូវបានគេស្គាល់ឈ្មោះនោះទេ គ្រាន់តែដឹងថា ជាមនុស្សគអាយុប្រហែល២៥ឆ្នាំ ពុំមានមុខរបរ និងទីលំនៅពិតប្រាកដ តែគេឧស្សាហ៍ឃើញដើរនៅម្តុំសង្កាត់ប៉ោយប៉ែត ក្រុងប៉ោយប៉ែត។ សមត្ថកិច្ចបានទទួលចម្លើយបំភ្លឺ ឬសារភាពពីជនសង្ស័យខ្លះៗតាមរយៈកាយវិការរបស់គេប៉ុណ្ណោះ។
បើតាមបណ្តឹងចុះថ្ងៃទី៨ ខែឧសភា ឆ្នាំ២០១១ របស់ឈ្មោះគង់ ឈឿន ភេទប្រុស អាយុ៤៨ឆ្នាំ នៅភូមិបាលិលេយ្យ សង្កាត់ប៉ោយប៉ែតថា កង់ដែលបាត់ទាំង៨គ្រឿងនោះ គឺធុនតូច៣គ្រឿង ធុនកណ្តាល២គ្រឿង និងធុនធំ៣គ្រឿងបានរក្សាទុកនៅផ្ទះរបស់ឈ្មោះឯម សុផុន ភេទប្រុស នៅភូមិបាលិលេយ្យ។ កង់ធុនកណ្តាល២គ្រឿងជារបស់ឈ្មោះរ័ត្ន និងប្រពន្ធ ឈ្មោះភក្តី។ ប្តី ប្រពន្ធនេះជួលផ្ទះរបស់ឯម សុផុន ស្នាក់នៅ។ ឈ្មោះគង់ ឈឿន បាននិយាយប្រាប់សមត្ថកិច្ចថា កង់ដែលបាត់នោះត្រូវមនុស្សគលួចយកទៅលក់នៅម្តុំផ្លូវរថភ្លើងប៉ោយប៉ែតទើបគាត់ប្តឹងសមត្ថកិច្ច ហើយទីបំផុតសមត្ថកិច្ចទៅរកឃើញកង់ទាំង៨គ្រឿងនៅផ្ទះរបស់ឯម សុផុន (ម្ចាស់ផ្ទះ) និងដឹងថា កង់ខ្លះជារបស់ឈ្មោះរ័ត្ន អ្នកជួលផ្ទះនោះ។
លោកហម មុត ឱ្យដឹងថា កង់នោះបាត់ជាបន្តបន្ទាប់ ហើយម្ចាស់បានប្តឹងពីថ្ងៃទី៨ ខែ ឧសភា លុះដល់ថ្ងៃទី ១២ ខែឧសភា ទើបរកឃើញ។ គេនឹងរង់ចាំមើលថា តើតុលាការប្រើវិធីណាដើម្បីយកចំលើយពីជនសង្ស័យជាមនុស្សគដើម្បីកាត់ទោស៕
ចែករំលែកព័តមាននេះ