កូរ៉េខាងជើងលាតត្រដាងនាវាមុជទឹកវា.យប្រហារនុយក្លេអ៊ែរថ្មី
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA គូសបញ្ជាក់ថា ក្រុងព្យុងយ៉ាង
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA គូសបញ្ជាក់ថា ក្រុងព្យុងយ៉ាងប្រកាសនាថ្ងៃទី៨កញ្ញាថា បានកសាងនាវាមុជទឹកនុយក្លេអ៊ែរតាក់ទិកវាយប្រហារមួយ ក្នុងក្របខណ្ឌនៃការខិតខំប្រឹងប្រែងរបស់ខ្លួន ដើម្បីពង្រឹងកងទ័ពជើងទឹករបស់ប្រទេស។
KCNAបន្តថា នាវាមុជទឹកថ្មីនោះត្រូវបានលាតត្រដាង កាលពីថ្ងៃទី៦ កញ្ញា ក្នុងឱកាសនៃពិធីមួយ ដឹកនាំដោយលោកគីមជុងអ៊ុនដែលថ្លែងថា នាវាមុជទឹកនោះស្ថិតក្នុងកម្មវិធីពង្រីកគ្រឿងសព្វាវុធនុយក្លេអ៊ែររបស់កងម៉ារីននាពេលខាងមុខ។
ការបង្ហាញនាវាមុជទឹកមានឈ្មោះថា HERO KIM KUN OK នេះកំណត់ពីទំព័រថ្មីមួយ ក្នុងការពង្រឹងកងទ័ពជើងទឹករបស់កូរ៉េខាងជើង។ លោកគីមជុងអ៊ុនបានលើកពីផែនការយុទ្ធសាស្ត្រ សំដៅបន្តពង្រឹងថែមទៀតដល់ការធ្វើទំនើបកម្មកងកម្លាំងក្នុងទឹកនិងលើផ្ទៃសមុទ្រនិងពង្រីកគ្រឿងសព្វាវុធនុយក្លេអ៊ែររបស់កងម៉ារីននាពេលអនាគត។ លោកគូសបញ្ជាក់ម្យ៉ាងទៀតថា ការបំពាក់ឲ្យកងម៉ារីននូវអាវុធនុយក្លេអ៊ែរ ក្លាយជាភារកិច្ចបន្ទាន់មួយ។
នាថ្ងៃទី៧កញ្ញាលោកគីមជុងអ៊ុនបានទៅពិនិត្យនាវាមុជទឹកនោះដែលត្រៀមធ្វើការសាកល្បង៕
ចែករំលែកព័តមាននេះ