បុរសវ័យចំណាស់ម្នាក់បានប្រាប់ពីកន្លែងកប់គ្រា.ប់មីនចំនួន០៤គ្រា.ប់តាំងពីអំឡុងឆ្នាំ១៩៩៨ ដែលត្រូវកូនប្រុសរបស់គាត់យកមកកប់ក្នុងដីនៅចំណុចជិតមាត់ស្រះ
ខេត្តបន្ទាយមានជ័យ ៖ កាលពីថ្ងៃទី០៥ ខែកញ្ញា ឆ្នាំ២០២៣ វេលាម៉ោង៧និង៣០នាទីព្រឹកម្សិលម៉ិញនេះ មានបុរសវ័យចំណាស់ម្នាក់បានប្រាប់ពីកន្លែងកប់គ្រា.ប់មីនចំនួន០៤គ្រា.ប់តាំងពីអំឡុងឆ្នាំ១៩៩៨ ដែលត្រូវកូនប្រុសរបស់គាត់យកមកកប់ក្នុងដីនៅចំណុចជិតមាត់ស្រះ ស្ថិតក្នុងភូមិសឹង្ហលិច ឃុំសឹង្ហ ស្រុកអូរជ្រៅ ខេត្តបន្ទាយមានជ័យ ដើម្បីក្រុមកំចាត់មីន HALOTRAS រាវរកឃើញទាំង០៤គ្រា.ប់នោះ។
បើតាមនគរបាលស្រុកអូរជ្រៅ បានប្រាប់ឲ្យដឹងថា មានប្រជាពលរដ្ឋម្នាក់មានឈ្មោះ ប៉ែវ ណាត់ ភេទប្រុស អាយុ៨១ឆ្នាំ រស់នៅភូមិសឹង្ហលិច ឃុំសឹង្ហ ស្រុកអូរជ្រៅ បានរាយការណ៍មកនគរបាលប៉ុស្តិ៍រដ្ឋបាលសឹង្ហ ថា កាលពីអំឡុងឆ្នាំ១៩៩៨ កូនរបស់គាត់ឈ្មោះ ណាត់ ផាត ភេទប្រុស អាយុ៥០ឆ្នាំ បានយកគ្រា.ប់មីនចំនួន៤គ្រា.ប់ទៅកប់ក្នុងដីជិតមាត់ស្រះ ។
បន្ទាប់ពីបានទទួលដំណឹងខាងលើនេះភ្លាម នគរបាលប៉ុស្តិ៍ ក៏បានរាយការណ៍បន្តទៅក្រុមកំចាត់មីនHALOTRAS ដើម្បីចុះមករាវរក ហើយក៏ប្រទះឃើញគ្រា.ប់មីន ប្រភេទ PMN2 ចំនួន៤គ្រា.ប់ រួចយកទៅកម្ទេចចោលតែម្តង៕
ចែករំលែកព័តមាននេះ