ខេត្តកំពង់ស្ពឺ ៖ បុគ្គលិកស៊ីម៉ាក់៣នាក់បានស្លា.ប់ភ្លាមៗនៅនឹងកន្លែងដោយសារ ផ្ទុះគ្រាប់កាលពីវេលាម៉ោង១០និង៥នាទីថ្ងៃទី១៤ ឧសភា ២០១១ នៅភូមិមុខខេត្ត សង្កាត់រកាធំ ក្រុងច្បាម៉ន ។ បើតាមអ្នកឆ្លើយឆ្លងព័ត៌មានរបស់កោះសន្តិភាពបានបញ្ជាក់ឱ្យ ដឹងថា ហេតុការណ៍នេះគឺបណ្តាលមកពីការធ្វេសប្រហែសរបស់បុគ្គលិក
ខេត្តកំពង់ស្ពឺ ៖ បុគ្គលិកស៊ីម៉ាក់៣នាក់បានស្លាប់ភ្លាមៗនៅនឹងកន្លែងដោយសារ ផ្ទុះគ្រាប់កាលពីវេលាម៉ោង១០និង៥នាទីថ្ងៃទី១៤ ឧសភា ២០១១ នៅភូមិមុខខេត្ត សង្កាត់រកាធំ ក្រុងច្បាម៉ន ។ បើតាមអ្នកឆ្លើយឆ្លងព័ត៌មានរបស់កោះសន្តិភាពបានបញ្ជាក់ឱ្យ ដឹងថា ហេតុការណ៍នេះគឺបណ្តាលមកពីការធ្វេសប្រហែសរបស់បុគ្គលិក ស៊ីម៉ាក់ដែលរៀបចំទុកដាក់គ្រាប់មានការប៉ះទង្គិចខ្លាំងៗ ទើបបណ្តាលឱ្យផ្ទុះឡើង និងបង្កឱ្យមានការភ្ញាក់ផ្អើលដល់ប្រជាពលរដ្ឋស្ទើរតែពេញ ក្រុង។
មន្ត្រីស៊ីម៉ាក់ដែលស្លាប់បាត់បង់ជីវិតមាន១-ឈ្មោះហឿន គឹមសៀ អាយុ៤៦ឆ្នាំ ២-ឈ្មោះសុខ ហ៊ីន អាយុ៤៦ឆ្នាំ ៣-ឈ្មោះយឿន សុភាព អាយុ៤៧ឆ្នាំ សពអ្នកទាំង៣ត្រូវបានក្រុមគ្រួសារសាច់ញាតិរៀបចំធ្វើបុណ្យ តាមប្រពៃណី។ តាមប្រភពព័ត៌មានបានឱ្យដឹងថា គ្រាប់ដែលផ្ទុះនេះគឺគ្រាប់ DK 87 ដែលដំបូងឡើយមន្ត្រីស៊ីម៉ាក់ទាំង៣នាក់បានរៀបចំទុកដាក់គ្រាប់ នេះប្រមាណ៧០គ្រាប់ឱ្យស្រួលបួលនៅផ្ទះផ្ទះយឿន សុភាព ដើម្បីត្រៀមដឹកយកទៅកម្ទេចចោលព្រោះនៅសល់តែ២-៣ថ្ងៃទៀតទេ នឹងត្រូវដល់ពេលរៀបចំពិធីកម្ទេចចោលហើយ ប៉ុន្តែអាចមកពីពួកគេធ្វើធ្លាក់ ឬប្រើដៃធ្ងន់ពេក ទើបបណ្តាលឱ្យផ្ទុះបែបនេះ គឺផ្ទុះរាលដាលរហូតដល់ជាង៦០គ្រាប់ រយៈពេលប្រហែលជាង១០នាទី ទើបស្ងាត់ស្នូរផ្ទុះ ។ ក្រៅពីនេះនៅសល់គ្រាប់ជាច្រើនទៀតផងដែរ ដែលមិនទាន់ផ្ទុះ ៕
ចែករំលែកព័តមាននេះ