តារាសម្តែង អ៊ីង អ៊ីង បានចេញមុខបញ្ជាក់ជាថ្មីថា នាងមិនមានបំណង ឬក៏មានចេតនាណាមួយ ធ្វើការបំបែកបំបាក់ទំនាក់ទំនងស្នេហារបស់តារាចម្រៀងលោក ថុល សុភិទិ ជាមួយនឹងគូស្នេហ៍របស់លោកនោះឡើយ។ ការចេញមុខមកបញ្ជាក់ជាថ្មីរបស់តារាសម្តែងស្រីរូបនេះ បានធ្វើឡើង បន្ទាប់ពីនាង
រាជធានីភ្នំពេញ ៖ តារាសម្តែង អ៊ីង អ៊ីង បានចេញមុខបញ្ជាក់ជាថ្មីថា នាងមិនមានបំណង ឬក៏មានចេតនាណាមួយ ធ្វើការបំបែកបំបាក់ទំនាក់ទំនងស្នេហារបស់តារាចម្រៀងលោក ថុល សុភិទិ ជាមួយនឹងគូស្នេហ៍របស់លោកនោះឡើយ។ ការចេញមុខមកបញ្ជាក់ជាថ្មីរបស់តារាសម្តែងស្រីរូបនេះ បានធ្វើឡើង បន្ទាប់ពីនាងបន្តឃើញនូវការជេរប្រមា.ថ និងការស្តីបន្ទោសជាមួយនឹងការដាក់បន្ទុកពីសំណាក់មហាជនទៅលើរូបភាពវីដេអូមួយ ដែលត្រូវបង្ហោះនៅលើបណ្តាញសង្គម ដែលនាងបាននិយាយលេងសើចជាមួយអ្នកដឹកនាំរឿងថា «ឈុតថើបជាមួយ ថុល សុភិទិ នោះ គឺជាការថើបពិតៗ»។
ការនិយាយបែបនេះ ត្រូវបានមហាជន ជាពិសេសបណ្តាអ្នកគាំទ្រតារាចម្រៀងលោក ថុល សុភិទិ ដែលមើលវីដេអូមួយនេះ នាំគ្នាចូលទៅខំមិនជាមួយនឹងការជេរប្រមា.ថ និងចោ.ទប្រកាន់មកលើរូបនាងថា «ជាអ្នកនាំភ្លើង» និងចេតនាបំបែកស្នេហារបស់តារាចម្រៀងរូបនេះ ដោយគ្មានហេតុផល និងមិនបានដឹងរឿងច្បាស់។
យ៉ាងណា រហូតមកទល់នាពេលនេះ តារាសម្តែងនាង អ៊ីង អ៊ីង នៅតែប្រកាន់ជំហររបស់ខ្លួនថា នាងមិនមានចេតនាណាមួយធ្វើការបំបែកបំបាក់ស្នេហារបស់តារាចម្រៀងលោក ថុល សុភិទិ ដូចការចោ.ទប្រកាន់នោះឡើយ។
ស្រីស្អាត អ៊ីង អ៊ីង បានចេញមុខបញ្ជាក់ជាថ្មីថា «អ្នកណាគាត់មិនស្គាល់ខ្ញុំ មិនយល់ពីខ្ញុំ ស្អប់ខ្ញុំ ក៏មិនបានទៅខ្វល់ច្រើនដែរ ជាពិសេសមនុស្សជេរខ្ញុំយ៉ាងណា ក៏ខ្ញុំមិនប្រកាន់វិញទេ ព្រោះមនុស្សខ្ញុំមិនចេះរករឿង និងមានបញ្ហាច្រើន មិនចូលចិត្តឈ្លោះ មិនចូលចិត្តប្រើពាក្យ និងសម្ដីមិនល្អៗ។ អ្នកស្គាល់ខ្ញុំផ្ទាល់នៅក្រៅ គាត់ដឹងហើយ»។
នាងបញ្ជាក់ថា «ខ្ញុំបាននៅស្ងៀមស្ងាត់ហើយ តែមានមនុស្សមួយចំនួនមកថាខ្ញុំ ជេរខ្ញុំថា ខ្ញុំចង់បំបែកបំបាក់ បំបែកបំបាក់យ៉ាងមិច ត្រង់ណាខ្ញុំទាក់ទងគេ? ត្រង់ណាខ្ញុំឃ្លានរបស់គេ? (sorry and No No , its not my type)»។
នាងបញ្ជាក់បន្តថា «ខ្ញុំគិតថា បងៗ អូនៗ ជាមនុស្សចេះអាន ចេះមើល ចេះវិភាគណា ពេលដែលនិយាយអ្វីមួយសុំធ្វើការវិភាគផង ដោយសារតែ video មួយ ដែលមិនមែនខ្ញុំ post video behind the scenes មិនមែនជា video ផ្លូវការបកស្រាយ គ្រាន់តែជា video ថតលេង និង team ការងារដូចរាល់ពេលដែលថត។ អ្នកទាំងអស់គ្នាក៏គិតថា ខ្ញុំឌឺ នាំភ្លើង, និយាយត្រង់ ពេលនោះមិនដឹងរឿងគេឈ្លោះគ្នាទេ ក៏មិនដឹងគេសន្យាអ្វីគ្នាទេ ព្រោះថតជាប់ៗ គ្មានពេលនិងលេងphone ទេ»។
ស្រីស្អាត អ៊ីង អ៊ីង បន្ថែមថា «ខ្ញុំគ្រាន់តែឮ director ប្រាប់គេ share តែមិនដឹងគេខឹងឈ្លោះនោះទេ ខ្ញុំកំពុងនិយាយលេងជាមួយ team work រឿងផ្សេងៗទៀត គាត់ក៏សួរខ្ញុំ គាត់សើចសួរធម្មតា មិនបានបែប seriously អ្វីក៏មិនដឹងពីសភាពរឿងគេ។ ខ្ញុំក៏ឆ្លើយតាមការលេងសើចដូចថតរាល់ដង មិនមានសោះចិត្តចង់ឌឺគេ ព្រោះពេលនោះ ខ្ញុំមិនដឹងរឿងខាងគេម៉េចទេ បងdirector ក៏គាត់មិនដឹងដែរ ចឹងហើយគាត់ថតលេង និយាយលេង ដូចពួកខ្ញុំធ្លាប់ធ្វើថតរាល់ដង»»។
នាងបន្ថែមថា «វាមិនមែនជា video បកស្រាយឌឺ ឬ video ផ្លូវការ បើផ្លូវការមែន គ្មានអ្នកណាទៅលេងសើចចឹងទេ បងប្អូនវិភាគផង ហើយបើផ្លូវការ គួរតែខ្ញុំអ្នក post តែគ្រប់គ្នាមិនបានវិភាគអ្វីដែលគេនិយាយលេង អ្វីគេមែននោះទេ»។
បើតាមស្រីស្អាត អ៊ីង អ៊ីង ថា «ខ្ញុំនិយាយនេះ ចង់ឲ្យមនុស្សមួយចំនួនដែលឆាតមកជេរខ្ញុំ ហើយនឹងដៀ.លថា ខ្ញុំចង់ឌឺ បំបែកបំបាក់គេនោះ ដឹងថាខ្ញុំនៅស្ងៀម ព្រោះមិនចង់មានរឿងវែងឆ្ងាយ។ ជេរអ្វីក៏ជេរទៅ តែមកថា ខ្ញុំចង់បំបែកបំបាក់ ( sorry it’s not my man type)។ ជីវិតខ្ញុំក្រៅពីការងារ រកស៊ី ដើរលេង travel ខ្ញុំមិនចេះដឹងរឿងគេ ឬមិនពាក់ព័ន្ធរឿងអ្នកណាទេ»។
នាងបញ្ជាក់ថា «Post នេះ ក្នុងន័យនិយាយចេញពីចិត្ត ទ្រាំស្ដាប់គេជេរអស់ហើយ តែមិនស្អប់ក៏មិនខឹង ព្រោះមិនបានមានចិត្ត ឬបំណងដូចគេនិយាយ។ ហើយខ្ញុំក៏មិនចេះដើរតួកាច ហើយកំសត់នោះទេ ចឹងកុំមកជេរថា គេត្រូវគ្នាវិញ ទើបមកធ្វើតួរកំសត់ No , please មើលការ post អរគុណបងប្អូនដែលឲ្យកម្លាំងចិត្តខ្ញុំណា។ នេះគ្រាន់ជាការ post និយាយដល់ fan មួយចំនួនដែលនៅមិនយល់។ សង្ឃឹមថា នឹងមិនក្លាយជាប្រធានបទរបស់អ្នកណាគេមួយ។ ចុងក្រោយ នៅតែអរគុណដល់បងប្អូន fan ខ្ញុំ បើគ្មានអ្នកទាំងអស់គ្នាទេ ខ្ញុំគ្មានកម្លាំងចិត្តធ្វើការនោះទេ អរគុណការស្រលាញ់ និងទឹកចិត្តរបស់គ្រប់គ្នាមានសម្រាប់ខ្ញុំណា»។
ជាការកត់សម្គាល់ រឿងរ៉ាវខាងលើនេះ បានក្លាយជាប្រធានបទក្តៅដែលកំពុងតែផ្ទុះការវែកញែកពេញបណ្តាញសង្គម ដោយនៅក្នុងនោះ មានទាំងអ្នកលក់ផលិតតាមអនឡាញល្បីៗ និងអ្នកសិល្បៈមួយចំនួនផងដែរ។
ទោះជាយ៉ាងណា ចុងក្រោយតារាចម្រៀងលោក ថុល សុភិទិ បានបញ្ចេញសារខ្លីមួយថា «បញ្ចប់ទៅ ឈប់បន្តផុសអ្វីទាក់ទងជាមួយរឿងហ្នឹងទៀតទៅ ខ្ញុំសុំចិត្ត ខ្ញុំសុំអង្វរ ខ្ញុំស្ងាត់មិនមែនបានន័យថា ខ្ញុំធ្វើមិនដឹងមិនឮទេ ខ្ញុំគ្រាន់តែមិនចង់និយាយអ្វី បកស្រាយអ្វីច្រើន ខ្លាចនាំតែរឿងកាន់តែវែងឆ្ងាយ តែនេះអស់រយៈពេល៤ថ្ងៃហើយ រឿងមិនទាន់ស្បើយ មានតែទៅមុខ ក្នុងទ្រូងខ្ញុំចង់ប្រេះហើយ ខ្ញុំសុំអង្វរ អ្នកទាំងអស់គ្នា»។
គួររំលឹកថា ៖ ភ្ញាក់ផ្អើល! តារាចម្រៀង ថុល សុភិទិ ត្រូវគូស្នេហ៍ប្រកាសផ្តាច់ទំនាក់ទំនងស្នេហ៍ ក្រោយឃើញរឿងមួយ ។ គួររំលឹកទៀតថា ៖ ស្រីស្អាត អ៊ីង អ៊ីង សារភាពថា នាងក៏ត្រូវសង្សារខឹងដូចគ្នា ក្នុងឈុតឱបថើបជាមួយលោក ថុល សុភិទិ ៕
ចែករំលែកព័តមាននេះ