តារាសម្តែងនាង អ៊ីង អ៊ីង បានសារភាពថា «ឈុតឱបថើបនៅក្នុងភាពយន្តរវាងនាង និងតារាចម្រៀងប្រុសលោក ថុល សុភិទិនោះ នាងក៏រងគ្រោះដោយសារសង្សារនាងមានការប្រចែប្រចណ្ឌខឹងមកលើរូបនាងផងដែរ ពោលគឺមិនខុសពី
រាជធានីភ្នំពេញ ៖ តារាសម្តែងនាង អ៊ីង អ៊ីង បានសារភាពថា «ឈុតឱបថើបនៅក្នុងភាពយន្តរវាងនាង និងតារាចម្រៀងប្រុសលោក ថុល សុភិទិនោះ នាងក៏រងគ្រោះដោយសារសង្សារនាងមានការប្រចែប្រចណ្ឌខឹងមកលើរូបនាងផងដែរ ពោលគឺមិនខុសពីតារាចម្រៀងលោក ថុល សុភិទិ ដែលត្រូវសង្សារប្រចណ្ឌខឹងរឿងនេះដូចគ្នាដែរ»។
តារាសម្តែងសាច់.សខ្ចី ស្រីស្រស់ អ៊ីង អ៊ីង បានបញ្ចេញសារបង្ហោះនៅលើបណ្តាញសង្គមពាក់ព័ន្ធទៅនឹងបញ្ហាខាងលើនេះ ដោយនៅក្នុងនោះនាងបានបញ្ជាក់ថា «ឈុតឱបថើបជាមួយតារាចម្រៀងលោក ថុល សុភិទិ នាពេលនេះ សម្រាប់រូបនាង ក៏មានបញ្ហាជាមួយនឹងគូស្នេហ៍របស់នាងផងដែរ»។
ស្រីស្អាត អ៊ីង អ៊ីង បានលើកឡើងថា «អ្នកយល់ គេនឹងយល់ អ្នកមិនយល់នៅតែមិនយល់ ទោះនិយាយដល់ស្លា.ប់ក៏គ្មានបានអ្វីមកវិញដែរ។ គ្រប់យ៉ាង គឺដើម្បីការងារ វាគ្រាន់តែជាការសម្ដែង។ បើថតកុនមិនមាន scene ស្នេហា scene sweet ថើបអីទេ មិនបាត់ថតកុនម៉ងទៅ»។
នាងបញ្ជាក់ថា «សំខាន់នៅតែជាមនុស្សស្មោះ.ស ការស្រលាញ់ គឺការជឿជាក់ បើគេចង់ថើបគ្នាពិតមែន ឬក្បត់នោះ គេមិនបង្ហាញ video public នោះទេ។ អ្នកណាយល់ពីគ្នា គេនឹងនៅតែស្រលាញ់រាប់អានគ្នា បើអ្នកមិនយល់ មានតែបាត់បែក»។
នាងបញ្ជាក់ទៀតថា «ខ្ញុំខំធ្វើការថតទាំងគ្មានពេលគេងគ្រប់គ្រាន់ ១ថ្ងៃគេងបានតែ៤ម៉ោង ព្រោះចង់បានការងារមានគុណភាព និងល្អ។ សួរថា ហត់ទេ គឺហត់ខ្លាំងណាស់ សឹនតែគ្មានពេលគេង។ ការងារមួយៗមិនស្រួលទេណា សូមគិតក្នុងផ្លូវវិជ្ជមាន គ្រប់យ៉ាងជាសិល្បៈ ជាការងារ ជាការសម្ដែងណា។ សូមអរគុណគ្រប់គ្នា អរគុណដល់អ្នកដែលយល់»។
យ៉ាងណា តាមរយៈខ្លឹមសារដែលនាងបានបង្ហោះខាងលើនេះ បានធ្វើឲ្យមហាជនមួយចំនួនបានចូលទៅខំមិនពីក្រោយ ដោយម្នាក់ៗយល់ថា «អ្វីដែលនាងបានសរសេរនេះ គឺជាការនាំភ្លើងបន្ថែមទៅលើទំនាក់ទំនងស្នេហារបស់លោក ថុល សុភិទិ និងគូស្នេហ៍ ដែលកំពុងតែមានភាពល្អក់កករ ដោយសារតែរឿងមួយនេះ»។ ចំណុចនេះ ស្រីស្អាត អ៊ីង អ៊ីង ក៏បានធ្វើការឆ្លើយតបវិញថា «ខ្ញុំក៏មានបញ្ហានៅខាងខ្លួនឯងដែរ បានខ្ញុំ post។ បញ្ជាក់ ៖ ខ្ញុំបាននៅស្ងៀមហើយ មិនបាន post ឲ្យខាងណាទេ»។
ជាការកត់សម្គាល់ ការលើកឡើងខាងលើនេះពីតារាសម្តែងស្រីស្អាត អ៊ីង អ៊ីង នាពេលនេះ មានន័យថា ឈុតឱបថើបគ្នានៅក្នុងឈុតសម្តែងនេះ មិនមែនមានតែលោក ថុល សុភិទិ នោះទេ ដែលត្រូវសង្សារប្រចណ្ឌខឹង ពោលគឺសម្រាប់រូបនាងក៏ត្រូវបានសង្សារប្រចណ្ឌខឹងដូចគ្នាដែរ។
គួររំលឹកថា ៖ ភ្ញាក់ផ្អើល! តារាចម្រៀង ថុល សុភិទិ ត្រូវគូស្នេហ៍ប្រកាសផ្តាច់ទំនាក់ទំនងស្នេហ៍ ក្រោយឃើញរឿងមួយ ៕
ចែករំលែកព័តមាននេះ