នារីនិស្សិតមកពីខេត្តដាក់ពាក្យធ្វើការងារ ប៉ះចំបុរសម្នាក់ប្រើល្បិ.ចម៉ាស្អាត
- ភ្នំពេញ
រាជធានីភ្នំពេញ ៖ ជនសង្ស័យម្នាក់អាយុជាង៣០ឆ្នាំបានបន្លំមកធ្វើជាបុគ្គលិកក្រុមហ៊ុនទទួល
រាជធានីភ្នំពេញ ៖ ជនសង្ស័យម្នាក់អាយុជាង៣០ឆ្នាំបានបន្លំមកធ្វើជាបុគ្គលិកក្រុមហ៊ុនទទួល
រាជធានីភ្នំពេញ ៖ ជនសង្ស័យម្នាក់អាយុជាង៣០ឆ្នាំបានបន្លំមកធ្វើជាបុគ្គលិកក្រុមហ៊ុនទទួលពាក្យសុំចូលធ្វើការពីនារីវ័យ១៩ឆ្នាំម្នាក់ជិះម៉ូតូចេញពីខេត្ត ដើម្បីមកដាក់ពាក្យធ្វើការក៏ត្រូវជនសង្ស័យប្រើល្បិ.ចបន្លំលួចយកម៉ូតូមួយគ្រឿងយកទៅបាត់ បង្កការភ្ញាក់ផ្អើលម៉ោង១០និង៣០នាទីយប់ថ្ងៃទី២ ខែ កញ្ញា ឆ្នាំ ២០២៣ នៅចំណុចផ្សារ Pencil Super Market ស្ថិតនៅសង្កាត់ចតុមុខ ខណ្ឌដូនពេញ រាជធានីភ្នំពេញ ។
ជនរងគ្រោះមានឈ្មោះ ស្រី នី ភេទស្រី អាយុ១៩ឆ្នាំ មុខរបរនិស្សិត មានទីលំនៅស្រុកខ្សាច់កណ្ដាល ខេត្តកណ្ដាល ។
នារីរងគ្រោះបានរៀបរាប់ប្រាប់អោយដឹងថា កាលពីល្ងាចថ្ងៃទី២ ខែកញ្ញា ឆ្នាំ២០២៣ រូបនាងបានជិះម៉ូតូមួយគ្រឿងម៉ាក HONDA ZOOMER X ពណ៍ទឹកក្រូលាយស ស៊េរីឆ្នាំ២០១៧ ពាក់ស្លាកលេខ ភ្នំពេញ១GJ-៩៤៣៥ ពីស្រុកកំណើតមកភ្នំពេញ បានឃើញក្រុមហ៊ុនលក់កំព្យួរទ័រជ្រើសរើសបុគ្គលិកផ្នែកលក់កំព្យូទ័ រហើយបានមើលឃើញតាមបណ្ដាញសង្គមហ្វេសប៊ុកក៏មកដាក់ពាក្យចូលធ្វើការ ។
នារីរងគ្រោះបានបន្តថា ពេលមកដល់មុខផ្សាររាត្រី សង្កាត់វត្តភ្នំ ខណ្ឌដូនពេញ នាងបានក្រឡែកមើលក្រុមហ៊ុនឃើញមានបុរសអាយុជាង៣០ឆ្នាំម្នាក់ស្លៀកពាក់ស្អាតបាត និងមានពាក់ម៉ាស ទើបមិនអាចចំណាំមុខបានទេនិងដើរមកជិតនាងហើយបានសួរនាំថា ប្អូនរកមើលអ្វីដែរ ។ ពេលនោះនាងក៏មិនដឹងថាជនឆបោកឯណា ក៏ឆ្លើយតាមត្រង់ថារកមើលក្រុមហ៊ុនលក់កំព្យួរទ័រដែលបង្ហោះតាមបណ្ដាញសង្គមជ្រើសរើសបុគ្គលិកផ្នែកលក់ ។ រួចបុរសខាងលើតបមកវិញថាគាត់ជាបុគ្គលិកក្រុមហ៊ុនផ្នែកលក់ តែដោយសារក្រុមហ៊ុនរៀងរាល់ថ្ងៃសៅរ៍តែងតែប្រជុំ ណាមួយមុនជួបសម្ភាស៍តម្រូវឲ្យបុគ្គលិកស្លៀកពាក់និងតុបតែងខ្លួនបានស្អាត ពិសេសនារីតែម្ដងរៀបចងសក់បានត្រឹមត្រូវហើយ។
នារីរងគ្រោះបានបន្តទៀតថា ពេលនោះនាងបានសួរទៅបុរសខាងលើថាតើខ្ញុំគួរធ្វើយ៉ាងម៉េច ។ ជនសង្ស័យឆ្លើយតបថាចាំខ្ញុំជូនទៅផ្សារPencil Super Market ដើម្បីធ្វើសក់រួចក៏អោយជនសង្ស័យជាអ្នកជិះម៉ូតូឌុបនាងមកជាមួយ ដោយមិនសូវស្គាល់ភ្នំពេញផង ពេលមកដល់ផ្សារPencil Super Market បានយកម៉ូតូទៅផ្ញើរនិងទទួលយកសំបុត្រពីជនសង្ស័យត្រឹមត្រូវមកទុកនៅខ្លួនបានដើរទៅលើផ្សារជាន់ទី១ជាមួយជនសង្ស័យហើយបានចូលហាងធ្វើសក់ ។
ក្រោយមកក៏អង្គុយធ្វើសក់ពីម៉ោង៦ជាងល្ងាចដល់ម៉ោង៧និង៣០នាទីយប់ទើបរួចរាល់ ។ តែដូចនាងត្រូវថ្នាំសណ្ដាំ ដឹងខ្លួន តែនិយាយនិងកាយវិកាយមិនចេញ លុះបុគ្គលិកធ្វើសក់អង្រួនខ្លួនខ្លាំងៗទើបនាងដឹងខ្លួនក៏មិនទាន់អោយលុយធ្វើសក់ក៏ប្រញាប់សួរទៅបុគ្គលិកហាងធ្វើសក់ថាបុរសដែលមកជាមួយទៅណាហើយ? បុគ្គលិកឆ្លើយថាឃើញអូនហុចសោនិងសំបុត្រម៉ូតូឲ្យ លុះពេលទៅបន្ទប់ទឹកទើបភ្ញាក់ដឹងខ្លួនរកសំបុត្រនិងសោម៉ូតូមិនឃើញចាប់ផ្ដើមភ័យក៏ប្រញាប់ចេញពីហាងធ្វើសក់យ៉ាងលឿនសំដៅទៅរកមើលម៉ូតូកន្លែងទទួលផ្ញើរបាត់អត់ឃើញម៉ូតូទើបដឹងច្បាស់បុរសដែលអះអាងថាជាបុគ្គលិកក្រុមហ៊ុននិងបានជិះម៉ូតូជូនមកធ្វើសក់គោលបំណងបន្លំលួចយកម៉ូតូខ្លួនសោះ ។ ការពិតម៉ូតូដែលបាត់តាំងម៉ោង៧និង៣០នាទីយប់ដោយខ្លួនភ័.យមិនដឹងថាទៅណាក៏តេទូរស័ព្ទទៅបងប្រុសជីដូនមួយអោយជួយមកកន្លែងកើតហេតុ ។
ក្រោយកើតហេតុ បងប្រុសជីដូនមួយរបស់នារីរងគ្រោះបានមកដល់ម៉ោង១០យប់ទៅហើយ និងបាននាំនាងទៅប្ដឹងសមត្ថកិច្ចប៉ុស្តិ៍រដ្ឋបាលចតុមុខ ខណ្ឌដូនពេញ ដើម្បីធ្វើការស្រាវជ្រាវនិងបង្ក្រាបជនឆបោកបន្លំលួចម៉ូតូផង បើមិនស្រាវជ្រាវបង្ក្រាបទេ និងបន្តឆបោកជាពិសេសអ្នកមកពីជនបទដូចនារីរងគ្ករោះជាដើម ។
នគរបាលប៉ុស្តិ៍ចតុមុខបានស្ដាប់ការរៀបរាប់ពីនារីរងគ្រោះ តែដោយសារយប់ពេក ក៏អោយនារីរងគ្រោះត្រឡប់ទៅផ្ទះបងប្អូនសំរាកសិន ដោយសារពេលនេះម៉ោង១១យប់ ផ្សារបានបិទអស់ដែរ រង់ចាំព្រឹកឡើង និងអញ្ជើញនាងមកប៉ុស្តិ៍ម្ដងទៀត ដើម្បីចង្អុលកន្លែងធ្វើសក់នៅផ្សារPencil Super Marketដើម្បីសាកសួរនាំសាក្សីរកពីភិនភាគជនសង្ស័យ ដើម្បីកំណាត់មុខសញ្ញាបន្លំលួចយកម៉ូតូ ៕
ចែករំលែកព័តមាននេះ