ខេត្តកណ្តាល ៖ ថ្លែងចេញពីទឹកដីខេត្តកណ្តាល នាយករដ្ឋមន្ត្រីថ្មីកម្ពុជាបានគូសបញ្ជាក់យ៉ាងដាច់ណាត់ថា មន្ត្រីរាជការស៊ីវិល និងកងកម្លាំងប្រដា.ប់អាវុ.ធអនុញ្ញាតឲ្យធ្វើជាទីប្រឹក្សា ឬជំនួយការតែមិនអាចមានឋានៈស្មើអ្វីមួយឡើយពោល គឺយកតែតួនាទីតែមួយប៉ុណ្ណោះ ។ ឯកឧត្តម…
ខេត្តកណ្តាល ៖ ថ្លែងចេញពីទឹកដីខេត្តកណ្តាល នាយករដ្ឋមន្ត្រីថ្មីកម្ពុជាបានគូសបញ្ជាក់យ៉ាងដាច់ណាត់ថា មន្ត្រីរាជការស៊ីវិល និងកងកម្លាំងប្រដា.ប់អាវុ.ធអនុញ្ញាតឲ្យធ្វើជាទីប្រឹក្សា ឬជំនួយការតែមិនអាចមានឋានៈស្មើអ្វីមួយឡើយពោល គឺយកតែតួនាទីតែមួយប៉ុណ្ណោះ ។
ឯកឧត្តម មណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជាបានថ្លែងក្នុងពិធីសំណេះសំណាលជាមួយកម្មករកម្មការិនីជិត២ម៉ឺននាក់ នៅខេត្តកណ្តាល នាព្រឹកថ្ងៃទី១ ខែកញ្ញា ឆ្នាំ២០២៣ យ៉ាងដូច្នេះថា ៖«មន្ត្រីនគរបាលជាតិយោធិនដែលកំពុងស្ថិតក្នុងក្របខណ្ឌដែលកន្លងទៅអាចទទួលជាទីប្រឹក្សា ឬជំនួយការមានឋានៈស្មើនេះស្មើនោះយើងសុំលុប» ។
ឯកឧត្តមបានបន្តថា ពេលរើសនេះដំបូងឡើយមានជម្រើពីរទី១. តើយើងត្រូវទុកដដែលជាការសប្បាយហើយមានសុខដុរមនាហើយ ។ សប្បាយចិត្ត ប៉ុន្តែវាពាក់ពាន់ដល់ការដឹកនាំប្រសិទ្ធភាពស្ថាប័ន ។ ទី២.អីញ្ចឹងជម្រើសមួយទៀត គឺអាលកាត់តែម្តង គឺអ្នកដែលជាមន្ត្រីរាជ ការស៊ីវិលកងកម្លាំងប្រដា.ប់អាវុធមិនឲ្យតែងតាំងជាទីប្រឹក្សា ឬជំនួយការជាដាច់ខាត ។
ឯកឧត្តមលើកឡើងថា ខ្ញុំជ្រើសរើសយក គឺកាតែងតាំងទីប្រឹក្សា ឬជំនួយការរបស់នាយករដ្ឋមន្ត្រីឧបកនាយករដ្ឋមន្ត្រី ទេសរដ្ឋមន្ត្រី ឬក្រសួងស្ថាប័នអាចនៅបន្តធ្វើចំពោះមន្ត្រីរាជការ ស៊ីវិល កងកម្លាំងប្រដាប់អាវុ.ធគាត់មានជម្រើស២ គឺបើគាត់ចង់បានងារជារដ្ឋលេខាធិការ ឋានៈស្មើគាត់ ត្រូវដាក់ក្រៅក្របខណ្ឌការងាររបស់គាត់មានន័យថា គាត់លែងជាប្រធាននាយករដ្ឋានទៀតហើយ គាត់ត្រូវមកធ្វើទីប្រឹក្សាមានឋានៈស្មើរដ្ឋមន្ត្រី ឬរដ្ឋលេខាធិការ តែបើគាត់ចង់រក្សាប្រអប់ គាត់សុំឲ្យគាត់យកតួនាទីជាទីប្រឹក្សាបានហើយ ដោយមិនយកឋានៈស្មើ ។ ការធ្វើបែបនេះក៏នៅតែជាការលើកទឹកចិត្តដល់មន្ត្រីនោះដែរ ។
ឯកឧត្តមបន្តថា ចំពោះមន្ត្រីនយោបាយដែលនៅក្រៅក្របខណ្ឌ មិនស្ថិតក្នុងតួនាទីនេះ តួនាទីនោះ ឬគាត់មានតួនាទីនយោបាយនៅក្នុងក្រសួងហើយដូចជា រដ្ឋលេខាធិការ គាត់ទទួលជាទីប្រឹក្សា ហើយអាចមានឋានៈស្មើបាន ។
ឯកឧត្តមបានគូសបញ្ជាក់ថា ៖«យើងយកការកាត់នេះ មានន័យថា អ្នកដែលធ្លាប់បានតួនាទី២ ឥឡូវនេះត្រូវរើសមួយ ឬបាន៣ត្រូវរើស២ «…» ការធ្វើយ៉ាងនេះ ដើម្បីធានាបាននូវយុត្តិធម៌នូវការលើកទឹកចិត្ត សម្រាប់មន្ត្រីកំពុងធ្វើការនៅក្នុងក្របខណ្ឌ »។
ជាមួយគ្នានោះដែរ ឯកឧត្តមនាយករដ្ឋមន្ត្រីបានលើកឡើងថា ចំពោះមន្ត្រីរាជការនៅក្រៅក្របខណ្ឌនៅតែរក្សាទទួលបានតួនាទីបានដូចពីមុន ដោយអាចតែងតាំងជាទីប្រឹក្សាជំនួយមិនអាចប៉ះពាល់អ្វីទេ ។ និងបុគ្គលឯកជនក៏នៅទទួលបានធ្វើការទីប្រឹក្សានាយករដ្ឋមន្ត្រី ឧបក នាយករដ្ឋមន្ត្រី រដ្ឋមន្ត្រីក្រសួងស្ថាប័ននានាបានដដែល ៕
ចែករំលែកព័តមាននេះ