ADផ្ទាំងផ្សព្វផ្សាយពាណិជ្ជកម្ម

Picture

វៀតណាម​ចា.ប់.ខ្លួ.ន​បុរស​ម្នាក់​ក្លែង​ខ្លួន​ជា​លោក​សង្ឃ​លួ.ច​យក​មាស​មិន​ចេះ​តិច​ពី​ក្នុង​ទូ​កញ្ចក់​

10 ខែ មុន

បុរស​ម្នាក់​ក្លែង​ខ្លួន​ជា​លោក​សង្ឃ​បន្លំ​ចូល​ទៅ​ក្នុង​ហាង​លក់​មាស​នៅ​ខេត្ត​ប៊ិញឌិញ (Binh Dinh) និង​លួច​​គ្រឿង​អលង្ការ​​បាន​មួយ​ចំនួន​។ បន្ទាប់​មក​ គាត់​ត្រូវ​សមត្ថ​កិច្ច​ចាប់​ខ្លួន​បាន​។ បុរស​ឈ្មោះ​ង្វៀន​វ៉ាន់ស៊ី អាយុ​២៥​ឆ្នាំ ត្រូវ​បាន​ចោទ​ប្រកាន់​ពី​បទ​ប្លន់​។ ប៉ុន្តែ​ស្នង​ការ​រង​​នគរ​បាល​ខេត្ត​ប៊ិញឌិញ​ថ្លែង​ថា​អាជ្ញាធរ​សង្ស័យ​ថា​បុរស​ម្នាក់​នេះ​មាន​សតិ​​ខុស​ប្រក្រតី​។​…

បុរស​ម្នាក់​ក្លែង​ខ្លួន​ជា​លោក​សង្ឃ​បន្លំ​ចូល​ទៅ​ក្នុង​ហាង​លក់​មាស​នៅ​ខេត្ត​ប៊ិញឌិញ (Binh Dinh) និង​លួច​​គ្រឿង​អលង្ការ​​បាន​មួយ​ចំនួន​។ បន្ទាប់​មក​ គាត់​ត្រូវ​សមត្ថ​កិច្ច​ចាប់​ខ្លួន​បាន​។ បុរស​ឈ្មោះ​ង្វៀន​វ៉ាន់ស៊ី អាយុ​២៥​ឆ្នាំ ត្រូវ​បាន​ចោទ​ប្រកាន់​ពី​បទ​ប្លន់​។ ប៉ុន្តែ​ស្នង​ការ​រង​​នគរ​បាល​ខេត្ត​ប៊ិញឌិញ​ថ្លែង​ថា​អាជ្ញាធរ​សង្ស័យ​ថា​បុរស​ម្នាក់​នេះ​មាន​សតិ​​ខុស​ប្រក្រតី​។​ ក្រោយ​មក​ គេ​បាន​បញ្ជូន​គាត់​ទៅ​ពេទ្យ​វិកល​ចរិត​ដើម្បី​ពិនិត្យ​បញ្ហា​ផ្លូវ​ចិត្ត​។

កាល​ពី​ថ្ងៃ​ទី​២៦ ខែ​សីហា​កន្លង​ទៅ​នេះ បុរស​ឈ្មោះស៊ី​បាន​ធ្វើ​ដំណើរ​ចម្ងាយ​១៧០​គីឡូម៉ែត្រ​ពី​ខេត្ត​ដាក់​ឡាក់​​នៃ​ដែន​ដី​​វៀត​ណាម​​កណ្ដាល​ដែល​ជា​តំបន់​ភ្នំ​ សំ​ដៅ​ទៅ​វត្ត​អារាម​មួយ​កន្លែង​នៃ​ខេត្ត​ប៊ិញឌិញ​ដើម្បី​សាង​ផ្នួស​ជា​ព្រះ​សង្ឃ​។ នៅ​ពេល​ទៅ​ដល់​វត្ត​​នោះ, គាត់​ក៏​សូម​ឱ្យ​គេ​កោរ​សក់​ក្បាល​របស់​គាត់​។ ប៉ុន្តែ​បុរស​នេះ​បង្ហាញ​អាកប្ប​កិរិយា​ហាក់​ដូច​ជា​មិន​ស្រួល​​ទាល់​តេ​សោះ​។ ដូច​នេះ ព្រះ​សង្ឃ​នៅ​ក្នុង​វត្ត​ក៏​នាំ​គាត់​ឡើង​ទៅ​ផ្លូវ​ហាយវ៉េ​​​១៩​ដើម្បី​ឱ្យ​គាត់​ជិះ​​តាក់​ស៊ី​ត្រឡប់​ទៅ​ផ្ទះ​របស់​គាត់​វិញ​​។​

ប៉ុន្តែ​គាត់​មិន​បាន​​វិល​ត្រឡប់​ទៅ​ខេត្ត​ដាក់​ឡាក់​វិញ​ទេ​។ កាល​ពី​ថ្ងៃ​អង្គារ​, ​គាត់​ដើរ​តាម​ផ្លូវ​ហាយ​វ៉េ​លេខ​​១​អា (1A) ដោយ​គ្រង​ស្បង់​ចីពរ​ជា​លោក​សង្ឃ​។ គាត់​ក៏​ដើរ​ចូល​ទៅ​ក្នុង​ហាង​លក់​មាស់​នៅ​តាម​បណ្ដោយ​ផ្លូវ​ត្រាន់ហ៊្វូ (Tran Phu)។ រួច​គាត់​​​វាយ​បំបែក​ទូ​កញ្ចក់​​ដើម្បី​​​យក​គ្រឿង​អលង្ការ​មួយ​ចំនួន មុន​ពេល​រត់​គេច​ខ្លួន​។​ ហេតុ​ការណ៍​​នេះ​​កើត​ឡើង​លឿន​​មែន​ទែន​ត្រឹម​តែ​​​១​ប៉​ប្រិច​ភ្នែក​ប៉ុណ្ណោះ​។​ ម្ចាស់​ហាង​ និង​អ្នក​ជិត​ខាង​​​ដេញ​តាម​​គាត់ និង​ដណ្ដើម​​បាន​​​របស់​របរទាំង​នេះ​ត្រឡប់​មក​វិញ​​​៕​

ប្រភព៖ Vietnam Express
https://e.vnexpress.net/news/news/man-poses-as-monk-robs-jewelry-store-4647896.html ​​

អត្ថបទសរសេរ ដោយ

កែសម្រួលដោយ