ខេត្តបន្ទាយមានជ័យ ៖ ប្រជាកសិករប្រុសស្រីចំនួន៣នាក់បានស្លា.ប់នៅក្នុងចម្ការដំឡូង ដោយសាររន្ទះបា.ញ់ ។ ហេតុការណ៍ដ៏រន្ធត់នេះបានកើតឡើងនៅវេលាម៉ោង១០និង៣៥នាទីព្រឹក ថ្ងៃទី១២ ឧសភា ឆ្នាំ២០១១ នៅចំណុចស្ពានផ្តាច់ស្នេហ៍ ស្ថិតក្នុងភូមិល្វា ឃុំបឹងបេង ស្រុកម៉ាឡៃ
ខេត្តបន្ទាយមានជ័យ ៖ ប្រជាកសិករប្រុសស្រីចំនួន៣នាក់បានស្លាប់នៅក្នុងចម្ការដំឡូង ដោយសាររន្ទះបាញ់ ។ ហេតុការណ៍ដ៏រន្ធត់នេះបានកើតឡើងនៅវេលាម៉ោង១០និង៣៥នាទីព្រឹក ថ្ងៃទី១២ ឧសភា ឆ្នាំ២០១១ នៅចំណុចស្ពានផ្តាច់ស្នេហ៍ ស្ថិតក្នុងភូមិល្វា ឃុំបឹងបេង ស្រុកម៉ាឡៃ ។
តាមសេចក្តីរាយការណ៍របស់សមត្ថកិច្ចនគរបាលឱ្យដឹងថា ជនរងគ្រោះទាំងបីនាក់ ១-ឈ្មោះមាស ស៊ីណាត ភេទស្រី អាយុ៤៧ឆ្នាំ ២-ឈ្មោះមាស រ៉ែន ភេទស្រី អាយុ៤១ឆ្នាំ ទាំង២នាក់ជាបងប្អូនបង្កើតនឹងគ្នា និង៣-ឈ្មោះទើយ ម៉ៅ ភេទប្រុស អាយុ២០ឆ្នាំ ជាកូនប្រសារបស់ឈ្មោះមាស រ៉ែន ។ ជនរងគ្រោះទាំង៣នាក់រស់នៅភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។
សេចក្តីរាយការណ៍នោះបានបន្តទៀតថា មុនពេលកើតហេតុមានភ្លៀងធ្លាក់ និងផ្គររន្ទះយ៉ាងខ្លាំង ពេលនោះជនរងគ្រោះទាំង៣នាក់ កំពុងបោចស្មៅដំឡូងក្នុងចម្ការ ស្រាប់តែត្រូវរន្ទះបាញ់ចំនួន៣គ្រាប់ផ្ទួនៗគ្នា បណ្តាលឱ្យជនរងគ្រោះ២នាក់ ម្នាក់ឈ្មោះមាស ស៊ីណាត និងម្នាក់ទៀតឈ្មោះទើយ ម៉ៅ ស្លាប់ភ្លាមនៅនឹងកន្លែង ចំណែកស្ត្រីឈ្មោះមាស រ៉ែន បានស្លាប់ ខណៈពេលដឹកមកដល់មន្ទីរពេទ្យបង្អែកស្រុកម៉ាឡៃ ។ តាមការត្រួតពិនិត្យលើរាងកាយគេឃើញជនរងគ្រោះត្រូវប្រេះស្រាំលលាដ៍ក្បាល និងរយះស្លឹកត្រចៀក ។
លោកអនុសេនីយ៍ឯក ដួង ទុំ អធិការរងស្រុកម៉ាឡៃ បាននិយាយថា សពជនរងគ្រោះ ទាំង៣នាក់ត្រូវបានយកទៅធ្វើបុណ្យរួមគ្នានៅផ្ទះរបស់លោកជិន វុទ្ធី អនុប្រធានការិយាល័យអប់រំស្រុកម៉ាឡៃ ៕
ចែករំលែកព័តមាននេះ