RFEF ស្វែងរកជម្រើសបណ្តេញគ្រូបង្វឹកក្រុមនារី ដែលទើបតែឈ្នះពាន World Cup 2023
អេស្ប៉ាញ ៖ សហព័ន្ធកីឡាបាល់ទាត់ប្រទេសអេស្ប៉ាញ កំពុងស្វែងរកជម្រើសរបស់ខ្លួនថា តើខ្លួនគួរ
អេស្ប៉ាញ ៖ សហព័ន្ធកីឡាបាល់ទាត់ប្រទេសអេស្ប៉ាញ កំពុងស្វែងរកជម្រើសរបស់ខ្លួនថា តើខ្លួនគួរ
អេស្ប៉ាញ ៖ សហព័ន្ធកីឡាបាល់ទាត់ប្រទេសអេស្ប៉ាញ កំពុងស្វែងរកជម្រើសរបស់ខ្លួនថា តើខ្លួនគួរបណ្តេញលោក Jorge Vilda គ្រូបង្វឹកក្រុមជម្រើសជាតិនារី ដែលទើបតែឈ្នះពានរង្វាន់បាល់ទាត់ពិភពលោកថ្មីៗនេះ ដែរឬទេ?
លោក Vilda នៅតែស្ថិតក្នុងតំណែងដដែល បើទោះបីជាក្រុមបុគ្គលិកគ្រូបង្វឹកភាគច្រើនរបស់គាត់បានលាលែងពីតួនាទីពួកគេ ដើម្បីតវ៉ាប្រឆាំងនឹងការបដិសេធលាលែងពីតំណែងជាប្រធានសហព័ន្ធបាល់ទាត់អេស្ប៉ាញរបស់លោក Luis Rubiales ដែលបានបង្ករឿងដ៏ចម្រូងចម្រាសកក្រើកប្រទេស ក្រោយទៅថើបមាត់កីឡាការិនី Jenni Hermoso បន្ទាប់ពីក្រុមនារីអេស្ប៉ាញឈ្នះពានរង្វាន់ World Cup ឆ្នាំ២០២៣ នៅប្រទេសអូស្ត្រាលី កាលពីថ្ងៃទី២០ ខែសីហា កន្លងទៅ។
កីឡាករ-កីឡាការិនីអេស្ប៉ាញចំនួន៨១នាក់ រួមទាំងសមាជិកក្រុមទាំង២៣នាក់ ដែលឈ្នះជើងឯក World Cup ឆ្នាំ២០២៣ ក៏បានចូលរួមតវ៉ាផងដែរថា ពួកគេនឹងមិនលេងឱ្យក្រុមម្តងទៀតទេ ប្រសិនបើលោក Rubiales បន្តកាន់តំណែង។
លោក Vilda ត្រូវបានគេប្រទះឃើញអបអរលោក Rubiales ក្នុងសន្និបាតវិសាមញ្ញរបស់សហព័ន្ធអេស្ប៉ាញ ដែលហៅកាត់ថា RFEF កាលពីថ្ងៃសុក្រសប្តាហ៍មុន នៅពេល Rubiales បានទទូចម្តងហើយម្តងទៀតថា គាត់នឹងមិនលាលែងពីតំណែងទេ បើទោះបីជាលោក Vilda បានរិះគន់អាកប្បកិរិយារបស់គាត់យ៉ាងណាក៏ដោយ។ ដូច្នេះហើយ RFEF ជឿថា រឿងកើតឡើងកន្លងមកទាំងអស់ ដែលរួមបញ្ចូលគ្នាអាចផ្តល់ឱ្យពួកគេនូវករណីគ្រប់គ្រាន់ ដើម្បីបណ្តេញលោកគ្រូបង្វឹល Vilda ចេញពីតំណែង ។
បណ្តាមេដឹកនាំប្រចាំតំបន់របស់ RFEF បានបើកកិច្ចប្រជុំវិសាមញ្ញជាមួយលោក Pedro Rocha ដែលជាប្រធានបណ្ដោះអាសន្ន កាលពីថ្ងៃទី២៨ ខែសីហា កន្លងទៅ ជាកន្លែងដែលពួកគេបានអំពាវនាវឱ្យរៀបចំរចនាសម្ព័ន្ធសហព័ន្ធឡើងវិញ ដើម្បីចាប់ផ្តើមយុគសម័យថ្មី។ ទោះជាយ៉ាងណាក៏ដោយ មួយភាគបីនៃប្រធានសមាគមបាល់ទាត់ក្នុងស្រុកមិនចង់រុញលោក Rubiales ចេញពីតំណែងនោះទេ ដូច្នេះពួកគេបានត្រឹមតែចេញសេចក្តីថ្លែងការណ៍អំពាវនាវឱ្យគាត់លាលែងពីតំណែងដោយខ្លួនឯង ដែលរហូតមកដល់ពេលនេះ បុរសវ័យ៤៦ឆ្នាំរូបនេះ បានបដិសេធ។
គួររំលឹកថា លោក Rubiales រងការរិះគន់ដូចទឹកបាក់ទំនប់ពីសំណាក់បណ្តាថ្នាក់ដឹកនាំកំពូលៗ នៃរដ្ឋាភិបាលអេស្ប៉ាញ រួមនឹងមហាជន បន្ទាប់ពីបានទៅថើបមាត់កីឡាការិនី Hermoso អាយុ៣៣ឆ្នាំ អំឡុងពេលពិធីបំពាក់មេដាយមាសជូនម្ចាស់ជើងឯក World Cup ឆ្នាំ ២០២៣ ដែលក្រោយមក Hermoso លេងក្នុងតំណែងខ្សែប្រយុទ្ធ បាននិយាយថា ការថើបរបស់លោក Rubiales លើបបូរមាត់របស់នាង គឺមិនមែនជាការយល់ព្រមនោះទេ។ បើទោះបីជាលោក Rubiales ចេញមុខសុំទោសជាសាធារណៈ និងបញ្ជាក់ថាជាការថើបដោយអចេតនា ដោយសារតែការរំភើបខ្លាំងពេកយ៉ាងណាក៏ដោយ ក៏មិនអាចបញ្ឃប់សកម្មភាពតវ៉ាបានឡើយ។
ពាក់ព័ន្ធបញ្ហានេះ រដ្ឋអាជ្ញាអេស្ប៉ាញបានបើកការស៊ើបអង្កេតបឋមមួយថា តើរឿងហេតុនោះទាក់ទងនឹងឧក្រិដ្ឋកម្មនៃការរំលោ.ភបំពា.នផ្លូវភេ.ទ ដែរឬទេ? ខណៈដែលលោក Rubiales ត្រូវបានផ្អាកការងារ កាលពីថ្ងៃសៅរ៍សប្តាហ៍មុន ដោយសហព័ន្ធបាល់ទាត់ពិភពលោក ដែលហៅកាត់ថា FIFA ៕ (ប្រភពពី BBC)
ចែករំលែកព័តមាននេះ