ក្រុងប៉ោយប៉ែត ៖ បុរសចំណាស់ម្នាក់ត្រូវសមត្ថកិច្ចប៉ូលិសក្រុងប៉ោយប៉ែតឃាត់ខ្លួនដោយចោទប្រកាន់ពីបទបង្ករបួសស្នាមទៅលើស្ត្រីរងគ្រោះឈ្មោះសៅ ឈឿន អាយុ៥៤ឆ្នាំ រស់នៅភូមិគីឡូម៉ែត្រលេខ៤ សង្កាត់ប៉ោយប៉ែត។ តាមការបំភ្លឺពីសមត្ថកិច្ចបានឱ្យដឹងថា បុរសចំណាស់ដែលឃាត់ខ្លួននោះឈ្មោះជ័យ ម៉េត អាយុ៥១ឆ្នាំ រស់នៅជាមួយជនរងគ្រោះ
ក្រុងប៉ោយប៉ែត ៖ បុរសចំណាស់ម្នាក់ត្រូវសមត្ថកិច្ចប៉ូលិសក្រុងប៉ោយប៉ែតឃាត់ខ្លួនដោយចោទប្រកាន់ពីបទបង្ករបួសស្នាមទៅលើស្ត្រីរងគ្រោះឈ្មោះសៅ ឈឿន អាយុ៥៤ឆ្នាំ រស់នៅភូមិគីឡូម៉ែត្រលេខ៤ សង្កាត់ប៉ោយប៉ែត។
តាមការបំភ្លឺពីសមត្ថកិច្ចបានឱ្យដឹងថា បុរសចំណាស់ដែលឃាត់ខ្លួននោះឈ្មោះជ័យ ម៉េត អាយុ៥១ឆ្នាំ រស់នៅជាមួយជនរងគ្រោះ បុរសចំណាស់រូបនេះត្រូវបានឃាត់ខ្លួនកាលពីវេលាម៉ោង៦និង១០នាទីល្ងាចថ្ងៃទី៥ ឧសភា នៅចំណុចភូមិខាងលើខណៈពេលបុរសចំណាស់រូបនោះបង្ករបួសស្នាមទៅលើស្ត្រីរងគ្រោះបណ្តាលឱ្យជាំភ្នែកមួយចំហៀងខាងស្តាំធ្ងន់ធ្ងរ ។
តាមព័ត៌មានពីលោកអនុសេនីយ៍ទោព្រហ្ម ពិសិដ្ឋ នាយផ្នែកព្រហ្មទណ្ឌក្រុងប៉ោយប៉ែត បានឱ្យដឹងថា បុរសចំណាស់រូបនេះពុំបានឆ្លើយសារភាពពីកំហុសឆ្គងនោះឡើយ តែចំពោះសមត្ថកិច្ចប៉ូលិសដែលបានចុះទៅត្រួតពិនិត្យជាក់ស្តែងនៅកន្លែងកើតហេតុឃើញស្នាមរបួសរបស់ស្ត្រីរងគ្រោះនោះមានស្នាមជាំភ្នែកដោយសារតែបុរសចំណាស់រូបនោះបានវាយ ។
លោកអនុសេនីយ៍ឯក អ៊ុំ សុផល អធិការក្រុងប៉ោយប៉ែត បានឱ្យដឹងថា ចំពោះបុរសចំណាស់នោះ សមត្ថកិច្ចឃាត់ខ្លួនទៅតាមពាក្យបណ្តឹងជនរងគ្រោះចោទប្រកាន់ពីបទប្រើអំពើហិង្សានិងបង្ករបួសស្នាម ដូច្នេះសមត្ថកិច្ចរបស់លោក ត្រូវតែកសាងសំណុំរឿងបញ្ជូនជនសង្ស័យទៅតុលាការដើម្បីចាត់ការតាមនីតិវិធី ៕
ចែករំលែកព័តមាននេះ