ខេត្តកំពត ៖ លោកអូន ខន អភិបាលស្រុកកំពង់ត្រាច បានមានប្រសាសន៍ថា ការដាំកូនត្នោតជាង១ម៉ឺនដើម កាលពីឆ្នាំ២០២២កន្លងមកនៅតាមខ្សែក្រវ៉ាត់ព្រំដែនស្ថិត ក្នុងភូមិព្រែកក្រឹស ស្រុកកំពង់ត្រាច…
ខេត្តកំពត ៖ លោកអូន ខន អភិបាលស្រុកកំពង់ត្រាច បានមានប្រសាសន៍ថា ការដាំកូនត្នោតជាង១ម៉ឺនដើម កាលពីឆ្នាំ២០២២កន្លងមកនៅតាមខ្សែក្រវ៉ាត់ព្រំដែនស្ថិត ក្នុងភូមិព្រែកក្រឹស ស្រុកកំពង់ត្រាច ខេត្តកំពត ឥឡូវនេះសល់តែ30ភាគរយទេ សល់ពីនោះ វាងាប់ និងត្រូវគោស៊ី ។
លោកអូន ខន អភិបាលស្រុកបានមានប្រសាសន៍ កាលពីព្រឹកថ្ងៃទី25 សីហា ឆ្នាំ2023 នៅលើខ្នងទំនប់អន្លង់ព្រីងកន្លែងអភិរក្សសត្វក្រៀល ក្នុងភូមិកោះចម្ការ ឃុំបឹងសាលាខាងត្បូង ស្រុកកំពង់ត្
ខណៈពេលលោកដឹកនាំកំលាំង រួមទាំងមន្ត្រីពាក់ព័ន្ធ និងកូនសិស្សសាលាមកដាំកូនឈើ និងដាំគ្រាប់ត្នោតបន្តទៀត នៅអមសង់ខាងផ្លូវអន្លង់ព្រីង ។
លោកអូន ខន មានប្រសាសន៍ថា ការដាំដើមត្នោតនៅព្រឹកថ្ងៃទី25 សីហា នេះ ស្ថិតនៅភូមិកោះចម្ការនេះ មានគ្រាប់ត្នោតចំនួន៤ពាន់គ្រាប់ និងកូនឈើចម្រុះមានចំនួន៧០០ដើម ដើម្បីទុកជាប្រវត្តិសាស្ត្រតកូនតចៅគ្រប់ជំនាន់ក្រោយ។
លោកអូន ខន អភិបាលស្រុកកំពង់ត្រាច បានមានប្រសាសន៍ថា ការដាំកូនត្នោតនៅតាមខ្សែក្រវ៉ាត់ព្រំដែនកន្លងមក ជាង១ម៉ឺនដើម គឺនៅសល់តែ30%តែប៉ុណ្ណោះ និង70%ទៀត វាបានងាប់ និងត្រូវគោស៊ី ។លោកអូន ខន បានអោយកងកំលាំងវរសេនាតូច601នគរបាលការពារព្រំដែន និងកងទាហានវរសេនាតូចលេខ2 ការពារព្រំដែនគោល ជួយការពារថែមើលឡើងវិញ និងមន្ត្រីរដ្ឋបាលព្រៃឈើជួយទៅដាំនិងស្រោចទឹក ។
លោកអូន ខន បានអំពាវនាវដល់អង្គការនានា និងក្រុមហ៊ុន សហការជាមួយអាជ្ញាធរមូលដ្ឋាន និងប្រជាពលរដ្ឋចូលរួមដាំកូនឈើឱ្យបានគ្រប់គ្នា ជាពិសេស កូនត្នោតជាអត្តសញ្ញាណរបស់ខ្មែរយើងនៅតាមព្រំដែន ។
ចែករំលែកព័តមាននេះ