ADផ្ទាំងផ្សព្វផ្សាយពាណិជ្ជកម្ម

2ខែក្រោយការរញ្ជួយដី និងស៊ូណាមីព្រះចៅអធិរាជជប៉ុនយាងសួរសុខទុក្ខបណ្តាអ្នកភៀសខ្លួន

14 ឆ្នាំ មុន

១២ ខែ ឧសភា ឆ្នាំ ២០១១ ម៉ោង ០៤:០៤

ព្រះចៅអធិរាជជប៉ុនបានយាងកាលពីថ្ងៃទី១១ ឧសភា ជាលើកដំបូងទៅកាន់តំបន់ហ្វូគូស៊ី ម៉ា ដើម្បីសាកសួរសុខទុក្ខបណ្តាជនភៀសខ្លួន២ខែក្រោយការរញ្ជួយដីនិងស៊ូណាមី ដែលបណ្តាលឱ្យមានគ្រោះថ្នាក់នុយក្លែអ៊ែរយ៉ាងអាក្រក់បំផុតមួយ បន្ទាប់ពីគ្រោះមហន្តរាយនុយក្លេអ៊ែរនៅ TCHERNOBY កាលពី២៥ឆ្នាំមុនមក ។ ជានិមិត្តរូបនៃឯកភាពរបស់ប្រជាជនជប៉ុន ព្រះចៅអធិរាជអាគីហ៊ីតូ បានយាងជាមួយព្រះអធិរាជនី ទៅកាន់មជ្ឈមណ្ឌលជម្លៀសមនុស្សមួយស្ថិតនៅជិតទីក្រុងហ្វូគូស៊ីម៉ា ស្ថិតនៅចម្ងាយ៦០គីឡូម៉ែត្រ ពីមជ្ឈមណ្ឌលនុយក្លេអ៊ែរហ្វូគូស៊ីម៉ាដាយអ៊ីជី ។ នៅមជ្ឈមណ្ឌល ជនភៀសខ្លួននេះ ព្រះចៅអាគីហ៊ីតូ និងព្រះអធិរាជនី ប៉ុនប៉ងជួបជាមួយជនភៀសខ្លួនប្រមាណជា៦០០នាក់ ដែលប្រញាប់ប្រញាល់ចាកចេញពីលំនៅឋានរបស់ពួកគេដែលស្ថិតនៅជុំវិញមជ្ឈមណ្ឌលនុយក្លេអ៊ែរហ្វូគីស៊ីម៉ា ដែលមានធ្លាយវិទ្យុសកម្ម។
ព្រះចៅអធិរាជជប៉ុនអាគីហ៊ីតូ និងព្រះអធិរាជនី មីជីកូ ធ្លាប់យាងទៅកាន់តំបន់ដទៃទៀតរួចហើយ ជួបជាមួយប្រជាជនព្រះអង្គដែលរងការប៉ះពាល់ដោយការរញ្ជួយដីកម្លាំង៩រីស្ទ័រ និងស៊ូណាមីយ៉ាងធំនៅភាគឦសានប្រទេសកាលពីថ្ងៃទី១១ មីនា កន្លងមកនេះ បណ្តាលឱ្យមនុស្សស្លាប់រាប់ម៉ឺននាក់ ។ ក៏ប៉ុន្តែលើកនេះជាលើកដំបូងដែលព្រះអង្គយាងមកសាកសួរសុខទុក្ខបណ្តាជនដែលភៀសខ្លួនចេញពីតំបន់ជុំវិញមជ្ឈ មណ្ឌលនុយក្លេអ៊ែរហ្វូគូស៊ីម៉ា ដែលមានធ្លាយវិទ្យុសកម្មប្រមាណជា៨៥.០០០នាក់ ៕

ADផ្ទាំងផ្សព្វផ្សាយពាណិជ្ជកម្ម

អត្តបទផ្សេងៗទៀត