រាជធានីភ្នំពេញ ៖ រថយន្ដកូរ៉េដឹកទឹកកក១គ្រឿងបានបោលបុករបាំងចែកផ្លូវពេញទំហឹង បណ្ដាលឱ្យខ្ទេចផ្នែកខាងមុខ ប៉ុន្ដែមិនបណ្ដាលឱ្យរងរបួសដល់មនុស្សជិះលើរថយន្ដទេ ។ ករណីនេះកើតទ្បើងនៅវេលាម៉ោង២រំលងអធ្រាត្រថ្ងៃទី១១ ឧសភា នៅមុខវត្ដទឹកថ្លាតាមដងមហាវិថីសហព័ន្ធរុស្ស៊ីក្នុងសង្កាត់ទឹកថ្លា ខណ្ឌសែនសុខ
រាជធានីភ្នំពេញ ៖ រថយន្ដកូរ៉េដឹកទឹកកក១គ្រឿងបានបោលបុករបាំងចែកផ្លូវពេញទំហឹង បណ្ដាលឱ្យខ្ទេចផ្នែកខាងមុខ ប៉ុន្ដែមិនបណ្ដាលឱ្យរងរបួសដល់មនុស្សជិះលើរថយន្ដទេ ។ ករណីនេះកើតទ្បើងនៅវេលាម៉ោង២រំលងអធ្រាត្រថ្ងៃទី១១ ឧសភា នៅមុខវត្ដទឹកថ្លាតាមដងមហាវិថីសហព័ន្ធរុស្ស៊ីក្នុងសង្កាត់ទឹកថ្លា ខណ្ឌសែនសុខ ។
អ្នកបើកបរនិយាយថា ការបុករបាំងចែកផ្លូវមកពីគេបើករថយន្ដគេចម៉ូតូ១គ្រឿងដែលជិះបញ្ច្រាសគ្នា ខណៈពេលបម្រុងបត់ឆ្វេង ប៉ុន្ដែប៉ូលិសដែលទៅដល់កន្លែងកើតហេតុសន្និដ្ឋានថាមកពីបើកលឿន ទើបជ្រុលចង្កូតទៅបុករបាំងចែកផ្លូវបណ្ដាលឱ្យរបេះខ្ទាតចេញពីគ្នាចំនួន២ផ្ទាំង ព្រមទាំងបណ្ដាលឱ្យរបាំងថ្មចំនួន១០ទៀត ត្រូវប្រេះ ។ អ្នកបើកបរបន្ដថា គេបើករថយន្ដពីកើតទៅលិច ស្រាប់តែដល់ចំណុចកើតហេតុមានម៉ូតូ២គ្រឿង១គ្រឿងជិះបញ្ច្រាស និង១គ្រឿងទៀតជិះស្របទិសគ្នា ហើយនៅពេលគេប្រុងបត់រថយន្ដ ក៏វាក់នឹងម៉ូតូទាំង២នោះបណ្តាលឱ្យជ្រុលចង្កូតទៅបុករបាំងចែកផ្លូវតែម្ដង ។
អ្នកបើកបរឈ្មោះហ៊ាង ចាន់ណា ភេទប្រុស អាយុ២៦ឆ្នាំមានទីលំនៅនៅស្រុកព្រៃឈរខេត្ដកំពង់ចាម សព្វថ្ងៃបើករថយន្ដដឹកទឹកកកឱ្យថៅកែឈ្មោះគ្រីនៅទួលសង្កែ ខណ្ឌប្ញស្សីកែវ ។ រថយន្ដបង្កត្រូវប៉ូលិសចរាចរអូសយកទៅរក្សាទុកនៅស្នងការដ្ឋានរាជធានី ដើម្បីដោះស្រាយ ៕
ចែករំលែកព័តមាននេះ