ADផ្ទាំងផ្សព្វផ្សាយពាណិជ្ជកម្ម

Picture

ឈ្មួញ​ស្ករ​.​ស ជា​មេទាហាន​ច្រកព្រំដែនចាក់​ដី​រំ​លោ​.​ភ​ចូល​ចំណី​ទន្លេតូច​ធ្វើ​ឃ្លាំង​ស្តុ​ប​ទំនិញ​នាំ​ចេញ​ទៅ​លក់​នៅ​វៀតណាម​១​ថ្ងៃ​រាប់រយ​តោន​សង្ស័យ​អត់​បង់ពន្ធ

9 ខែ មុន
  • ព្រៃវែង

លោក តី វណ្ណៈ មេបញ្ជាការ​យោធា (​ក​.​បី​) នៃ​ច្រកព្រំដែន (​កម្ពុជា​-​វៀតណាម​) កោះ​រកា និង​កោះ​សំពៅ បាន​ប្រើ​អំណាច​ចាក់​ដី​រំ​លោ​.​ភលើ​ចំណី​ទន្លេតូច នៅ​ត្រង់​ចំណុច​ភូមិ​ពោធិ៍​ថ្មី ឃុំ​កោះ​សំពៅ ស្រុក​ពាម​ជរ ខេត្តព្រៃវែង ធ្វើ​ជា​ឃ្លាំង​ឯកជន​សម្រាប់​ស្តុ​ប​ទំនិញ

ខេត្តព្រៃវែង ៖ លោក តី វណ្ណៈ មេបញ្ជាការ​យោធា (​ក​.​បី​) នៃ​ច្រកព្រំដែន (​កម្ពុជា​-​វៀតណាម​) កោះ​រកា និង​កោះ​សំពៅ បាន​ប្រើ​អំណាច​ចាក់​ដី​រំ​លោ​.​ភលើ​ចំណី​ទន្លេតូច នៅ​ត្រង់​ចំណុច​ភូមិ​ពោធិ៍​ថ្មី ឃុំ​កោះ​សំពៅ ស្រុក​ពាម​ជរ ខេត្តព្រៃវែង ធ្វើ​ជា​ឃ្លាំង​ឯកជន​សម្រាប់​ស្តុ​ប​ទំនិញ (​ស្ករ​.​ស​) នាំ​ចេញ​ទៅ​លក់​អោយ​ឈ្មួញ​នៅ​ប្រទេស​វៀតណាម ដោយ​ក្នុង​មួយ​ថ្ងៃ​ៗ​រាប់រយ​តោន​ណោះ សង្ស័យ​អត់​បង់ពន្ធ​ជូន​រដ្ឋ​ទេ​មើលទៅ​។

ប្រភព​ព័ត៌មាន​បាន​ប្រាប់​អ្នក​សារព័ត៌មាន​អោយ​ដឹង​នា​ព្រឹក​ថ្ងៃ​ទី​១៦ ខែសីហា ឆ្នាំ​២០២៣​នេះ​ថា ឃ្លាំង​នេះ គឺជា​កម្មសិទ្ធិ​របស់​លោក តី វណ្ណៈ មេបញ្ជាការ​យោធា (​ក​.​បី​) កោះ​រកា និង​កោះ​សំពៅ បាន​សាងសង់​ជា​យូរណាស់​មក​ហើយ និង​ធ្លាប់​ត្រូវ​បាន​អាជ្ញាធរ​ស្រុក​-​ខេត្ត គេ​ចុះ​មក​ផ្អាក​មិន​អោយធ្វើ​ម្តង​រួច​មក​ហើយ​ដែរ ប៉ុន្តែ​មិនដឹង​ជា លោក តី វណ្ណៈ គាត់​ចេះ​មន្តអាគម​ន៍​អ្វី​នោះ​ទេ បានជា​បន្ត​ការ​សាងសង់​នេះ​ឡើង​វិញ​ដដែល​។

ប្រភព​ដដែល​បន្ត​ថា នេះ​គឺជា​ឃ្លាំង​ស្តុ​ប​ស្ករ​.​ស របស់​លោក​តី វណ្ណៈ ដឹក​ពី​រាជធានី​ភ្នំពេញ ចេញ​ទៅ​លក់​អោយ​ឈ្មួញ​បន្ត​នៅ​ប្រទេស​វៀតណាម​។ ឃើញ​តែ​ឡាន​ធំ​ៗ​សណ្តោង​កន្ទុយ​ដឹក​ស្ករ​.​ស​ក្នុង​មួយ​ថ្ងៃ​ៗ​មិន​ក្រោម​៣០០​ទៅ​៤០០​តោន​នោះ​ទេ គឺ​យក​មក​ទម្លាក់​ស្តុ​ប​ទុក​នៅ​ក្នុង​ឃ្លាំង​នេះ​។

មិន​ត្រឹមតែ​ប៉ុណ្ណោះ រថយន្ត​ធំ​ៗ​ដឹក​ស្ករ​.​ស របស់​លោក តី វណ្ណៈ នេះ ក៏​កំពុង​បំផ្លិចបំផ្លាញ​ផ្លូវ​លំនៅ​ក្នុងភូមិ​ពោធិ៍​ថ្មី ធ្វើ​ឱ្យ​រង​ការ​ខូចខាត ក្លាយទៅជា​ជង្ហុក​ដូច​រន្ធ​បាយខុម បង្ក​ឱ្យ​ការ​លំបាក​ដល់​អ្នក​ធ្វើ​ដំណើរ​ផង​ដែរ ។ ប៉ុន្តែ​ដោយសារ​តំបន់​ភាគច្រើន គឺ​សុទ្ធតែ​ជនជាតិ​វៀតណាម​រស់នៅ ខ្លាច​អំណាច​លោក តី វណ្ណៈ គ្មាន​អ្នក​ណា​ហ៊ាន​តវ៉ា​ឡើយ​។ ជា​ការ​ពិត​ណាស់ រាល់​ការ​នាំ​ទំនិញ​ឆ្លង​ដែន​ចេញចូល ប្រសិនបើ​មិន​មានការ​ត្រួតពិនិត្យ​បង់ពន្ធ​អោយ​បាន​ត្រឹមត្រូវ​ស្រប​តាម​ច្បាប់​ទេ​នោះ ប្រាកដជា​បំផ្លាញ​ជាតិ​សម្បើម​ណាស់​។

បញ្ហា​ខាងលើ​នេះ លោក តី វណ្ណៈ ម្ចាស់​ឃ្លាំង​ស្ករ​.​ស បាន​ប្រាប់​អោយ​ដឹង​តាម​ទូរស័ព្ទ​ដែរ​ថា ស្ករ​.​ស​នេះ គឺ​រូប​លោក​នាំ​មក​ពី​រាជធានី​ភ្នំពេញ គឺ​ខាង​ក្រុមហ៊ុន​គេ​បង់ពន្ធ​គ្រប់​ចំនួន​។ ហើយ​ការ​នាំ​ចេញ​ទៅ​លក់​នៅ​ប្រទេស​វៀតណាម ទាល់តែ​ឈ្មួញ​ខាងគេ​កុម្ម​ង់ ទើប​យើង​ដឹក​តាម​ទូក​ចូល​ទៅ​លក់​អោយ​ម្តង​៤​ទៅ​៥​តោន វា​មិន​ទៀង​នោះ​ទេ ជួនកាល​ត្រឹម​១០​ទៅ​២០​តោន​តែ​ប៉ុណ្ណោះ មិន​ដល់​ថ្នាក់​រាប់រយ​តោន​ដូច​គេ​និយាយ​នោះ​ទេ​។

ចំណែក​លោក វ៉ា ធី​ម អភិបាលស្រុក​ពាម​ជរក៍ បាន​លើក​ឡើង​ថា រូប​លោក​ឆ្ងល់​អ្នក​រកស៊ី​ណាស់ ផលប្រយោជន៍​ខ្លួនឯង ម៉េច​ក៏​ចូល​ចិត្ត​ធ្វើ​អោយ​ប៉ះពាល់​ផ្លូវ​សាធារណៈ​ម្ល៉េះ ហើយ​ការ​រកស៊ី​ម៉េច​ក៏​មិន​បង់ពន្ធ​ជូន​រដ្ឋ​អោយ​បាន​ត្រឹមត្រូវ​ទៅ​។ រូប​លោក​ទើប​ឡើង​កាន់​តំណែង​ក្រោយ​នេះ​ទេ មិន​ទាន់​បានដឹង​ទេ រូប​លោក​អោយ​អាជ្ញាធរ​មន្ត្រី​ជំនាញ​ពាក់ព័ន្ធ​ចុះ​ទៅ​ត្រួតពិនិត្យ​មើល សូម​អរគុណ​អ្នក​សារព័ត៌មាន​ដែល​បាន​រាយការណ៍​ជូន​៕

អត្ថបទសរសេរ ដោយ

កែសម្រួលដោយ