ប្រាក់រូប្លិ៍រុស្ស៊ីធ្លាក់ចុះដល់កម្រិតទាបបំផុតក្នុងរយៈពេល១៧ខែ
បរទេស ៖ ប្រាក់រូប្លិ៍រុស្ស៊ីបានធ្លាក់ចុះកម្រិតទាបបំផុតក្នុងរយៈពេល១៧ខែចុងក្រោយ បើធៀបនឹង
បរទេស ៖ ប្រាក់រូប្លិ៍រុស្ស៊ីបានធ្លាក់ចុះកម្រិតទាបបំផុតក្នុងរយៈពេល១៧ខែចុងក្រោយ បើធៀបនឹង
បរទេស ៖ ប្រាក់រូប្លិ៍រុស្ស៊ីបានធ្លាក់ចុះកម្រិតទាបបំផុតក្នុងរយៈពេល១៧ខែចុងក្រោយ បើធៀបនឹងប្រាក់ដុល្លារអាមេរិក នៅថ្ងៃទី១៤ ខែសីហា ឆ្នាំ២០២៣ នេះ ដែលនេះបានបង្ហាញអំពីវិបត្តិកាន់តែខ្លាំងឡើង នៅក្នុងសេដ្ឋកិច្ចរបស់ប្រទេសរុស្ស៊ី តាមរយៈការដាក់ទណ្ឌកម្មរបស់លោកខាងលិច ព្រមទាំងការធ្លាក់ចុះ នៃប្រាក់ចំណូលលើការនាំចេញ។ នេះបើយោងតាមប្រភពពីសារព័ត៌មាន CNN ចេញផ្សាយនៅថ្ងៃទី១៤ ខែសីហា ឆ្នាំ ២០២៣។
ប្រាក់រូប្លិ៍រុស្ស៊ីបានបាត់បង់ជិត ៤០% នៃតម្លៃរបស់វានៅក្នុងឆ្នាំនេះ ដោយអត្រាប្តូរប្រាក់ ១០០រូប្លិ៍រុស្ស៊ីក្នុង១ដុល្លារអាមេរិក នៅក្នុងសន្ទស្សន៍ជួញដូរ នៅថ្ងៃទី១៤ ខែសីហា ឆ្នាំ២០២៣ ដែលនេះបង្ហាញថា សង្គ្រាមឈ្លានរបស់រុស្ស៊ីលើអ៊ុយក្រែន បានធ្វើឱ្យខាតបង់យ៉ាងធ្ងន់ធ្ងរ។
ការធ្លាក់ចុះនៃតម្លៃប្រាក់រូប្លិ៍រុស្ស៊ី គឺជាសូចនាករអវិជ្ជមានមួយនៅក្នុងចំណោមសូចនាករអវិជ្ជមានជាច្រើនផ្សេងទៀត សម្រាប់សេដ្ឋកិច្ចរុស្ស៊ី សូម្បីតែ លោកប្រធានាធិបតី លោក វ្លាដឺមៀរ ពូទីន បានទទូចថា ទណ្ឌកម្មរបស់លោកខាងលិច កំពុងមានឥទ្ធិពលលើសេដ្ឋកិច្ចរបស់រុស្ស៊ី។
ដោយឡែកប្រភពពីសារព័ត៌មាន CNBC នៅថ្ងៃទី១៤ ខែសីហា ឆ្នាំ ២០២៣ បានឱ្យដឹងថា លោក Maxim Oreshkin ទីប្រឹក្សាសេដ្ឋកិច្ចរបស់លោក ពូទីន បានថ្លែងប្រាប់ទីភ្នាក់ងារព័ត៌មានរដ្ឋ Tass របស់រុស្ស៊ីថា ការធ្លាក់ថ្លៃនឹងមានលក្ខណៈធម្មតា នៅក្នុងពេលអនាគតដ៏ខ្លីខាងមុខនេះ។ បុរសវ័យ៤១ឆ្នាំរូបនេះ បាននិយាយថា «ភាពទន់ខ្សោយ នៃប្រាក់រូប្លិ៍រុស្ស៊ី ធ្វើឱ្យស្មុគស្មាញដល់ការរៀបចំរចនាសម្ព័ន្ធសេដ្ឋកិច្ចឡើងវិញ និងប៉ះពាល់យ៉ាងអវិជ្ជមានដល់ប្រាក់ចំណូលពិតប្រាកដរបស់ប្រជាជន»។
ធនាគារកណ្តាលរុស្ស៊ី កាលពីថ្ងៃទី១០ ខែសីហា ឆ្នាំ២០២៣ បានបញ្ឈប់ការទិញរូបិយប័ណ្ណបរទេស សម្រាប់រយៈពេលដែលនៅសល់នៃឆ្នាំនេះ ក្នុងការដេញថ្លៃ ដើម្បីរក្សារូបិយប័ណ្ណរុស្ស៊ី ដែលកំពុងជំរុញឱ្យមានការភ័យខ្លាច នៃការកើនឡើងអតិផរណា ខណៈប្រទេសរុស្ស៊ី ព្យាយាមផ្លាស់ប្តូរជាមូលដ្ឋាននូវសេដ្ឋកិច្ចរបស់ខ្លួន ដែលបង្កើនការប្រឈមមុខនឹងភាពឯកោ រួមនឹងការដាក់ទណ្ឌកម្មរបស់លោកខាងលិច៕
ចែករំលែកព័តមាននេះ