ខេត្តបន្ទាយមានជ័យ ៖ ក្រោយទុកសោក្នុងប្រអប់ម៉ូតូខាងមុខ ដើរចូលហាងធ្វើសក់ឱ្យភ្ញៀវ ស្រាប់តែចេញមកវិញបាត់ម៉ូតូ បានរត់ទៅប្តឹងប៉េអឹម ។ ៥ថ្ងៃក្រោយ ក៏ចាប់បានជនសង្ស័យ រួមទាំងម៉ូតូបានមកវិញ…
ខេត្តបន្ទាយមានជ័យ ៖ ក្រោយទុកសោក្នុងប្រអប់ម៉ូតូខាងមុខ ដើរចូលហាងធ្វើសក់ឱ្យភ្ញៀវ ស្រាប់
តែចេញមកវិញបាត់ម៉ូតូ បានរត់ទៅប្តឹងប៉េអឹម ។ ៥ថ្ងៃក្រោយ ក៏ចាប់បានជនសង្ស័យ រួមទាំងម៉ូតូបានមកវិញ បញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់នៅថ្ងៃទី០៩ សីហា ឆ្នាំ២០២៣ ។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យដែលត្រូវឃាត់ខ្លួនមានឈ្មោះ ស៊ិន យ៉ា ភេទប្រុស អាយុ២៩ឆ្នាំ រស់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
លោកបានបញ្ជាក់ថា កាលពីថ្ងៃទី០៣ ខែសីហា ឆ្នាំ២០២៣ កន្លងមក ស្ថិតនៅចំណុចមុខហាងសាឡនមួយកន្លែង ក្នុងភូមិប៉ាលិលេយ្យមួយពីរ សង្កាត់-ក្រុងប៉ោយប៉ែត មានករណីបាត់ម៉ូតូហុងដា ឃ្លីកពណ៌.ស ឆ្នាំ២០១៩ គ្មានស្លាកលេខ ដោយទុកសោចោលក្នុងប្រអប់ម៉ូតូដើរចូលហាងធ្វើសក់អោយភ្ញៀវ ។ លុះចេញមកវិញ បាត់ម៉ូតូត្រូវចោរយកទៅបាត់ ដោយម្ចាស់ម៉ូតូឈ្មោះ វណ្ណា ធីដែត ហៅស្រីពៅ ភេទស្រី អាយុ៣០ឆ្នាំ ។
លោកវរសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលពាក្យបណ្តឹងកម្លាំងកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវ និងកំណត់មុខសញ្ញាបានឃាត់ខ្លួនជនសង្ស័យឈ្មោះ ស៊ិន យ៉ា និងយកបានម៉ូតូមកវិញនៅថ្ងៃទី០៧ សីហា ឆ្នាំ២០២៣ ស្ថិតនៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ក្រោយសាកសួរហើយកសាងសំណុំរឿងបញ្ជូនទៅសាលាដំបូងខេត្ត រីឯម៉ូតូត្រូវបានប្រគល់ជូនម្ចាស់ដើមវិញ ។
ចែករំលែកព័តមាននេះ