រុស្ស៊ីថា ថ្ងៃទី១១ សីហា នឹងបញ្ជូនយានដំបូងទៅកាន់ភពព្រះចន្ទ
ប្រទេសរុស្ស៊ី ៖ ទីភ្នាក់ងារអវកាសរុស្ស៊ីROSCOSMOS ប្រកាសនាថ្ងៃទី៧ សីហាថា រុស្ស៊ីនឹងបា.ញ់បង្ហោះ
ប្រទេសរុស្ស៊ី ៖ ទីភ្នាក់ងារអវកាសរុស្ស៊ីROSCOSMOS ប្រកាសនាថ្ងៃទី៧ សីហាថា រុស្ស៊ីនឹងបា.ញ់បង្ហោះនាថ្ងៃទី១១ សីហា យានអវកាសដំបូងរបស់ខ្លួនចាប់តាំងពីឆ្នាំ១៩៧៦មក ទៅកាន់ភពព្រះចន្ទ ក្រោយពីប្រទេសនេះប្រើពេលអស់ច្រើនទសវត្សមកហើយដើម្បីអនុវត្តគម្រោងនេះ ។
ក្នុងសេចក្ដីប្រកាសមួយ ROSCOSMOS ថ្លែងថា ការបាញ់បង្ហោះយាន LUNNA-25 នឹងធ្វើនាថ្ងៃទី១១ សីហា វេលាម៉ោង០២និង១០នាទី៥៧វិនាទីម៉ោងនៅក្រុងមូស្គូ ។ ការបាញ់បញ្ជូនយាននេះធ្វើឡើង ខណៈមហាអំណាចដទៃៗទៀត ដូចជាអាមេរិកនិងចិនកំពុងបង្កើនបេសកកម្មរបស់ពួកគេទៅភពព្រះចន្ទ ។ ROSCOSMOSពន្យល់ថា កាំជ្រួច SOYOUZ ត្រូវបានដំឡើងនៅទីតាំងបាញ់បង្ហោះ VOSTOTCHY ចុងបូព៌ារុស្ស៊ីដើម្បីបញ្ជូនយាន LUNNA-25 ដែលនឹងទៅចុះនៅជិតប៉ូលខាងត្បូងនៃភពព្រះចន្ទជាទីកន្លែងលំបាកចុះ ។
យោងតាមការគណនាទាំងឡាយថា យាន នោះត្រូវហោះហើរចន្លោះ៤ថ្ងៃកន្លះឬ៥ថ្ងៃកន្លះទើបទៅដល់ភពព្រះចន្ទ ។ ក្នុងសេចក្ដីប្រកាសផ្លូវការរបស់ខ្លួន ទីភ្នាក់ងារអវកាសរុស្ស៊ីគូសបញ្ជាក់ថា ពេលទៅដល់ភពព្រះចន្ទយាននេះ ដែលមានទម្ងន់ជិត៨០០គីឡូក្រាម នឹងបំពេញបេសកកម្មលើភពនេះរយៈពេលយ៉ាងតិច១ឆ្នាំ ។ យាននឹងប្រមូលបណ្ដាគំរូភពព្រះចន្ទ ធ្វើវិភាគដីភពនោះហើយធ្វើការស្រាវជ្រាវវិទ្យាសាស្ត្ររយៈពេលយូរ ។
ការបាញ់បង្ហោះយាននេះជាបេសកកម្មដំបូងនៃកម្មវិធីភពព្រះចន្ទរបស់រុស្ស៊ី ធ្វើឡើងក្នុងពេល
ដែលប្រទេសនេះ ស្វែងរកបង្កើតបណ្ដាគម្រោងផ្ទាល់ខ្លួន និងពង្រឹងកិច្ចសហការអវកាសជាមួយចិន ខណៈកិច្ចសហការរបស់ខ្លួនជាមួយបណ្ដាមហាអំណាចអវកាសលោកខាងលិចបានត្រូវបំផ្លាញចាប់តាំងពីកងទ័ពរុស្ស៊ីលើកចូលលុកលុយអ៊ុយក្រែនមក ៕
ចែករំលែកព័តមាននេះ